എൽ.ഡി.എഫ്​ യോഗത്തിൽ കാനം-ചാണ്ടി വാക്കുതർക്കം

തിരുവനന്തപുരം: തോമസ്​ ചാണ്ടി രാജി​െവച്ചില്ലെങ്കിൽ പരസ്യനിലപാടെടുക്കേണ്ടി വരുമെന്ന്​ എൽ.ഡി.എഫ്​ യോഗത്തിൽ സി.പി.​െഎ തുറന്നടിച്ചു. സി.പി.​െഎ സെക്രട്ടറി കാനം രാജേന്ദ്രനും മന്ത്രി തോമസ്​ ചാണ്ടിയുമായി  വാക്കുതർക്കവുമുണ്ടായി. താൻ നയിച്ച തെക്കൻ മേഖല ജനജാഗ്രത യാത്രയുടെ വേദിയിൽ തോമസ്​ ചാണ്ടി നടത്തിയ ​െവല്ലുവിളി അനുചിതമായെന്ന്​ കാനം പറഞ്ഞു. വെ​ല്ലുവിളിച്ച്​ കൂടുതൽ നാൾ മുന്നോട്ട്​ പോകാനാകില്ലെന്നും അദ്ദേഹം കൂട്ടിച്ചേർത്തു. എന്നാൽ, കാനത്തിന്​ തെറ്റിദ്ധാരണയാണുള്ളതെന്നും താൻ പ്രതിപക്ഷത്തെയാണ്​ വെല്ലുവിളിച്ചതെന്നും തോമസ്​ ചാണ്ടി വിശദീകരിച്ചു. 

ഘടകകക്ഷിയെന്ന നിലക്ക്​ എൻ.സി.പിയെ നാണം കെടുത്താനില്ലെന്നും രാജിക്കാര്യത്തില്‍ എന്‍.സി.പിതന്നെ തീരുമാനം എടുക്കുന്നതാകും ഉചിതമെന്ന നിർദേശവും സി.പി.ഐ മുന്നോട്ടു​െവച്ചു. തോമസ് ചാണ്ടിയുടെ രാജി മുഖ്യമന്ത്രി ആവശ്യപ്പെടുന്നത് എൻ.സി.പിക്ക് ദോഷമാകുമെന്ന് സി.പി.ഐ ചൂണ്ടിക്കാട്ടി. എന്നാൽ, കോടതി വിധി വരെ രാജിക്കാര്യം നീട്ടണമെന്ന നിലപാട്​ എൻ.സി.പി കൈക്കൊണ്ടു. നിങ്ങൾ കാര്യം നേടാൻ സുപ്രീംകോടതി വരെ പോകുമായിരിക്കും.

അതുവരെ കാത്തിരിക്കണമോയെന്ന്​ കാനം രാജേന്ദ്രൻ മറുചോദ്യം ഉന്നയിച്ച്​ പരിഹസിച്ചു.  ജനതാദള്‍ -എസ് ഉൾപ്പെടെ മറ്റു ഘടകകക്ഷികളും സി.പി.​െഎയെ പിന്തുണച്ചു.  സർക്കാർ നടപടിയെ ചോദ്യം ചെയ്​ത്​ തോമസ്​ ചാണ്ടി കോടതിയെ സമീപിച്ചത്​ അനുചിതമായെന്ന അഭിപ്രായമാണ്​ ജനതാദൾ -എസ്​ പ്രതിനിധികൾ പ്രകടിപ്പിച്ചത്​. യോഗത്തിലുണ്ടാകുന്ന പൊതുനിലപാടിനൊപ്പം നില്‍ക്കാമെന്ന് സി.പി.എമ്മും കേരള കോണ്‍ഗ്രസ് -എസും വ്യക്​തമാക്കി.

എന്നാല്‍, രാജിയില്ലെന്ന  നിലപാട് എന്‍.സി.പി ആവര്‍ത്തിച്ചു. ഇതോടെയാണ്​  സി.പി.ഐ സ്വരം കടുപ്പിച്ചത്​. രാജിവെക്കാന്‍ തയാറായില്ലെങ്കില്‍ തങ്ങളുടെ നിലപാട് പരസ്യമാക്കേണ്ടിവരുമെന്ന് സി.പി.ഐ മുന്നറിയിപ്പ് നല്‍കി. ഇതോടെ രാജി വിഷയത്തില്‍ മുഖ്യമന്ത്രി തീരുമാനം എടുക്കട്ടെയെന്ന സമവായ നിർദേശം ഉയർന്നു. ഇത്​ ഒടുവില്‍ എൻ.സി.പിയും അംഗീകരിക്കുകയായിരുന്നു. 

യോഗതീരുമാനത്തിൽ സി.പി.​െഎക്ക്​ സന്തോഷമാണുള്ളതെന്ന്​ യോഗത്തിനു​ ശേഷം പുറത്തുവന്ന കാനം രാജേന്ദ്രൻ പ്രതികരിച്ചു. വെള്ളപ്പുക ക​െണ്ടന്നായിരുന്നു​ പന്ന്യൻ രവീന്ദ്ര​​െൻറ പ്രതികരണം. തോമസ്​ ചാണ്ടി ഇപ്പോൾ മന്ത്രിയായി തുടരുകയാണെന്നാണ്​ എൻ.സി.പി സംസ്ഥാന പ്രസിഡൻറ്​ ടി.പി. പീതാംബരൻ മാസ്​റ്റർ ​പ്രതികരിച്ചത്​. യോഗത്തിനു​ ശേഷം ഇറങ്ങിയ മന്ത്രി തോമസ്​ ചാണ്ടി  എല്ലാം എൽ.ഡി.എഫ്​ കൺവീനർ പറയുമെന്ന്​ പറഞ്ഞ്​ ​െകാച്ചിയിലേക്കു തിരിച്ചു.

യോഗം സംബന്ധിച്ച്​ വിശദീകരിക്കാൻ എൽ.ഡി.എഫ്​ കൺവീനർ വൈക്കം വിശ്വൻ വാർത്തസമ്മേളനം വിളിച്ചില്ല,  പകരം യോഗതീരുമാനങ്ങൾ എന്നനിലയിൽ സോളാർ, ജനജാഗ്രത യാത്രകൾ സംബന്ധിച്ചും തോമസ്​ ചാണ്ടിക്കെതിരായ വിഷയങ്ങളിൽ തീരുമാനമെടുക്കാൻ മുഖ്യമന്ത്രിക്ക്​ നിർദേശം നൽകിയെന്ന്​ വ്യക്തമാക്കുന്ന രണ്ടുവരിയും ഉൾപ്പെ​ടുത്തിയ വാർത്തക്കുറിപ്പ്​ ഇറക്കുകയായിരുന്നു.