സാധനങ്ങളില്ല, ആയിരത്തോളം റേഷൻകടകൾ അടച്ചു; വൈ​കീ​ട്ട് വ​രെ പ്ര​വ​ർ​ത്തി​ച്ച​ത് 13,007 ക​ടകൾ

തി​രു​വ​ന​ന്ത​പു​രം: റേ​ഷ​ൻ വ്യാ​പാ​രി​ക​ളു​ടെ​യും വി​ത​ര​ണ​ക്കാ​രു​ടെ​യും സ​മ​രം അ​വ​സാ​നി​ച്ചെ​ങ്കി​ലും റേ​ഷ​ൻ സാ​ധ​ന​ങ്ങ​ൾ എ​ത്താ​ത്ത​തി​നെ തു​ട​ർ​ന്ന് ചൊ​വ്വാ​ഴ്ച സം​സ്ഥാ​ന​ത്ത് ആ​യി​ര​ത്തോ​ളം റേ​ഷ​ൻ​ക​ട​ക​ൾ അ​ട​ച്ചി​ട്ടു.14,014 റേ​ഷ​ൻ ക​ട​ക​ളി​ൽ ഇ​ന്ന​ലെ വൈ​കീ​ട്ട് നാ​ലു​വ​രെ പ്ര​വ​ർ​ത്തി​ച്ച​ത് 13,007 ക​ട​ക​ളാ​ണ്.

സാ​ധ​ന​ങ്ങ​ൾ തീ​ർ​ന്ന​തോ​ടെ, വൈ​കീ​ട്ട് 6.30ഓ​ടെ ക​ട​ക​ളു​ടെ എ​ണ്ണം 12,342 ആ​യി കു​റ​ഞ്ഞു. സാ​ധ​ന​ങ്ങ​ളി​ല്ലാ​ത്ത​തി​നെ​തി​രെ ഭ​ക്ഷ്യ​മ​ന്ത്രി ജി.​ആ​ർ. അ​നി​ലി​ന്‍റെ മ​ണ്ഡ​ല​മാ​യ നെ​ടു​മ​ങ്ങാ​ട്ടെ, റേ​ഷ​ൻ​ക​ട​ക​ൾ​ക്ക് മു​ന്നി​ല​ട​ക്കം കോ​ൺ​ഗ്ര​സ്, യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ പ്ര​തി​ഷേ​ധ പ്ര​ക​ട​ന​വും ധ​ർ​ണ​യും ന​ട​ത്തി.

ഇ​തോ​ടെ, റേ​ഷ​ൻ​ക​ട​ക​ളി​ൽ വി​ത​ര​ണം, സ്റ്റോ​ക്ക് എ​ന്നി​വ വി​ല​യി​രു​ത്തു​ന്ന​തി​നാ​യി മ​ന്ത്രി ജി.​ആ​ർ. അ​നി​ൽ പൊ​തു​വി​ത​ര​ണ വ​കു​പ്പ് ഉ​ദ്യോ​ഗ​സ്ഥ​രു​ടെ യോ​ഗം ചേ​ർ​ന്നു. വി​ത​ര​ണ​ക്കാ​രു​ടെ കു​ടി​ശ്ശി​ക ന​ൽ​കി​യെ​ങ്കി​ലും കോ​ഴി​ക്കോ​ട് ടൗ​ൺ, കൊ​യി​ലാ​ണ്ടി, കാ​ർ​ത്തി​ക​പ്പ​ള്ളി, പാ​ല​ക്കാ​ട് എ​ന്നി​വി​ട​ങ്ങ​ളി​ലെ വി​ത​ര​ണ​ക്കാ​ർ സാ​ധ​ന​ങ്ങ​ൾ എ​ത്തി​ച്ചു​തു​ട​ങ്ങി​യി​ട്ടി​ല്ല. അ​വ​രു​മാ​യി ബ​ന്ധ​പ്പെ​ട്ട തൊ​ഴി​ലാ​ളി​ക​ളു​ടെ ത​ർ​ക്ക​മാ​ണ് കാ​ര​ണം. അ​ത് തൊ​ഴി​ൽ​വ​കു​പ്പു​മാ​യി ബ​ന്ധ​പ്പെ​ട്ട്​ പ​രി​ഹ​രി​ക്കാ​ൻ ബ​ന്ധ​പ്പെ​ട്ട ഡി.​എ​സ്.​ഒ മാ​ർ​ക്ക് മ​ന്ത്രി നി​ർ​ദേ​ശം ന​ൽ​കി.

റേ​ഷ​ൻ​ക​ട​ക​ളി​ലെ സ്റ്റോ​ക്ക് സം​ബ​ന്ധി​ച്ച പ​രാ​തി​ക​ൾ റേ​ഷ​ൻ ക​ട​ക​ളി​ലെ​ത്തി പ​രി​ശോ​ധി​ക്കാ​ൻ റേ​ഷ​നി​ങ്​ ഇ​ൻ​സ്പെ​ക്ട​ർ​മാ​ക്കും താ​ലൂ​ക്ക് സ​പ്ലൈ ഓ​ഫി​സ​ർ​മാ​ർ​ക്കും നി​ർ​ദേ​ശം ന​ൽ​കി. ഈ ​മാ​സം ഇ​തു​വ​രെ 64.31 ശ​ത​മാ​നം റേ​ഷ​ൻ വി​ത​ര​ണം മാ​ത്ര​മാ​ണ് സം​സ്ഥാ​ന​ത്ത് ന​ട​ന്ന​ത്. ജ​നു​വ​രി 31വ​രെ​യു​ള്ള വി​ത​ര​ണ തോ​ത് പ​രി​ശോ​ധി​ച്ച ശേ​ഷം ജ​നു​വ​രി​യി​ലെ റേ​ഷ​ൻ വി​ത​ര​ണം നീ​ട്ടു​ന്ന കാ​ര്യ​ത്തി​ൽ ഭ​ക്ഷ്യ​വ​കു​പ്പ് തീ​രു​മാ​ന​മെ​ടു​ത്തേ​ക്കും.