മാ​താ​പി​താ​ക്ക​ൾ ത​മ്മി​ലു​ള്ള ത​ർ​ക്ക​ത്തി​ൽ ‘കുട്ടികളെ സ്​റ്റേഷൻ കയറ്റുന്ന ഉത്തരവുകളുണ്ടാകരുത്​’

കൊ​ച്ചി: മാ​താ​പി​താ​ക്ക​ൾ ത​മ്മി​ലു​ള്ള ത​ർ​ക്ക​ത്തി​ൽ കു​ട്ടി​ക​ളെ പൊ​ലീ​സ് സ്റ്റേ​ഷ​നി​ൽ എ​ത്തി​ക്കാ​നു​ള്ള ഉ​ത്ത​ര​വു​ക​ൾ കു​ടും​ബ കോ​ട​തി​ക​ളി​ൽ നി​ന്നു​ണ്ടാ​ക​രു​തെ​ന്ന്​ ഹൈ​കോ​ട​തി. ത​ർ​ക്ക​ങ്ങ​ളു​മാ​യി ബ​ന്ധ​പ്പെ​ട്ട്​ കു​ട്ടി​ക​ളെ പൊ​ലീ​സ്​ സ്​​റ്റേ​ഷ​നു​ക​ളി​ലേ​ക്കോ കോ​ട​തി​ക​ളി​​ലേ​ക്കോ വ​ലി​ച്ചി​ഴ​ക്കു​ന്ന അ​വ​സ്ഥ​യു​ണ്ടാ​ക​രു​ത്. ഇ​ത്ത​രം സാ​ഹ​ച​ര്യ​ങ്ങ​ൾ കു​ട്ടി​ക​ളി​ലു​ണ്ടാ​ക്കു​ന്ന മാ​ന​സി​കാ​ഘാ​തം വ​ള​രെ വ​ലു​താ​യി​രി​ക്കും. കൈ​വ​ശ കാ​ലാ​വ​ധി ക​ഴി​ഞ്ഞ്​ മാ​താ​പി​താ​ക്ക​ൾ ത​മ്മി​ൽ കു​ട്ടി​ക​ളെ പൊ​ലീ​സ് സ്റ്റേ​ഷ​നി​ൽ വെ​ച്ച്​ കൈ​മാ​റ​ണ​മെ​ന്ന്​ നി​ർ​ദേ​ശി​ക്കു​ന്ന തൃ​ശൂ​ർ കു​ടും​ബ കോ​ട​തി ഉ​ത്ത​ര​വ്​ ഒ​രു കേ​സി​ൽ ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ്​ ജ​സ്റ്റി​സ്​ ദേ​വ​ൻ രാ​മ​ച​​ന്ദ്ര​ൻ, ജ​സ്റ്റി​സ്​ എ​ൻ.​ബി. സ്​​നേ​ഹ​ല​ത എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ബെ​ഞ്ചി​ന്‍റെ നി​രീ​ക്ഷ​ണം.

കു​ട്ടി​ക​ളു​ടെ സം​ര​ക്ഷ​ണം സം​ബ​ന്ധി​ച്ച്​ ത​ർ​ക്ക​മു​ള്ള കേ​സു​ക​ളി​ൽ ഒ​ഴി​വാ​ക്കാ​നാ​വാ​ത്ത സ​ന്ദ​ർ​ഭ​ങ്ങ​ളി​ൽ മാ​ത്ര​മേ കു​ട്ടി​ക​ളെ കോ​ട​തി​ക​ളി​ൽ വി​ളി​ച്ചു വ​രു​ത്താ​വു എ​ന്ന്​ നേ​ര​ത്തെ ഇ​തേ ബെ​ഞ്ച്​ നി​ർ​ദേ​ശം ന​ൽ​കി​യി​രു​ന്നു. കോ​ട​തി​യി​ലേ​ക്ക്​ വി​ളി​ച്ചു​വ​രു​ത്തു​ന്ന​ത് അ​വ​ർ​ക്കു മാ​ന​സി​ക ആ​ഘാ​ത​മു​ണ്ടാ​ക്കു​മെ​ന്ന വി​ല​യി​രു​ത്ത​ലി​ലാ​യി​രു​ന്നു നി​ർ​ദേ​ശം. എ​ന്നാ​ൽ, ഇ​തി​നെ​ക്കാ​ൾ വ​ലി​യ ആ​ഘാ​ത​മാ​ണ്​​​ പൊ​ലീ​സ് സ്റ്റേ​ഷ​നി​ൽ എ​ത്തി​ക്കു​മ്പോ​ൾ അ​വ​ർ​ക്കു​ണ്ടാ​വു​ക​യെ​ന്ന്​ കോ​ട​തി ചൂ​ണ്ടി​ക്കാ​ട്ടി.

ഇ​ക്കാ​ര്യം എ​ല്ലാ കു​ടും​ബ കോ​ട​തി ജ​ഡ്ജി​മാ​രെ​യും അ​റി​യി​ക്ക​ണ​മെ​ന്ന് ര​ജി​സ്ട്രാ​ർ ജ​ന​റ​ലി​ന് നി​ർ​ദേ​ശ​വും ന​ൽ​കി. കു​ട്ടി ഈ ​മാ​സം ര​ണ്ട്​ മു​ത​ൽ 26 വ​രെ പി​താ​വി​ന്റെ സം​ര​ക്ഷ​ണ​യി​ലാ​ണ്. അ​മ്മ​ക്ക്​ കൈ​മാ​റാ​ൻ 27ന് ​രാ​വി​ലെ 11ന് ​കോ​ട​തി​യി​ൽ ഹാ​ജ​രാ​ക്ക​ണ​മെ​ന്നും ഇ​ക്കാ​ര്യ​ങ്ങ​ൾ പ​രി​ശോ​ധി​ച്ച് കു​ടും​ബ കോ​ട​തി തു​ട​ർ തീ​രു​മാ​ന​മെ​ടു​ക്ക​ണ​മെ​ന്നും ഡി​വി​ഷ​ൻ​ബെ​ഞ്ച്​ നി​ർ​ദേ​ശി​ച്ചു.