വീട്ടിലെത്തിയാലും അരുൺ ജോലിയിലാണ്​, ആശുപത്രിക്കായി

തൊടുപുഴ: എ​​​െൻറ മാസ്​കെവിടെ. അരുൺ കുമാർ തിരക്കുകൂട്ടി വീട്ടിൽനിന്ന്​ ഇറങ്ങുകയാണ്​. കോവിഡിനെതിരായ പോരാട്ടത്തിലെ പോരാളികളിൽ ഒരാൾ. രാവേറുവോളം കൺട്രോൾ റൂമി​​​െൻറ ചുമതലയാണ്​ അരുണിന്​​. ഡ്യൂട്ടികഴിഞ്ഞ്​ മടങ്ങിയ​ാലും ജോലി ചെയ്യുന്ന ആശുപത്രിലേക്ക്​​ അടിയന്തരമായി വേണ്ട ഉപകരണങ്ങളുടെ പണിപ്പുരയിലാവും​ ഇടുക്കി ജില്ല ആശുപത്രിയിലെ സ്​റ്റാഫ്​ നഴ്​സായ ഈ 35കാരൻ.

പലപ്പോഴും ആശുപത്രി ഡ്യൂട്ടിയും കഴിഞ്ഞ്​ വീട്ടിലെത്തി നിർമാണവും പൂർത്തിയാക്കി ഉറങ്ങു​േമ്പാൾ അർധരാത്രി കഴിഞ്ഞിട്ടുണ്ടാവും. കോവിഡ്​ ആശങ്ക നിറഞ്ഞ ഈ ദിനങ്ങളിലെ അസൗകര്യങ്ങളെ നേരിടാനാണ്​ ചെറുപ്പത്തിലേ കൈമുതലാക്കിയ ആശാരിപ്പണികൂടി അരുൺ വിനിയോഗിക്കുന്നത്​​. ഹാൻഡ്​ ഡ്രയറുകൾ, എൽബോ ടാപ്​​, സ്രവപരിശോധനക്കുള്ള ട്രേയടക്കം ആശുപത്രിക്കായി നിർമിച്ച്​ നൽകിക്കഴിഞ്ഞു.

രണ്ടാഴ്​ച മുമ്പു​വരെ ഇടുക്കി ആശങ്കയുടെ മുൾമുനയിലായിരുന്നു. രോഗബാധിതരുടെ എണ്ണം കൂടിവരുന്നതിനനുസരിച്ച്​ സമ്പർക്ക പട്ടികയിലുള്ളവരുടെ സ്രവശേഖരണവും കൂടി. വിശ്രമമില്ലാതെ 12 മണിക്കൂർവരെ ജോലി ചെയ്​തു​. സമയമൊന്നും മാനദണ്ഡമാക്കിയായിരുന്നില്ല ഡ്യൂട്ടി. മുന്നിലെത്തുന്നവരിൽ രോഗബാധയുള്ളവരുണ്ടോ ഇല്ലയോ എന്നൊന്നുമറിയില്ല. എന്നിട്ടും പുഞ്ചിരിയോടെ സ്വീകരിച്ചു. തിരക്കുകൂടി ചില ഉപകരണങ്ങളുടെ അപര്യാപ്​തത വെല്ലുവിളിയായതോടെ അതിജീവിക്കാൻ കരവിരുത്​ പുറത്തെടുക്കുകയായിരുന്നു. വൃത്തിവരുത്തി ഐസൊലേഷൻ വാർഡിലേക്ക്​ കയറു​േമ്പാൾ കൈകൾ ഉണക്കുന്നതിനുള്ള ഹാൻഡ്​ ഡ്രയറായിരുന്നു ആദ്യം നിർമിച്ചത്​​​​. 6000 രൂപയോളം വിലവരുന്ന ഡ്രയർ​ കുറഞ്ഞ ചെലവിൽ നിർമിച്ചു. ആശുപത്രി ​വാർഡുകളിലടക്കം പ്ലാസ്​റ്റിക്​ ടാപ്പുകളാണ്​ ഉ​പയോഗിച്ചിരുന്നത്​. കോവിഡ്​ സാഹചര്യത്തിൽ ഇത്​ ആശങ്കയാകുന്നത്​ മനസ്സിലാക്കി പത്തോളം ഇടങ്ങളിൽ എൽബോ ടാപ്​ ഘടിപ്പിച്ചു​ നൽകി. അസിസ്​റ്റൻറി​​​െൻറ സഹായം കൂടാതെ ഡോക്​ടർക്ക്​ പരിശോധനക്കെത്തുന്നവരുടെ സ്രവം​ ശേഖരിക്കാൻ കഴിയുന്ന ട്രേയും ഉണ്ടാക്കി.

ഹോസ്​പിറ്റൽ മാനേജ്​മ​​െൻറ്​ കമ്മിറ്റിയിൽനിന്നുള്ള ചെറിയ ഫണ്ടും സ്വന്തം കൈയിൽനിന്നുള്ള പണവും ചെലവഴിച്ച്​ സാമഗ്രികളെല്ലാം തന്നെ കണ്ടെത്തുകയായിരുന്നു​​. ജില്ല ആശുപത്രിയിലെ കോവിഡ്​ 19 നോഡൽ ഒാഫിസറായ ഡോ. ദീപേഷും ആശുപത്രി സൂപ്രണ്ട്​ ഡോ. രവികുമാറും പിന്തുണ നൽകി​. കട്ടപ്പന താലൂക്ക്​ ആശുപത്രിയിലെ നഴ്​സാണ് ഭാര്യ ആര്യ​. കോവിഡ്​ സാഹചര്യത്തിൽ ഇരുവർക്കും ജോലിത്തിരക്കേറിയതിനാൽ കുട്ടികളെ അമ്മവീട്ടിൽ നിർത്തിയിരിക്കുകയാണ്​. തൊടുപുഴ വെള്ളിയാമറ്റം സ്വദേശിയായ അരുൺ കട്ടപ്പനയിലാണ്​ താമസം. പിതാവ്​ പുരുഷോത്തമൻ ആശാരി ജോലികൾ ചെയ്​തിരുന്നു. ഏഴാം ക്ലാസ്​ മുതൽ അച്ഛനെ സഹായിച്ചു തുടങ്ങി. എൻജിനീയറാകാനായിരുന്നു​ മോഹം, വഴിമാറി സഞ്ചരിച്ചെങ്കിലും സങ്കടം ഒട്ടുമില്ല. ഇപ്പോൾ തെളിഞ്ഞ വഴി ആത്മാഭിമാനവും സന്തോഷവും നൽകുന്നതാണെന്നും​ അരുൺ പറയുന്നു.