തിരുവോണത്തോണി​ ആറന്മുളയിൽ; വൻ വരവേൽപ്പ്

ആ​റ​ന്മു​ള: തി​രു​വോ​ണ ദി​വ​സ​ത്തിൽ തി​രു​വോ​ണ സ​ദ്യ​ക്കു​ള്ള വി​ഭ​വ​ങ്ങ​ളു​മാ​യി തി​രു​വോ​ണ​ത്തോ​ണി ആ​റ​ന്മു​ള​യി​ലെത്തി.​ പു​ല​ർ​ച്ച 5.30നാണ്​ ​ആ​റ​ന്മു​ള​യി​ൽ എ​ത്തിയത്. മ​ങ്ങാ​ട്ട് ഭ​ട്ട​തി​രി ക്ഷേ​ത്ര​ത്തി​ൽ പ്ര​വേ​ശി​ച്ച്​ കെ​ടാ​വി​ള​ക്കി​ലേ​ക്കു​ള്ള ദീ​പം മേ​ൽ​ശാ​ന്തി​ക്ക് കൈ​മാ​റി. തു​ട​ർ​ന്ന് സ​ദ്യ​ക്കു​ള്ള ഒ​രു​ക്കം ആ​രം​ഭി​ച്ചു. ഭ​ട്ട​തി​രി വൈ​കീ​ട്ട് ദീ​പാ​രാ​ധ​ന​ക്കു ​ശേ​ഷം പ​ണ​ക്കി​ഴി സ​മ​ർ​പ്പി​ച്ച്​ കു​മാ​ര​ന​ല്ലൂ​രി​ലേ​ക്ക് മ​ട​ങ്ങും. കോ​ട്ട​യം കു​മാ​ര​ന​ല്ലൂ​ർ മ​ങ്ങാ​ട്ടി​ല്ലം​ എം.​ആ​ർ. ര​വീ​ന്ദ്ര​ബാ​ബു ഭ​ട്ട​തി​രി​യാ​ണ്​ തി​രു​വോ​ണ​​​ത്തോ​ണി ന​യി​ച്ചത്.

കു​മാ​ര​ന​ല്ലൂ​രി​ൽ​നി​ന്ന്​ ചു​രു​ള​ൻ വ​ള്ള​ത്തി​ൽ എ​ത്തി​യ ഭ​ട്ട​തി​രി അ​യി​രൂ​ർ പു​തി​യ​കാ​വ്​ ക്ഷേ​ത്ര​ത്തി​ൽ ​നി​ന്ന്​​ വെ​ള്ളി​യാ​ഴ്​​ച്ച ഉ​ച്ച​ക്ക്​ കാ​ട്ടൂ​രി​ലെ​ത്തി. കാ​ട്ടൂ​ർ ക്ഷേ​ത്ര ഉ​പ​ദേ​ശ​ക സ​മി​തി ഭാ​ര​വാ​ഹി​ക​ളും 18 നാ​യ​ർ ത​റ​വാ​ടു​ക​ളി​ലെ പ്ര​തി​നി​ധി​ക​ളും ചേ​ർ​ന്ന് സ്വീ​ക​രി​ച്ചു.

ഉ​ത്രാ​ട സ​ന്ധ്യ​യി​ലാണ് സ​ദ്യ​ക്കു​ള്ള വി​ഭ​വ​ങ്ങ​ളു​മാ​യി തി​രു​വോ​ണ​ത്തോ​ണി കാ​ട്ടൂ​ർ മ​ഹാ​വി​ഷ്ണു ക്ഷേ​ത്ര​ക്ക​ട​വി​ൽ​ നി​ന്ന് പു​റ​പ്പെ​ട്ടത്. വൈ​കീ​ട്ട് ദീ​പാ​രാ​ധ​ന​ക്ക്​ ആ​ചാ​ര​പ​ര​മാ​യാ​ണ്​ പു​റ​പ്പാ​ട്​ ച​ട​ങ്ങു​ക​ൾക്ക് ശേ​ഷ​മാ​യി​രു​ന്നു യാ​ത്ര ആ​രം​ഭി​ച്ച​ത്. ആ​റ​ന്മു​ള പാ​ർ​ഥ​സാ​ര​ഥി ക്ഷേ​ത്ര​ത്തി​ലെ കെ​ടാ​വി​ള​ക്കി​ൽ ക​ത്തി​ക്കാ​നു​ള്ള ദീ​പം കാ​ട്ടൂ​ർ ക്ഷേ​ത്രം മേ​ൽ​ശാ​ന്തി പ​ക​ർ​ന്നു​ ന​ൽ​കി. ഈ ​ദീ​പ​മാ​ണ്​ ആ​റ​ന്മു​ള ക്ഷേ​ത്ര​ത്തി​ൽ അ​ടു​ത്ത ഒ​രു​വ​ർ​ഷം കെ​ടാ​വി​ള​ക്കാ​യി സൂ​ക്ഷി​ക്കു​ന്ന​ത്.

തു​ട​ർ​ന്ന് തോ​ണി​യി​ലേ​ക്ക് ഓ​ണ​സ​ദ്യ​ക്കു​ള്ള വി​ഭ​വ​ങ്ങ​ൾ ക​യ​റ്റി. ചോ​തി അ​ള​വി​ന്‍റെ ഭാ​ഗ​മാ​യി ല​ഭി​ച്ച നെ​ല്ലു​കു​ത്തി അ​രി​യാ​ക്കി​യ​ത് ഉ​ൾ​പ്പെ​ടെ ഭ​ക്ഷ്യ​വി​ഭ​വ​ങ്ങ​ളാ​ണ് തോ​ണി​യി​ൽ ക​യ​റ്റി​യ​ത്. മ​ങ്ങാ​ട്ട് ഭ​ട്ട​തി​രി തോ​ണി​യി​ൽ പ്ര​വേ​ശി​ച്ച ​ശേ​ഷം അ​വ​കാ​ശ കു​ടും​ബ പ്ര​തി​നി​ധി​ക​ളും തോ​ണി​യി​ൽ ക​യ​റി. ഭ​ക്തി​സാ​ന്ദ്ര​മാ​യ അ​ന്ത​രീ​ക്ഷ​ത്തി​ലാണ് തോ​ണി ആ​റ​ന്മു​ള​യി​ലേ​ക്ക് പു​റ​പ്പെ​ട്ടത്.