ഗതകാല സ്മൃതിയിൽ നാളെ തിരുവാതിര 

തി​രു​നാ​വാ​യ: ധ​നു മാ​സ​ത്തി​ലെ തി​രു​വാ​തി​ര ചൊ​വ്വാ​ഴ്ച. കു​ടും​ബ സൗ​ഭാ​ഗ്യ​വും ഇ​ഷ്​​ട​ഭ​ർ​തൃ ഭാ​ഗ്യ​വും കൊ​തി​ക്കു​ന്ന മ​ല​യാ​ളി മ​ങ്ക​മാ​രു​ടെ ഉ​ത്സ​വ​മാ​ണി​ത്. ബാ​ല​ഗോ​പാ​ല​നെ ഭ​ർ​ത്താ​വാ​യി ല​ഭി​ക്കാ​ൻ ഗോ​പി​ക​മാ​ർ കാ​ർ​ത്യാ​യ​നി പൂ​ജ ന​ട​ത്തി​യ​തും കു​മാ​ര സം​ഭ​വ​ത്തി​ന്​ മു​മ്പ് കാ​മ​ദേ​വ​ൻ ദ​ഹി​ച്ച​പ്പോ​ൾ വി​ല​പി​ച്ചു തു​ട​ങ്ങി​യ ര​തി​യെ പ​ര​മ​ശി​വ​ൻ നെ​ടു​മം​ഗ​ല്യം ന​ൽ​കി അ​നു​ഗ്ര​ഹി​ച്ച​തും തി​രു​വാ​തി​ര നാ​ളി​ലെ​ന്നാ​ണ്​ വി​ശ്വാ​സം. 

ശി​വ​പൂ​ജ​ക്ക് പ്രാ​ധാ​ന്യം ന​ൽ​കു​ന്ന ഈ ​ദി​ന​ത്തി​ൽ ശി​വ​ക്ഷേ​ത്ര ദ​ർ​ശ​നം വി​ശേ​ഷ​മാ​യി ക​ണ​ക്കാ​ക്കു​ന്നു. സൂ​ര്യോ​ദ​യ​ത്തി​നു മു​മ്പു​ള്ള തു​ടി​കൊ​ട്ടി​ക്കു​ളി (മം​ഗ​ല്യ​സ്നാ​നം), ആ​ർ​ദ്രാ​ദ​ർ​ശ​നം, നൊ​യ​മ്പ്, എ​ട്ട​ങ്ങാ​ടി നി​വേ​ദ്യം, ഉ​റ​ക്ക​മൊ​ഴി​ക്ക​ൽ, പാ​തി​രാ​പ്പൂ ചൂ​ട​ൽ, സ്വ​യം​വ​രം പാ​ട​ൽ, കോ​ടി​യ​ല​ക്കി​യ മു​ണ്ടു​ടു​ക്ക​ൽ, ക​ണ്ണെ​ഴു​തി ച​ന്ദ​ന​വും കു​ങ്കു​മ​വും തൊ​ട​ൽ എ​ന്നി​വ​യാ​ണ് തി​രു​വാ​തി​ര​യു​ടെ മു​ഖ്യ ച​ട​ങ്ങു​ക​ൾ. 

മ​ക​യി​രം നൊ​യ​മ്പ് മ​ക്ക​ൾ​ക്കും തി​രു​വാ​തി​ര നൊ​യ​മ്പ് നെ​ടു​മം​ഗ​ല്യ​ത്തി​നും പു​ണ​ർ​തം നൊ​യ​മ്പ് സ​ഹോ​ദ​ര​ന്മാ​ർ​ക്കു​മെ​ന്നാ​ണ് വി​ശ്വാ​സം. അ​തി​നാ​ൽ കു​ടും​ബ ബ​ന്ധ​ങ്ങ​ൾ സു​ദൃ​ഢ​മാ​ക്കു​ന്ന ആ​ഘോ​ഷം കൂ​ടി​യാ​ണ് തി​രു​വാ​തി​ര. വ്ര​ത​മെ​ടു​ക്കു​ന്ന സ്ത്രീ​ക​ൾ അ​രി​യാ​ഹാ​രം വെ​ടി​ഞ്ഞ് ഗോ​ത​മ്പ് ക​ഞ്ഞി​യും മ​റ്റു ല​ഘു​ഭ​ക്ഷ​ണ​വു​മാ​ണ് ക​ഴി​ക്കു​ക. തി​രു​വാ​തി​ര ദി​വ​സം കാ​ച്ചി​ൽ, ചേ​ന, ചേ​മ്പ്, മു​തി​ര, വ​ൻ​പ​യ​ർ, കാ​വത്ത് തു​ട​ങ്ങി​യ​വ കൊ​ണ്ടു​ണ്ടാ​ക്കു​ന്ന പു​ഴു​ക്ക്, കൂ​വ​പ്പാ​യ​സം, ചെ​റു​പ​ഴം എ​ന്നി​വ മു​ഖ്യ​മാ​ണ്. ഭ​ക്ഷ​ണം ക​ഴി​ഞ്ഞാ​ൽ തി​രു​വാ​തി​ര​ക്ക​ളി, ഊ​ഞ്ഞാ​ലാ​ട്ടം എ​ന്നി​വ​യും പ​തി​വു​ണ്ടാ​യി​രു​ന്നു. 

ഡി​ജി​റ്റ​ൽ യു​ഗ​ത്തി​ൽ മ​ത​പ​ര​മാ​യ ആ​ഘോ​ഷ​ങ്ങ​ളി​ല​ട​ക്കം കാ​ത​ലാ​യ മാ​റ്റ​ങ്ങ​ൾ സം​ഭ​വി​ച്ചെ​ങ്കി​ലും പ​ര​മ്പ​രാ​ഗ​ത ആ​ചാ​രാ​നു​ഷ്ഠാ​ന​ങ്ങ​ളോ​ടും ചി​ട്ട​ക​ളോ​ടും കൂ​ടി തി​രു​വാ​തി​ര​യെ വ​ര​വേ​ൽ​ക്കു​ന്ന ഒ​ട്ടേ​റെ ത​റ​വാ​ടു​ക​ൾ ഇ​ന്നും നാ​ട്ടി​ൻ​പു​റ​ങ്ങ​ളി​ലു​ണ്ട്.