Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഉമ്മൻ ചാണ്ടിയെ ആർക്കും...

ഉമ്മൻ ചാണ്ടിയെ ആർക്കും ഉന്നം​െവക്കാനാകില്ല -തിരുവഞ്ചൂർ

text_fields
bookmark_border
ഉമ്മൻ ചാണ്ടിയെ ആർക്കും ഉന്നം​െവക്കാനാകില്ല -തിരുവഞ്ചൂർ
cancel

കോട്ടയം: ഉമ്മൻ ചാണ്ടിയെ ആർക്കും ലക്ഷ്യംവെക്കാനാകില്ലെന്ന്​ ​തിരുവഞ്ചൂർ രാധാകൃഷ്​ണൻ. കേരളത്തിൽ ആരെങ്കിലും അതിന്​ സമ്മതിക്കുമോയെന്നും അദ്ദേഹം ചോദിച്ചു. വാർത്തസമ്മേളനത്തിനിടെ വി.എം. സുധീര​​​െൻറയും പി.ജെ. കുര്യ​​​െൻറയും വിമർശനങ്ങൾ ചൂണ്ടിക്കാട്ടിയ​പ്പോഴായിരുന്നു ഇൗ പ്രതികരണം.

ഉമ്മൻ ചാണ്ടിക്കെതിരെയുള്ള സുധീര​​​െൻറയും കുര്യ​​​െൻറയും വിമർശനങ്ങൾക്ക്​ പിന്നിൽ എ.കെ. ആൻറണിയാണെന്ന്​ വിശ്വസിക്കുന്നില്ല. കോൺഗ്രസ്​ ഇപ്പോൾ വിഷമസ്ഥിതിയിലാണ്​. അതിൽനിന്ന്​ കരകയറാനുള്ള നടപടി ഉണ്ടാകണം. തെറ്റുകൾ തിരുത്തണം. ആ​രു​ടെയെങ്കിലും സ്ഥാനവുമായി ബന്ധപ്പെടുത്തിയല്ല ഇത്​. ആരെങ്കിലും സ്ഥാനം ഒഴിയുന്നതുെകാണ്ട്​ തീരുന്നതാണ്​ പ്രശ്​നങ്ങളെന്ന്​ കരുതുന്നില്ല. രക്ഷപ്പെടാന്‍ കൃത്യമായ തന്ത്രം നേതൃത്വം സ്വീകരിച്ചേ മതിയാകൂ.

കോൺഗ്രസും യു.ഡി.എഫും ശക്തിപ്പെടണം. പരാജയപ്പെട്ട്​ കഴിഞ്ഞാൽ പിന്നെ ആരു​ടെ തോൽവിയാണെന്ന്​​ ചികഞ്ഞ്​ നോക്കിയിട്ട്​ കാര്യമില്ല. പാർട്ടിയിൽ എല്ലാവരും ​െഎക്യം ആഗ്രഹിക്കുന്ന ഘട്ടമാണിത്​. ഉമ്മൻ ചാണ്ടിയുടെ നേതൃത്വത്തിൽ പാർട്ടിക്ക്​ തെരഞ്ഞെടുപ്പ്​ വിജയം നേടാനായിട്ടില്ലെന്ന കുര്യ​​​െൻറ വിമർശനം ചൂണ്ടിക്കാട്ടിയപ്പോൾ, ഉമ്മൻ ചാണ്ടി നയിച്ചപ്പോൾ റെക്കോഡ്​ ഭൂരിപക്ഷത്തോട്​ ജയിച്ചയാളാണ്​ ഞാ​നെന്ന്​ അദ്ദേഹം പറഞ്ഞു. 
 പരസ്യപ്രസ്​താവനകൾക്ക്​ ​വിലക്കുള്ളതിനാൽ വിമർശനങ്ങൾക്ക്​ മറുപടി നൽകാനില്ല. ​ചെങ്ങന്നൂർ ഉപതെരഞ്ഞെടുപ്പിലെ പരാജയകാരണങ്ങൾ പരിഹരിക്കും​. കോട്ടയം പാർലമ​​െൻറ്​ മണ്ഡലത്തിൽ യു.ഡി.എഫിന്​ തെരഞ്ഞെടുപ്പിനെ ഭയക്കേണ്ട കാര്യമില്ല. 

എ.ഡി.ജി.പിയുടെ മകൾ പൊലീസ്​ ഡ്രൈവറെ​ മർദിച്ച സംഭവം ​നികൃഷ്​ടമായ നടപടിയാണ്​. എ.ഡി.ജി.പിക്കെതിരെ പൗരാവകാശ ലംഘനത്തിന്​ നടപടിയെടുക്കണം. നടന്നത്​ ഭരണഘടനവിരുദ്ധ നടപടിയാണ്​. അടിമപ്പണി സമ്മതിക്കാനാകില്ല. ജോലി തടസ്സപ്പെടുത്തിയതിന്​ എ.ഡി.ജി.പിയുടെ മകൾക്കെതിരെ കേസെടുക്കണം. എന്നാൽ, ഇതുവരെ അവരെ തൊട്ടിട്ടില്ല. ഉദ്യോഗസ്ഥനെ മാറ്റിയത്​ സ്വാഗതാർഹമാണെന്നും അദ്ദേഹം പറഞ്ഞു.


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsthiruvanchoor radhakrishnanmalayalam news
News Summary - thiruvanchoor radhakrishnan- kerala news
Next Story