Begin typing your search above and press return to search.
exit_to_app
exit_to_app
linto joseph mla marriage
cancel
Homechevron_rightNewschevron_rightKeralachevron_rightപ്രണയസാഫല്യം;...

പ്രണയസാഫല്യം; തിരുവമ്പാടി എം.എൽ.എ ലിന്റോ ജോസഫും അനുഷയും വിവാഹിതരായി

text_fields
bookmark_border

കോഴിക്കോട്: തിരുവമ്പാടി എം.എല്‍.എ ലി​േന്‍റാ ജോസഫും മുക്കം സ്വദേശിനി കെ. അനുഷയും വിവാഹിതരായി. എസ്.എഫ്.ഐ കാലം മുതലുള്ള പരിചയവും പ്രണയവുമാണ്​ വിവാഹത്തിലെത്തിയത്​. ഊന്ന് വടിയില്‍ കതിര്‍ മണ്ഡപത്തിലെത്തി ലി​േന്‍റാ അനുഷയെ രക്​തഹാരം ചാർത്തി. മുദ്രാവാക്യം വിളിച്ച്​ പാര്‍ട്ടി പ്രവര്‍ത്തകര്‍ വിവാഹം ആഘോഷമാക്കി.

തിരുവമ്പാടി എം.എല്‍.എയും ഡി.വൈ.എഫ്.ഐ ബ്ലോക്ക് ട്രഷറര്‍ കൂടിയായ ലി​േന്‍റാ കൂടരഞ്ഞിയിലെ പാലക്കല്‍ ജോസഫിന്‍റെയും അന്നമ്മയുടെയും മകനാണ്. മുക്കം കച്ചേരി കുടുക്കേങ്ങല്‍ രാജന്‍റെയും ലതയുടേയും മകളാണ് വധു അനുഷ. മുക്കം മാമ്പറ്റ കാർത്തിക കല്യാണ മണ്ഡപത്തിൽ ഞായറാഴ്ച ഉച്ചക്ക് രണ്ട്​ മുതൽ അഞ്ച്​ വരെ നടന്ന സുഹൃദ്സൽക്കാരത്തിൽ രാഷ്​ട്രീയ - സാംസ്​കാരിക രംഗത്തെ നിരവധി പേരാണ്​ പ​ങ്കെടുത്തത്​.

2019ലെ പ്രളയകാലത്തുണ്ടായ അപകടത്തെ തുടർന്ന്​ ലി​േന്‍റാ ജോസഫിന്‍റെ വലതുകാലിന്​ സ്വാധീനമില്ല. കൂമ്പാറ മാങ്കുന്ന്‌ ആദിവാസി കോളനിയിലെ ട്യുമർ രോഗിയായ ബിജുവിനെ ആംബുലൻസിൽ ആശുപത്രിയിലേക്ക്‌ കൊണ്ടുപോകുമ്പോൾ മുക്കം മാമ്പറ്റയിൽ ആംബുലൻസിൽ ടിപ്പർ ലോറി ഇടിക്കുകയായിരുന്നു. രാത്രി ഒമ്പതോടെയായിരുന്നു സംഭവം. ആംബുലൻസ്​ ഓടിക്കാൻ മറ്റു ഡ്രൈവർമാർ ഇല്ലാത്തതിനാൽ ആ ദൗത്യവും ലി​േന്‍റാ ഏറ്റെടുക്കുകയായിരുന്നു. അപകടത്തെ തുടർന്ന്​ ഒരു മാസം മെഡിക്കൽ കോളജ്​ ആശുപത്രിയിൽ ചികിത്സ നടത്തി. മൂന്ന്‌ ശസ്‌ത്രക്രിയക്ക്‌ ശേഷമാണ് അൽപ്പം മുടന്തിയാണെങ്കിലും നടക്കുന്നത്‌.

ആശുപത്രി വിട്ട്‌ ആറ്‌ മാസത്തെ വിശ്രമത്തിനുശേഷവും ലി​േന്‍റാ സാമൂഹിക പ്രവർത്തനങ്ങളിൽ സജീവമായി. തുടർന്ന്​ നടന്ന തദ്ദേശ സ്വയംഭരണ തെരഞ്ഞെടുപ്പിൽ കൂടരഞ്ഞി പഞ്ചായത്ത്​ പ്രസിഡന്‍റായി തെരഞ്ഞെടുക്കപ്പെട്ടു. ഇതിനിടയിൽ നിയമസഭ തെരഞ്ഞെടുപ്പ്​ വന്നതോടെ ലി​േന്‍റായെ തിരുവമ്പാടി മണ്ഡലത്തിൽ സ്​ഥാനാർഥിയാക്കാൻ സി.പി.എം തീരുമാനിച്ചു. 4643 വോട്ടിന്‍റെ ഭൂരിപക്ഷത്തിൽ വിജയിക്കുകയും ചെയ്​തു.

മികച്ച കായികതാരം കൂടിയായിരുന്നു 29കാരനായ ലിന്റോ. 1500 മീറ്റർ ഓട്ടം, ക്രോസ് കൺട്രി എന്നിവയിൽ സംസ്ഥാന ജേതാവാണ്​. 2007ലെ ഗോവ ദേശീയ മീറ്റിൽ ക്രോസ് കൺട്രിയിൽ സംസ്ഥാനത്തെ പ്രതിനിധീകരിച്ചു.

Show Full Article
TAGS:linto joseph 
News Summary - Thiruvambadi MLA linto Joseph and Anusha got married
Next Story