റാങ്ക് പട്ടികയുണ്ട്, നിയമനമില്ല

മ​ല​പ്പു​റം: റാ​ങ്ക് പ​ട്ടി​ക​യു​ണ്ടാ​യി​ട്ടും നി​യ​മ​നം ന​ട​ത്താ​ത്ത​തി​നാ​ൽ ജോ​ലി​ഭാ​ര​ത്തി​ൽ വീ​ർ​പ്പു​മു​ട്ടി വ​നി​ത ശി​ശു​വി​ക​സ​ന വ​കു​പ്പി​ലെ സൂ​പ്പ​ർ​വൈ​സ​ർ​മാ​ർ. പ​ദ്ധ​തി​ക​ൾ കാ​ല​താ​മ​സം കൂ​ടാ​തെ തീ​ർ​ക്കാ​ൻ രാ​ത്രി വൈ​കി​യും ജോ​ലി​യെ​ടു​ക്കേ​ണ്ട സ്ഥി​തി​യി​ലാ​ണി​വ​ർ. 2022 ഡി​സം​ബ​ർ ഒ​ന്നി​നാ​ണ് റാ​ങ്ക് പ​ട്ടി​ക പ്ര​സി​ദ്ധീ​ക​രി​ച്ച​ത്. 2023 ജ​നു​വ​രി 25ന് 196 ​പേ​ർ​ക്ക് പി.​എ​സ്.​സി നി​യ​മ​ന ശി​പാ​ർ​ശ അ​യ​ച്ചു. എ​ന്നാ​ൽ, ഇ​തു​വ​രെ ഒ​രാ​ൾ​ക്കു​പോ​ലും നി​യ​മ​ന ഉ​ത്ത​ര​വ് ല​ഭി​ച്ചി​ല്ല. ഈ ​ത​സ്തി​ക​യി​ലേ​ക്ക് വ​കു​പ്പി​ൽ​നി​ന്ന് 269 ഒ​ഴി​വു​ക​ൾ പി.​എ​സ്.​സി​യി​ലേ​ക്ക് റി​പ്പോ​ർ​ട്ട് ചെ​യ്തി​ട്ടു​ണ്ട്. തു​ച്ഛ​മാ​യ ഓ​ണ​റേ​റി​യ​ത്തി​ന് ജോ​ലി ചെ​യ്യു​ന്ന അം​ഗ​ൻ​വാ​ടി ജീ​വ​ന​ക്കാ​ർ​ക്ക് 12 വ​ർ​ഷ​ത്തി​ന് ശേ​ഷ​മാ​ണ് ഈ ​ത​സ്തി​ക​യി​ലേ​ക്ക് അ​പേ​ക്ഷി​ക്കാ​ൻ അ​വ​സ​രം ല​ഭി​ച്ച​ത്. പ​രീ​ക്ഷ​യു​ടെ പ്രാ​യ​പ​രി​ധി 50 ആ​യ​തി​നാ​ൽ 2019ൽ 50 ​വ​യ​സ്സാ​യ​വ​ർ​പോ​ലും പ​രീ​ക്ഷ എ​ഴു​തി റാ​ങ്ക് പ​ട്ടി​ക​യി​ൽ ഉ​ൾ​പ്പെ​ട്ടി​ട്ടു​ണ്ട്. എ​ന്നാ​ൽ, ഇ​വ​രി​ൽ പ​ല​ർ​ക്കും ഇ​പ്പോ​ൾ 55 വ​യ​സ്സാ​യി. ഈ ​ത​സ്തി​ക​യി​ൽ ഇ​നി​യും നി​യ​മ​നം വൈ​കി​യാ​ൽ ജോ​ലി​യി​ൽ പ്ര​വേ​ശി​ക്കാ​ൻ ക​ഴി​യു​മോ എ​ന്ന ആ​ശ​ങ്ക​യി​ലാ​ണ് റാ​ങ്ക് പ​ട്ടി​ക​യി​ൽ ഉ​ൾ​പ്പെ​ട്ട​വ​ർ.

അം​ഗ​ൻ​വാ​ടി​ക​ളി​ലെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ, മു​ല​യൂ​ട്ടു​ന്ന അ​മ്മ​മാ​ർ, മൂ​ന്നു​വ​യ​സ്സു​വ​രെ​യു​ള്ള കു​ട്ടി​ക​ൾ എ​ന്നി​വ​ർ​ക്കു​ള്ള പോ​ഷ​കാ​ഹാ​രം, കൗ​മാ​ര​ക്കാ​ർ, ഗ​ർ​ഭി​ണി​ക​ൾ എ​ന്നി​വ​രു​ടെ ആ​രോ​ഗ്യ പ​രി​ച​ര​ണം, ഗ​ർ​ഭി​ണി​ക​ൾ​ക്ക് ല​ഭ്യ​മാ​കു​ന്ന സ​ർ​ക്കാ​ർ ധ​ന​സ​ഹാ​യം, പ്രീ ​സ്കൂ​ൾ വി​ദ്യാ​ഭ്യാ​സം, വി​വി​ധ സ​ർ​വേ​ക​ൾ തു​ട​ങ്ങി വ​കു​പ്പു​മാ​യി ബ​ന്ധ​പ്പെ​ട്ട ജോ​ലി​ക​ളെ​ല്ലാം ചെ​യ്യു​ന്ന​ത് അം​ഗ​ൻ​വാ​ടി സൂ​പ്പ​ർ​വൈ​സ​ർ​മാ​രാ​ണ്.

ഇ​വ​യെ​ല്ലാം കൃ​ത്യ​മാ​യി ന​ട​ക്കു​ന്നു​ണ്ടെ​ന്ന് പ​ഞ്ചാ​യ​ത്തു​ത​ല​ത്തി​ൽ ഉ​റ​പ്പു​വ​രു​ത്തി മേ​ല​ധി​കൃ​ത​ർ​ക്ക് റി​പ്പോ​ർ​ട്ട് ന​ൽ​കു​ന്ന​തും ഇ​വ​രാ​ണ്. വേ​ണ്ട​ത്ര ജീ​വ​ന​ക്കാ​രി​ല്ലാ​ത്ത​തി​നാ​ൽ കേ​ന്ദ്ര​പ​ദ്ധ​തി​യാ​യ പി.​എം.​എം.​വി.​വൈ ഫ​ണ്ട് വി​നി​യോ​ഗം കൃ​ത്യ​മാ​യി ന​ട​പ്പാ​ക്കാ​നാ​കു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്. മു​ഖ്യ​മ​ന്ത്രി, വ​കു​പ്പു​മ​ന്ത്രി എ​ന്നി​വ​ർ​ക്ക് പ​രാ​തി ന​ൽ​കി​യെ​ങ്കി​ലും ന​ട​പ​ടി വൈ​കു​ക​യാ​ണ്.