സൂ​​പ്രണ്ടായി തുടരാൻ താൽപര്യമില്ല; പ്രിൻസിപ്പലിന്​ കത്ത്​ നൽകി ഡോ. സുനിൽ കുമാർ

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജ് ആ​ശു​പ​ത്രി സൂ​പ്ര​ണ്ടാ​യി തു​ട​രാ​ൻ താ​ൽ​പ​ര്യ​മി​ല്ലെ​ന്ന് അ​റി​യി​ച്ച് ഡോ. ​സു​നി​ൽ​കു​മാ​ർ പ്രി​ൻ​സി​പ്പ​ലി​ന് ക​ത്ത് ന​ൽ​കി. ന്യൂ​റോ സ​ർ​ജ​നാ​യ ത​നി​ക്ക് ജോ​ലി​യി​ൽ കൂ​ടു​ത​ൽ ശ്ര​ദ്ധി​ക്കേ​ണ്ട​തു​ണ്ടെ​ന്നും അ​തി​നാ​ൽ ഒ​ഴി​വാ​ക്ക​ണ​മെ​ന്നു​മാ​ണ് ആ​വ​ശ്യം. തി​ങ്ക​ളാ​ഴ്ച​ക്കു​ശേ​ഷം ചു​മ​ത​ല​യി​ൽ ഉ​ണ്ടാ​കി​ല്ലെ​ന്നാ​ണ് പ്രി​ൻ​സി​പ്പ​ൽ പി.​കെ. ജ​ബ്ബാ​റി​ന് ന​ൽ​കി​യ ക​ത്തി​ൽ പ​റ​യു​ന്ന​ത്.

ശ​സ്ത്ര​ക്രി​യ പ്ര​തി​സ​ന്ധി​യെ​ക്കു​റി​ച്ച യൂ​റോ​ള​ജി മേ​ധാ​വി ഡോ. ​ഹാ​രി​സി​ന്റെ തു​റ​ന്നു​പ​റ​ച്ചി​ലും പി​ന്നാ​ലെ​യു​ള്ള സൂ​പ്ര​ണ്ട് പ​ങ്കെ​ടു​ത്ത വാ​ർ​ത്ത​സ​മ്മേ​ള​ന​വും ഏ​റെ വി​വാ​ദ​മാ​യി​രു​ന്നു. ഡോ​ക്ട​ർ​മാ​ർ​ക്കി​ട​യി​ലും സൂ​പ്ര​ണ്ടി​നെ​തി​രെ വി​മ​ർ​ശ​ന​ങ്ങ​ളു​യ​ർ​ന്നു. അ​ടി​ക്ക​ടി​യു​ണ്ടാ​കു​ന്ന വി​വാ​ദ​ങ്ങ​ൾ ത​ല​വേ​ദ​ന​യാ​യ​തോ​ടെ​യാ​ണ് സ്ഥാ​നം ഒ​ഴി​യു​ന്ന​തെ​ന്നാ​ണ് വി​വ​രം.

അതേസമയം, തിരുവനന്തപുരം മെഡിക്കൽ കോളജിൽ ഉപകരണമില്ലാത്തതിനെ തുടർന്ന് വീണ്ടും ശസ്ത്രക്രിയ മാറ്റിവെച്ചു. യൂറോളജി വകുപ്പിൽ വൃക്കയിലെ കല്ല് നീക്കം ചെയ്യുന്ന ശസ്ത്രക്രിയയാണ് മാറ്റിവച്ചത്. ഉപകരണം എത്തിക്കുന്നതിനുള്ള നടപടി ആരംഭിച്ചിട്ടുണ്ടെന്ന്മെ ഡിക്കൽ കോളേജ് അധികൃതർ അറിയിച്ചു.

രോഗികളിൽ നിന്ന് പണം പിരിവെടുത്ത് ഉപകരണം വാങ്ങി ശസ്ത്രക്രിയ നടത്തരുതെന്നും ഉപകരണമില്ലെങ്കിൽ മോൽ അധികാരികളെ അറിയിക്കണമെന്നും ആരോഗ്യമന്ത്രി നിയമസഭയിൽ കഴിഞ്ഞ ദിവസം പറഞ്ഞിരുന്നു. എന്നാൽ തുടർന്നും ഉപകരണങ്ങളുടെ അഭാവംമൂലം ശസ്ത്രക്രിയ മാറ്റിവെക്കുന്ന അവസ്ഥയാണ്.