ഏഴു വയസ്സുകാരന്‍റെ മരണം: മുത്തശ്ശി മജിസ്​ട്രേറ്റിന്​ മൊഴി നൽകി

തൊടുപുഴ: കുമാരമംഗലത്ത്​ ഏഴു വയസ്സുകാരനെ അമ്മയുടെ സുഹൃത്ത്​ ക്രൂരമായി മർദിച്ച‌ുകൊന്ന സംഭവത്തിൽ കുട്ടിയുടെ മുത്തശ്ശി മജിസ‌്ട്രേറ്റിനു​ മുന്നിൽ രഹസ്യമൊഴി നൽകി. ഇടുക്കി ഒന്നാം ക്ലാസ‌് ജുഡീഷ്യൽ മജിസ‌്ട്രേറ്റ‌് രശ‌്മി രവീന്ദ്രന്​ മുമ്പാകെയാണ‌് മൊഴി നൽകിയത‌്.

ഏഴു വയസ്സുകാര​​െൻറ അനുജനും മുത്തശ്ശിയോടൊപ്പം ഉണ്ടായിരുന്നു. കുട്ടിയെ പ്രതി അരുൺ ആനന്ദ‌് ആക്രമിച്ചത‌് സംബന്ധിച്ചും പിന്നീട‌് നാലു വയസ്സുകാരനായ ഇളയകുട്ടി ഇതേക്കുറിച്ച‌് മുത്തശ്ശിയോടും ചൈൽഡ‌് വെൽ​െഫയർ കമ്മിറ്റിയോട‌് സൂചിപ്പിച്ചതും ഇവർ പറഞ്ഞതായി അറിയുന്നു. അരുൺ ആനന്ദ‌ിന‌ു ക്രിമിനൽ പശ്ചാത്തലമുണ്ടെന്നും ഇയാളിൽനിന്ന്​ തനിക്കും ഭീഷണി ഉയർന്നിരുന്നതായും ഇവർ പറഞ്ഞതായാണ്​ വിവരം.

അതേസമയം, ഏഴു വയസ്സുകാര​​െൻറ അമ്മയുടെ മൊഴിയെടുക്കുന്ന കാര്യത്തിൽ തീരുമാനമായില്ല. പ്രതി അരുൺ കുട്ടികളെയും തന്നെയും ​ക്രൂരമായി മർദിച്ചിരുന്നുവെന്ന്​ ഏഴു വയസ്സുകാര​​െൻറ അമ്മ അന്വേഷണ ഉദ്യോഗസ്​ഥർക്ക്​ നേരത്തേ മൊഴി നൽകിയിരുന്നു.

ഇവർ കുട്ടിയുടെ മരണശേഷം കൗൺസലിങ്ങും ചികിത്സയുമായി കഴിയുകയാണ‌്. ഇളയകുട്ടിയുടെ സംരക്ഷണചുമതല ഒരു മാസത്തേക്ക്​ ഭർതൃവീട്ടുകാർക്ക്​ വിട്ടുനൽകിയിട്ടുണ്ട്​.