You are here

കേസുകളിലുൾപ്പെട്ടവർ തിരുവാഭരണ ഘോഷയാത്രയിൽ ഉണ്ടാവരുതെന്ന നിർദേശം തള്ളി പന്തളം കൊട്ടാരം

23:05 PM
11/01/2019

പത്തനംതിട്ട: ശബരിമല സ്​ത്രീ പ്രവേശനത്തിനെതിരായ സമരത്തിൽ പ​െങ്കടുത്തവർ തിരുവാഭരണ ഘോഷയാത്രയിൽ ഉണ്ടാവരുതെന്ന പൊലീസ്​ നിർദേശം തള്ളി പന്തളം കൊട്ടാരം. കീഴ്​വഴക്കം അനുസരിച്ചുതന്നെ ഘോഷയാത്ര നടത്താൻ കൊട്ടാരം അധികൃതർ തീരുമാനിച്ചു. ഇതനുസരിച്ച്​ പ​െങ്കടുക്കുന്നവര​ുടെ ​പട്ടിക കൊട്ടാരം തയാറാക്കി ദേവസ്വം ബോർഡിന്​ നൽകി. 

ശബരിമല സ്​ത്രീ പ്രവേശന വിരുദ്ധ സമരത്തിൽ സജീവമായി പ​െങ്കടുത്തവരെ തിരുവാഭരണ ഘോഷയാത്രയിൽ ഉൾപ്പെടുത്തരുതെന്ന്​ പത്തനംതിട്ട എസ്​.പിയാണ്​ നിർദേശിച്ചത്​. ഇത്​ അവഗണിച്ചാണ്​ ഘോഷയാത്രയിൽ പ​െങ്കടുക്കുന്ന പേടകവാഹക സംഘത്തി​​െൻറയും പല്ലക്ക്​ വാഹകര​ുടെയും പട്ടിക പതിവുപോലെ കൊട്ടാരം അധികൃതർ തയാറാക്കിയിരിക്കുന്നത്​. ഇവരിൽനിന്ന്​ തങ്ങൾ പ്രത്യേക സത്യവാങ്​മൂലം വാങ്ങുന്നുണ്ടെന്ന്​ കൊട്ടാരം നിർവാഹക സമിതി സെക്രട്ടറി പി.എൻ. നാരായണ വർമ അറിയിച്ചു. 

എല്ലാ വർഷവും ഘോഷയാത്ര സംഘത്തിലെ ഗുരുസ്വാമി പ​െങ്കടുക്കുന്നവരുടെ പട്ടിക കൊട്ടാരത്തിലേക്ക്​ നൽകാറുണ്ട്​. ഇദ്ദേഹം ഒപ്പിട്ട സത്യവാങ്​മൂലവും നൽകാറുണ്ട്​. കേസുകളിലൊന്നും ഉൾപ്പെട്ടിട്ടില്ല, കുറ്റകൃത്യങ്ങളൊന്നും ചെയ്​തിട്ടില്ല, ആചാരപ്രകാരം വ്രതം നോക്കുന്നുണ്ട്​ എന്നിവയാണ്​ സത്യവാങ്​മൂലത്തിലുണ്ടാവുക. ഇതെല്ലാം അടങ്ങിയ പട്ടികയാണ്​ ദേവസ്വം ബോർഡിന്​ കൊടുക്കുകയെന്നും അദ്ദേഹം പറഞ്ഞു. കൊട്ടാരത്തിൽനിന്ന്​ നൽകുന്ന പട്ടിക വേണമെങ്കിൽ പൊലീസിന്​ പരിശോധിക്കാമെന്നാണ്​ അവരുടെ നിലപാട്​. ഇത്തവണ ഘോഷയാത്രയിൽ പ​െങ്കടുക്കാൻ അപേക്ഷ നൽകിയിട്ടുള്ളത്​ എഴുനൂറോളം പേർ മാത്രമാണ്​. എല്ലാ വർഷവും ആയിരക്കണക്കിന്​ പേരാണ്​ അപേക്ഷ നൽകാറുള്ളത്​. ഇത്തവണ പമ്പാസദ്യയിൽ പ​െങ്കടുക്കുന്നവർ പോലും കൊട്ടാരത്തെ സമീപിച്ചിട്ടില്ല. 

