ദുരഭിമാനക്കൊല: ആയുധങ്ങളും ചോരപുരണ്ട വസ്​ത്രവും കണ്ടെടുത്തു

കുഴൽമന്ദം (പാലക്കാട്​): ജാതി മാറി വിവാഹം കഴിച്ചതിന്​ യുവാവി​െന വെട്ടിക്കൊന്ന സംഭവത്തിൽ പ്രതികളുടെ തെളിവെടുപ്പ്​ പൂർത്തിയാക്കി. തേങ്കുറുശ്ശി ഇലമന്ദം കൊല്ലത്തറയിൽ അറുമുഖ​െൻറ മകൻ അനീഷ്​ (അപ്പു- 27) കൊല്ല​പ്പെട്ട കേസിൽ അറസ്​റ്റിലായ രണ്ട്​ പ്രതികളുമായി പൊലീസ്​ നാല്​ സ്ഥലത്ത്​ തെളിവെടുപ്പ്​ നടത്തി. അനീഷി​െൻറ ഭാര്യപിതാവും രണ്ടാം പ്രതിയുമായ പ്രഭുകുമാർ (43), ഭാര്യയുടെ അമ്മാവനും ഒന്നാംപ്രതിയുമായ സുരേഷ് ​(45) എന്നിവരുമായി രാവിലെ മുതൽ നടത്തിയ തെളിവെടുപ്പിൽ കൊലക്കുപയോഗിച്ച ആയുധങ്ങൾ, രക്​തം പുരണ്ട വസ്​ത്രങ്ങൾ, ചെരുപ്പ്​ എന്നിവ കണ്ടെത്തി. പ്രതികൾ സഞ്ചരിച്ച ബൈക്കും കസ്​റ്റഡിയിലെടുത്തു.

രാവിലെ പത്തരയോടെ മാനാംകുളമ്പ് എ.ജെ.ബി സ്കൂളിന് സമീപത്തെ, കൊല നടന്ന സ്ഥലത്ത് പ്രതികളെയെത്തിച്ചു. ​തുടർന്ന് ഒരു കിലോമീറ്റർ അകലെ സുരേഷി​െൻറ വീട്ടിലേക്ക്​ തെളിവെടുപ്പിന്​ കൊണ്ടുപോയി. കൊലക്കുപയോഗിച്ച നീളത്തിലുള്ള കത്തി, കൊല നടത്തു​േ​മ്പാൾ സുരേഷ്​ ധരിച്ച വസ്ത്രങ്ങൾ, ചെരുപ്പ് എന്നിവ ഇവിടെനിന്ന്​ കണ്ടെടുത്തു.

രണ്ടാംപ്രതി പ്രഭുകുമാറി​െൻറ വീട്ടിലാണ്​ തുടർന്ന്​ തെളിവെടുപ്പ്​ നടന്നത്​. ആക്രമണത്തിനുപയോഗിച്ച മൂന്നര അടിയോളം നീളമുള്ള ഇരുമ്പ് പൈപ്പ് കണ്ടെടുത്തു. ബൈക്ക് പ്രഭുകുമാറി​െൻറ അച്ഛൻ താമസിക്കുന്ന വീടിന്​ സമീപത്തും നിന്നാണ്​ കണ്ടെത്തിയത്​. പിന്നീട്​ കൊടുവായൂർ ഭാഗത്തേക്ക് കൊണ്ടുപോയി പാതയോരത്തുള്ള കനാലിൽ നിന്ന്​ അനീഷിനെ കുത്താനുപയോഗിച്ച കമ്പി കണ്ടെടുത്തു.

വെള്ളിയാഴ്​ച വൈകീട്ട് ആറോടെയാണ്​ അനീഷും ഹരിതയും വിവാഹിതരായതി​െൻറ 90ാംനാളിൽ അരുംകൊല നടന്നത്​. വൈകീട്ട്​ പ്രതികളെ ആലത്തൂർ ​മജിസ്​​േ​ട്രറ്റ്​ മുമ്പാകെ ഹാജരാക്കി റിമാൻഡ്​​ ചെയ്​തു.