You are here

എസ്​.എഫ്​.ഐ നേതാവിൻെറ വീട്ടിൽ നിന്ന്​ ഉത്തരക്കടലാസ്​ പിടിച്ചെടുത്ത എസ്​.​െഎയെ മാറ്റി

  • സ്​റ്റേഷൻ ഉപരോധിച്ച കെ.എസ്​.യു പ്രവർത്തകർക്ക്​ പൊലീസ്​ മർദനം 

20:10 PM
16/07/2019
police 16.07.2019
representational image

തിരുവനന്തപുരം: യൂനിവേഴ്​സിറ്റി കോളജിലെ അക്രമങ്ങളിലെ പ്രതികൾക്കായി സ്​റ്റുഡൻറ്​സ്​ സ​​​െൻററിലും കോളജ്​ ഹോസ്​റ്റലിലും പ്രതികളുടെ വീടുകളിലും റെയ്​ഡ്​ നടത്തിയ ക​േൻറാൺമ​​​െൻറ്​ എസ്​.ഐയെ ക്രമസമാധാന ചുമതലയിൽനിന്ന്​ മാറ്റി. സംഭവത്തിൽ രാഷ്​ട്രീയ ഇടപെടൽ ആരോപിച്ച്​ സ്​റ്റേഷനിലേക്ക്​ തള്ളിക്കയറാൻ ശ്രമിച്ച കെ.എസ്​.യു പ്രവർത്തകർക്ക്​ പൊലീസ്​ മർദനം. ക​േൻറാൺമ​​​െൻറ്​ സ്​റ്റേഷനിലെ ക്രമസമാധാന ചുമതലയുണ്ടായിരുന്ന എസ്​.ഐ ആർ. ബിനുവിനെയാണ്​ ആ ചുമതലയിൽനിന്ന്​ ഒഴിവാക്കി​യത്​.

പകരം തെരഞ്ഞെടുപ്പ്​ വിജ്​ഞാപനത്തെ തുടർന്ന്​ സ്​ഥലംമാറ്റപ്പെട്ടിരുന്ന എസ്​.ഐ ഷാഫിയെ വീണ്ടും ക്രമസമാധാന ചുമതലയുള്ള എസ്​.ഐയായി നിയമിച്ചു. യൂനിവേഴ്​സിറ്റി കോളജ്​ സംഭവത്തിൽ ശരിയായ അന്വേഷണം നടത്തുകയും പ്രതികൾക്കായി തിരച്ചിൽ നടത്തുകയും ചെയ്​ത എസ്​.ഐയെയാണ്​ ക്രമസമാധാന ചുമതലയിൽനിന്ന്​ മാറ്റിയതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല ആരോപിച്ചു. തുടർന്നാണ്​ സെക്ര​േട്ടറിയറ്റിന്​ മുന്നിൽ സമരം നടത്തുന്ന കെ.എസ്​.യു പ്രവർത്തകർ ക​േൻറാൺമ​​​െൻറ്​ സ്​റ്റേഷൻ ഉപരോധിച്ചത്​. 

രണ്ടാഴ്​ച​ മുമ്പാണ്​ ബിനു ക​േൻറാൺമ​​​െൻറ്​ എസ്​.ഐയായി ചുമതലയേറ്റത്​. യൂനിവേഴ്​സിറ്റി കോളജ്​ വിഷയവുമായി മാറ്റത്തിന്​ ബന്ധമില്ലെന്നും സി.ഐയാണ്​ ഇവിടെ എസ്​.എച്ച്​.ഒയെന്നും അദ്ദേഹമാണ്​ കേസ്​ അന്വേഷിക്കുന്നതെന്നുമാണ്​ പൊലീസ്​ വിശദീകരിക്കുന്നത്​. 

എസ്​.ഐയെ ചുമതലയിൽനിന്ന്​ മാറ്റിയതിൽ പ്രതിഷേധിച്ച്​ സ്​റ്റേഷൻ ഉപരോധിച്ച കെ.എസ്​.യു പ്രവർത്തകർക്ക്​ നേരെയുണ്ടായ അതിക്രമങ്ങളിൽ അഞ്ച്​ പേർക്ക്​ പരിക്കേറ്റു. സ്​റ്റേഷനുള്ളിലേക്ക്​ തള്ളിക്കയറാൻ ശ്രമിച്ച കെ.എസ്​.യു സംസ്​ഥാന സമിതിയംഗങ്ങളായ ആർ.വി. മേഘ, മാത്തുക്കുട്ടി, ബാഹുൽകൃഷ്​ണ, ജില്ല സെക്രട്ടറി സെയ്​ദാലി കായ്​പ്പാടി, അഖിൽ കാരാത്തല എന്നിവർക്കാണ്​ പൊലീസ്​ മർദനത്തിൽ പരിക്കേറ്റത്​. ഇവരെ ജനറൽ ആശുപത്രിയിൽ പ്രവേശിപ്പിച്ചു. ​

 

Loading...
COMMENTS