പൊലീസി​​െൻറ ക്ലിയറൻസ്​ സർട്ടിഫിക്കറ്റും ദേവസ്വം ബോർഡ്​ നൽകുന്ന തിരിച്ചറിയൽ കാർഡും ഉള്ളവരെ മാത്രമേ ഘോഷയാത്രയിൽ പ​െങ്കടുക്കാവൂ എന്നാണ്​ എസ്​.പി ആവശ്യപ്പെട്ടിരുന്നത്​. മകരവിളക്കിന്​ അയ്യപ്പവിഗ്രഹത്തിൽ ചാർത്താനുള്ള തിരുവാഭരണ ഘോഷയാത്ര ​ശനിയാഴ്​ചയാണ്​ പന്തളത്തുനിന്ന്​ പുറപ്പെടുന്നത്​.
  

മകരജ്യോതി ദർശനത്തിന് ഹിൽ ടോപ്പിൽ പ്രവേശനം അനുവദിക്കില്ല
പമ്പ: ഇത്തവണ മകരജ്യോതി ദർശനത്തിന് ഹിൽ ടോപ്പിലേക്ക് ഭക്തരെ കയറ്റിവിടില്ല. മണ്ണിടിച്ചിൽ സാധ്യതയുള്ളതിനാലാണ് നിരോധനം. ശബരിമല അഡീഷനൽ ജില്ല മജിസ്ട്രേറ്റി​​െൻറ നേതൃത്വത്തിൽ വിദഗ്​ധ സമിതി സ്ഥലം പരിശോധിച്ച് കലക്ടർക്ക്​ റിപ്പോർട്ട് നൽകിയിരുന്നു. ഇതി​​െൻറ അടിസ്ഥാനത്തിലാണ് നടപടി. ഹിൽ ടോപ്പിലെ പാർക്കിങ്​ പൂർണമായും നിരോധിച്ചിട്ടുണ്ട്. മകരജ്യോതി ദർശിക്കാൻ കഴിഞ്ഞ വർഷം അഞ്ച്​ വ്യൂ പോയൻറുകൾ ഉണ്ടായിരുന്നു. ഇത്തവണ ഏഴ്​ വ്യൂ പോയൻറുകളുണ്ട്. നെല്ലിമല, അയ്യൻമല, പഞ്ഞിപ്പാറ, ഇലവുങ്കൽ, അട്ടത്തോട്, പടിഞ്ഞാറേക്കര കോളനി എന്നിവിടങ്ങളിൽ സുരക്ഷ സംവിധാനങ്ങൾ ഒരുക്കിയിട്ടുണ്ട്. 

കഴിഞ്ഞ വർഷംവരെ ഹിൽ ടോപ്പിൽ പതിനായിരക്കണക്കിന് തീർഥാടകരാണ് മകരജ്യോതി ദർശിച്ചത്. എന്നാൽ, പ്രളയത്തെ തുടർന്ന് ഇവിടത്തെ റോഡി​​െൻറ വശങ്ങൾ ഇടിഞ്ഞ് താഴ്​ന്നിരുന്നു. ഇപ്പോൾ മണൽ ചാക്കുകൾ അടുക്കി തിട്ട നിർമിച്ചിരിക്കുകയാണ്​. മഴ പെയ്യുമ്പോൾ ഈ മണൽതിട്ട ഇടിഞ്ഞ് പമ്പയിൽ പതിക്കുന്നുണ്ട്. അതിനാൽ തീർഥാടകരെ കയറ്റിവിടുന്നത്​  വലിയ അപകടത്തിനും കാരണമായേക്കാം. പ്രളയസമയത്ത് പമ്പയിലും തീരത്തും അടിഞ്ഞുകൂട്ടിയ മണ്ണും കെട്ടിടാവശിഷ്​ടങ്ങളും ഹിൽ ടോപ്പിലാണ് തള്ളിയത്. 
 

Loading...
COMMENTS