ജെ​ബി മേ​ത്ത​റും തി​രു​വ​ഞ്ചൂ​ര്‍ രാ​ധാ​കൃ​ഷ്ണ​നും ചുമതലയേറ്റു

തി​രു​വ​ന​ന്ത​പു​രം: ഉ​ത്സ​വാ​ന്ത​രീ​ക്ഷം നി​റ​ഞ്ഞ ച​ട​ങ്ങി​ല്‍ മ​ഹി​ളാ കോ​ണ്‍ഗ്ര​സി​ന്‍റെ പു​തി​യ അ​ധ്യ​ക്ഷ​യാ​യി ജെ​ബി മേ​ത്ത​റും സം​സ്ഥാ​ന​ത​ല കോ​ണ്‍ഗ്ര​സ് അ​ച്ച​ട​ക്ക സ​മി​തി​യു​ടെ അ​ധ്യ​ക്ഷ​നാ​യി തി​രു​വ​ഞ്ചൂ​ര്‍ രാ​ധാ​കൃ​ഷ്ണ​നും ചു​മ​ത​ല​യേ​റ്റു. മു​തി​ര്‍ന്ന നേ​താ​ക്ക​ളു​ടെ​യും പ്ര​വ​ര്‍ത്ത​ക​രു​ടെ​യും സാ​ന്നി​ധ്യ​ത്തി​ൽ പാ​ര്‍ട്ടി ആ​സ്ഥാ​ന​മാ​യ ഇ​ന്ദി​ര ഭ​വ​നി​ല്‍ ന​ട​ന്ന വെ​വ്വേ​റെ ച​ട​ങ്ങു​ക​ളി​ലാണ്​ ഇ​രു​വ​രും ചു​മ​ത​ല​യേ​റ്റ​ത്.

പ​ക്ഷ​പാ​ത​പ​ര​മാ​യ ഒ​രു ന​ട​പ​ടി​യും അ​ച്ച​ട​ക്ക​ത്തി​ന്‍റെ കാ​ര്യ​ത്തി​ല്‍ ഉ​ണ്ടാ​കി​ല്ലെ​ന്നും അ​ച്ച​ട​ക്ക സ​മി​തി​യു​ടെ തീ​രു​മാ​ന​ങ്ങ​ളെ​ല്ലാം മെ​റി​റ്റി​ന്‍റെ​യും നീ​തി​ബോ​ധ​ത്തോ​ടെ​യു​ള്ള തീ​രു​മാ​ന​ങ്ങ​ളു​ടെ അ​ടി​സ്ഥാ​ന​ത്തി​ലും ആ​യി​രി​ക്കു​മെ​ന്ന്​ ചു​മ​ത​ല​യേ​റ്റെ​ടു​ത്ത് തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍ പ​റ​ഞ്ഞു. സ​മി​തി അം​ഗ​ങ്ങ​ളാ​യ എ​ന്‍. അ​ഴ​കേ​ശ​ന്‍, ഡോ. ​ആ​രീ​ഫ എ​ന്നി​വ​രും അ​ദ്ദേ​ഹ​ത്തോ​ടൊ​പ്പം ചു​മ​ത​ല ഏ​റ്റെ​ടു​ത്തു.

സ്ത്രീ​ക​ള്‍ക്കെ​തി​രെ ന​ട​ക്കു​ന്ന അ​ക്ര​മ​ങ്ങ​ള്‍ക്കെ​തി​രെ മ​ഹി​ളാ കോ​ണ്‍ഗ്ര​സ് ശ​ബ്ദ​മു​യ​ര്‍ത്തു​മെ​ന്നും ഏ​റ്റെ​ടു​ത്ത ഉ​ത്ത​ര​വാ​ദി​ത്തം പൂ​ര്‍ണ​മാ​യി നി​റ​വേ​റ്റു​മെ​ന്നും ജെ​ബി മേ​ത്ത​ര്‍ അ​റി​യി​ച്ചു. ച​ട​ങ്ങു​ക​ളി​ൽ കെ.​പി.​സി.​സി പ്ര​സി​ഡ​ന്‍റ്​ കെ. ​സു​ധാ​ക​ര​ന്‍, പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​ന്‍, കെ.​പി.​സി.​സി ഭാ​ര​വാ​ഹി​ക​ൾ, പോ​ഷ​ക​സം​ഘ​ട​നാ നേ​താ​ക്ക​ൾ തു​ട​ങ്ങി​യ​വ​ർ സം​സാ​രി​ച്ചു.