തൊടുപുഴ കൊലപാതകം: രണ്ട് പേർ കൂടി കസ്​റ്റഡിയിൽ

കടയ്ക്കൽ: വണ്ണപ്പുറത്ത്​ നാലംഗ കുടുംബത്തെ കൊലപ്പെടുത്തി കുഴിച്ചുമൂടിയ സംഭവവുമായി ബന്ധപ്പെട്ട് രണ്ട് പേരെ തൊടുപുഴ പൊലീസ് കസ്​റ്റഡിയിലെടുത്തു. കല്ലറ എസ്.എസ് ഹൗസിൽ പി.ഡി.പി ഷിബു എന്ന ഷിബു(44), തിരുവനന്തപുരം പൂന്തുറ മാണിക്യവിളാകം സിനി മൻസിലിൽ നിന്ന് കടയ്ക്കൽ തച്ചോണം ലക്ഷംവീടിന് സമീപം വാടകക്ക്​ താമസിക്കുന്ന അർഷാദ് (38) എന്നിവരെയാണ് ശനിയാഴ്ച പുലർച്ച കല്ലറ, തച്ചോണം എന്നിവിടങ്ങളിൽ നിന്നായി  കേസന്വേഷണം നടത്തുന്ന തൊടുപുഴ പൊലീസ് കസ്​റ്റഡിയിലെടുത്തത്.

സുഹൃത്തുക്കളായ ഷിബുവിനും അർഷാദിനും കൊല്ലപ്പെട്ട കൃഷ്ണനുമായി അടുത്ത ബന്ധമുണ്ടായിരുന്നതായി പറയുന്നു. റിയൽ എസ്​റ്റേറ്റ്​  ബിസിനസുമായി ബന്ധപ്പെട്ടായിരുന്നു അടുപ്പം. പി.ഡി.പി പ്രവർത്തകനായിരുന്ന ഷിബു പിന്നീട് മുസ്​ലിം ലീഗിലേക്ക്​ മാറുകയായിരുന്നു. ഇപ്പോൾ ലീഗ്​ തിരുവനന്തപുരം ജില്ല കമ്മിറ്റി അംഗമാണ്​. അടുത്തിടെ വഞ്ചനക്കുറ്റം ചുമത്തി പാങ്ങോട് പൊലീസ് ഷിബുവിനെതിരെ കേസെടുത്തിരുന്നു. പണം കൈപ്പറ്റി വഞ്ചി​െച്ചന്നാണ്​ കേസ്​. വണ്ണപ്പുറം കേസിൽ നിർണയകമാവുന്ന ഷിബുവി​​​െൻറ ​േഫാൺ സംഭാഷണം പുറത്തുവന്നിട്ടുണ്ട്​. ഒരു സ​ുഹൃത്തുമായുള്ളതാണ്​ സംഭാഷണം. ഇതിൽ 50,000 രൂപ കടമായി ചോദിച്ച ഷിബു ഒരു ലക്ഷമായി പണം മടക്കി നൽകുമെന്നും ക്രിട്ടിക്കൽ പണിയെടുക്കേണ്ടിവരു​െമന്നും സംഭവം സാധ്യമായാൽ സാമ്പത്തികമായി രക്ഷപ്പെടുമെന്നും പറയുന്നുണ്ട്​. 

അർഷാദ് തച്ചോണത്ത് ഫാത്തിമാ കാറ്ററിങ്​ എന്ന പേരിൽ സ്ഥാപനം നടത്തിവരുകയായിരുന്നു. മൂന്ന് മാസമായി സ്ഥാപനം പ്രവർത്തിക്കുന്നില്ല. വെള്ളിയാഴ്ച വൈകീട്ട് കല്ലറയിലെത്തിയ പൊലീസ് സംഘം രാത്രി മുഴുവൻ പ്രദേശത്ത് അന്വേഷണം നടത്തിയതിനൊടുവിലാണ് ഇരുവരെയും കസ്​റ്റഡിയിലെടുത്തത്. കേസുമായി ബന്ധപ്പെട്ട് തിരുവനന്തപുരത്ത് നിന്ന്​ കസ്​റ്റഡിയിലെടുത്തയാളുടെ മൊഴിയുടെ അടിസ്ഥാനത്തിലാണ് ഇരുവരെയും കസ്​റ്റഡിയിലെടുത്തതെന്ന് അറിയുന്നു. കൊലക്ക്​ കാരണമായ വിവരങ്ങൾ ഇരുവർക്കും അറിയാമെന്നാണ് പൊലീസ് കരുതുന്നത്.