കെവി​െൻറ കൊലപാതകം മുങ്ങിമരണമാക്കാൻ നീക്കം -തിരുവഞ്ചൂർ

കോട്ടയം: കെവിൻറെ കൊലപാതകം മുങ്ങിമരണമാക്കി ചിലരെ രക്ഷിക്കാൻ നീക്കം നടക്കുന്നതായി തിരുവഞ്ചൂർ രാധാകൃഷ്ണൻ എം.എൽ.എ വാർത്തസമ്മേളനത്തിൽ ആരോപിച്ചു. അന്വേഷണത്തി​​​െൻറ തുടക്കത്തിൽ തന്നെ ആരെയൊക്കയോ രക്ഷപ്പെടുത്താനും  കേസ് തേച്ചുമായ്​ച്ചുകളയാനുള്ള ശ്രമവുമാണ് നടന്നത്​. സി.പി.എം നേതാക്കളുടെ നേതൃത്വത്തിൽ മൃതദേഹം  പൊലീസിൽനിന്ന്​ ഏറ്റുവാങ്ങിയത് ഇതി​െൻെറഭാഗമാണ്. കൊലയാളികൾ നല്ലപിള്ളചമയാനാണ് ശ്രമിക്കുന്നത്. അന്വേഷണസംഘം രൂപവത്​കരിക്കുന്നതിനുമുമ്പ്​ എസ്.ഐയെ രക്ഷപ്പെടുത്താൻ രാഷ്​ട്രീയസമ്മർദമുണ്ടാകുന്നു. പരാതി നൽകിയിട്ടും കേസെടുക്കാത്ത പൊലിസുദ്യോഗസ്ഥൻ ഏഴുവർഷം തടവുശിക്ഷ കിട്ടാവുന്ന കുറ്റമാണ് ചെയ്തത്. ഐ.പി.സി 221 വകുപ്പ് പ്രകാരം ഗാന്ധിനഗർ എസ്.ഐക്കെതിരെ കേസെടുത്തി​െല്ലങ്കിൽ അന്വേഷണസംഘത്തലവൻ മറുപടി പറയേണ്ടിവരും. നാലിന് നിയമസഭ ചേരുമ്പോൾ സർക്കാർ ഇതിനെല്ലാം മറുപടി പറയണമെന്നും തിരുവഞ്ചൂർ  കൂട്ടിച്ചേർത്തു.