Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right‘കളവ്​ കൈയോടെ...

‘കളവ്​ കൈയോടെ പിടിച്ചപ്പോൾ മുമ്പും അഴിമതി നടന്നിട്ടുണ്ടെന്ന്​ പറയുന്നത്​ ന്യായമാണോ?’; എ.ഐ വിവാദത്തിൽ​ തിരുവഞ്ചൂർ

text_fields
bookmark_border
Thiruvanchoor radhakrishnan
cancel

കോട്ടയം: ​എ.ഐ കാമറ വിവാദത്തിൽ ജുഡീഷ്യൽ അന്വേഷണം ആവശ്യപ്പെട്ട്​ തിരുവഞ്ചൂർ രാധാകൃഷ്ണൻ എം.എൽ.എ. മന്ത്രി പി. രാജീവിന്റെ പ്രസ്താവനക്ക്​ മറുപടിയായി വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം.

പത്തു വർഷം മുമ്പ് കാമറ വാങ്ങിയതിൽ അഴിമതി ഉണ്ടെങ്കിൽ അതേപ്പറ്റിയും അന്വേഷിക്കട്ടേ. കീഴുദ്യോഗസ്ഥരെ അന്വേഷണത്തിന്​ നിയോഗിച്ചാൽ സത്യം പുറത്തുവരില്ല. കാമറ വിവാദത്തിൽ ഇപ്പോൾ നടക്കുന്ന അന്വേഷണം പ്രഹസനമാണ്​. ജനങ്ങളെ ബുദ്ധിമുട്ടിക്കുകയല്ല വേണ്ടതെന്നും സമഗ്ര അന്വേഷണം നടത്തി വസ്തുത ജനങ്ങളെ ബോധ്യപ്പെടുത്തണമെന്നും അദ്ദേഹം ആവശ്യപ്പെട്ടു.

പൊലീസിനായി 2013ൽ കാമറ വാങ്ങിയതിൽ അഴിമതിയുണ്ടെന്ന സി ആൻഡ്​ എ.ജിയുടെ കണ്ടെത്തലിൽ വിശദ അന്വേഷണത്തിന്​ നിയോഗിച്ച ജസ്റ്റിസ്​ സി.എം. രാമചന്ദ്രന്‍, മുൻ ഡി.ജി.പി ജേക്കബ് പുന്നൂസ് എന്നിവരുടെ അന്വേഷണ റിപ്പോർട്ട് മുഖ്യമന്ത്രിയുടെ പക്കലുണ്ടെന്നും ഇത്​​ പുറത്തുവിടണമെന്നും​ എം.എൽ.എ ആവശ്യപ്പെട്ടു.

പൊതുമേഖല സ്ഥാപനങ്ങളെ മുന്‍നിര്‍ത്തിയുള്ള കച്ചവടം അവസാനിപ്പിക്കണമെന്നും അദ്ദേഹം കൂട്ടിച്ചേർത്തു. എ.ഐ കാമറ സ്ഥാപിച്ച് നീതിക്ക് നിരക്കാത്ത നടപടി വഴി പിഴ അടപ്പിക്കുന്ന പ്രാകൃതനടപടികള്‍ പിന്‍വലിക്കണം. സ്‌കൂട്ടറില്‍ കുട്ടികളെ കൊണ്ടു പോകുമ്പോള്‍ പിഴ ചുമത്തുന്നത് പരിഷ്‌കൃത ലോകത്തിന്​ ചിന്തിക്കാന്‍ സാധിക്കാത്ത നടപടികളാണ്. കളവ്​ കൈയോടെ പിടിച്ചപ്പോൾ മുമ്പും അഴിമതി നടന്നിട്ടുണ്ടെന്ന്​ പറയുന്നത്​ ന്യായമാണോ എന്നും ഇതിനെതിരെ ജനകീയ പ്രക്ഷോഭങ്ങൾ ഉണ്ടാകുമെന്നും തിരുവഞ്ചൂർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Thiruvanchoor radhakrishnanAI Camera
News Summary - Thiruvanchoor radhakrishnan react to AI camera scam
Next Story