കണ്ണീരോടെ മിഥുന് വിട നൽകി നാട്; അന്ത്യാഞ്ജലി അർപ്പിക്കാനെത്തിയത് ആയിരങ്ങൾ

കൊല്ലം: തേവലക്കര ബോയ്സ് സ്കൂളിൽ ഷോക്കേറ്റ് മരിച്ച മിഥുന്റെ വിടനൽകി നാട്. വൈകീട്ട് നാലരയോടെയാണ് സംസ്കാരചടങ്ങുകൾ പൂർത്തിയാക്കിയത്. ആയിരങ്ങളാണ് മിഥുന്റെ വീട്ടിൽ അന്ത്യഞ്ജലി അർപ്പിക്കാനെത്തിയത്. മിഥുന്റെ സഹോദരനാണ് അന്ത്യകർമ്മങ്ങൾ നിർവഹിച്ചത്.

സ്കൂളിലെ പൊതുദർശനം പൂർത്തിയാക്കിയാണ് വിളന്തറയിലെ വീട്ടിലേക്ക് മിഥുന്റെ ഭൗതികശരീരം വിലാപയാത്രയായി എത്തിച്ചത്. രണ്ടുദിവസം മുന്‍പുവരെ ചിരിച്ചും കളിച്ചും തങ്ങള്‍ക്കൊപ്പമുണ്ടായിരുന്ന മിഥുന്‍റെ ചേതനയറ്റ ശരീരം കണ്ട് സഹപാഠികളും അധ്യാപകരും വിങ്ങിപ്പൊട്ടി. സ്‌കൂളിലെ എന്‍.സി.സി കേഡറ്റുകള്‍ റോഡ് മാര്‍ച്ച് നടത്തിയാണ് മിഥുനെ സ്‌കൂള്‍ മുറ്റത്തെത്തിച്ചത്. നൂറ് കണക്കിന് ആളുകളാണ് കരഞ്ഞും തേങ്ങലടക്കിയും മിഥുന് ആദരാജ്ഞലി അർപ്പിച്ചത്.

ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ച മിഥുന്റെ അച്ഛമ്മ മണിയമ്മയെ തിരികെ വീട്ടിലേക്ക് എത്തിച്ചിട്ടുണ്ട്. വൈകിട്ട് നാല് മണിക്ക് വീട്ടുവളപ്പിലായിരിക്കും മിഥുന്റെ സംസ്കാര ചടങ്ങുകൾ‌ നടക്കുക. ശാസ്താംകോട്ട ആശുപത്രിയിലെ മോർച്ചറിയിൽ സൂക്ഷിച്ചിരുന്ന മൃതദേഹം 12 മണിയോടെയാണ് സ്കൂളിലേക്ക് എത്തിച്ചത്. കൊടിക്കുന്നില്‍ സുരേഷ് എം.പി. ഉള്‍പ്പെടെയുള്ളവർ മിഥുനെ കാണാൻ വീട്ടിലെത്തി.

കുവൈത്തില്‍ ജോലി ചെയ്യുന്ന അമ്മ സുജ, രാവിലെയാണ് നെടുമ്പാശ്ശേരി വിമാനത്താവളത്തിലെത്തിയത്. ഇളയമകന്‍ സുജിനും അമ്മയെ കൂട്ടിക്കൊണ്ടുപോവാന്‍ വിമാനത്താവളത്തിലെത്തിയിരുന്നു.

മൂ​ന്നു​മാ​സം​ മു​മ്പ്​ വീ​ട്ടു​​ജോ​ലി​ക്കാ​യി കു​വൈ​ത്തി​ൽ പോ​യ സു​ജ, മ​ക​ന്​ ദു​ര​ന്ത​മു​ണ്ടാ​കു​ന്ന സ​മ​യ​ത്ത്​ തു​ർ​ക്കി​യി​ലാ​യി​രു​ന്നു. ജോ​ലി​ചെ​യ്യു​ന്ന വീ​ട്ടി​ലു​ള്ള​വ​രു​മൊ​ത്ത്​ ഒ​രു​മാ​സം മു​മ്പ്​ പോ​യ​താ​യി​രു​ന്നു. എല്ലാ ദിവസവും വിഡിയോ കോളിലൂടെ മക്കളോട് സുജ സംസാരിക്കാറുണ്ടായിരുന്നു. വ്യാ​ഴാ​ഴ്ച രാ​വി​ലെ 9.40നായിരുന്നു എ​ട്ടാം ക്ലാ​സ്​ വി​ദ്യാ​ർ​ഥി​യായ മിഥുന്‍റെ ദാരുണ മരണം. വിവരം സുജയെ അ​റി​യി​ക്കാ​ൻ കു​ടും​ബാം​ഗ​ങ്ങ​ൾ ശ്ര​മം ന​ട​ത്തി​യി​ട്ടും മ​ണി​ക്കൂ​റു​ക​ളോ​ളം സാധിച്ചിരുന്നില്ല. ഒ​ടു​വി​ൽ വ്യാ​ഴാ​ഴ്ച രാ​ത്രി​യാ​ണ്​ സു​ജ ദുഃഖവാർത്ത വി​വ​ര​മ​റി​ഞ്ഞ​ത്. തു​ട​ർ​ന്ന്, വെ​ള്ളി​യാ​ഴ്ച കു​വൈ​ത്തി​ലേ​ക്ക്​ തി​രി​ച്ചു.

ശാ​സ്താം​കോ​ട്ട തേ​വ​ല​ക്ക​ര കോ​വൂ​ര്‍ ബോ​യ്സ് സ്കൂ​ൾ കെ​ട്ടി​ട​ത്തോ​ട്​ ചേ​ർ​ന്ന സൈ​ക്കി​ള്‍ ഷെ​ഡി​ന് മു​ക​ളി​ൽ വീ​ണ ചെ​രി​പ്പ് എ​ടു​ക്കാ​ൻ ക​യ​റി​യപ്പോഴാണ് വ​ലി​യ​പാ​ടം മി​ഥു​ന്‍ഭ​വ​നി​ല്‍ മ​നു​വി​ന്‍റെ മ​ക​നു​മാ​യ മി​ഥു​ൻ (13) വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് മ​രി​ച്ച​ത്. ശാ​സ്താം​കോ​ട്ട താ​ലൂ​ക്ക്​ ആ​ശു​പ​ത്രി​യി​ൽ സൂ​ക്ഷി​ച്ചി​രുന്ന മി​ഥു​ന്‍റെ മൃ​ത​ദേ​ഹം ശ​നി​യാ​ഴ്ച രാ​വി​ലെ 10ന്​ ​​തേ​വ​ല​ക്ക​ര ബോ​യ്​​സ്​ ഹൈ​സ്കൂ​ളി​ൽ പൊ​തു​ദ​ർ​ശ​ന​ത്തി​ന്​​വെ​ച്ചു. തു​ട​ർ​ന്ന്​ വി​ള​ന്ത​റ​യി​ലെ വീ​ട്ടി​ലേ​ക്ക്​ കൊ​ണ്ടു​പോ​യി. വൈ​കീ​ട്ട് ​നാലിന്​ വീ​ട്ടു​വ​ള​പ്പി​ൽ സം​സ്​​ക​രി​ക്കും.