തേനി ജില്ലയിൽ കാട്ടുതീയിൽ ഒമ്പത്​ തൊഴിലാളികൾ കുടുങ്ങി; രണ്ടുപേർ മരിച്ചു

കു​മ​ളി: കോ​വി​ഡ് രോ​ഗ​ഭീ​തി​യെ​ത്തു​ട​ർ​ന്ന് സം​സ്ഥാ​ന അ​തി​ർ​ത്തി അ​ട​ച്ചി​ടു​ക​യും വാ​ഹ​ന​ങ്ങ​ൾ ഓ​ടാ​തി​രി​ക്കു​ക​യും ചെ​യ്ത​തി​നെ​ത്തു​ട​ർ​ന്ന് കാ​ട്ടി​നു​ള്ളി​ലൂ​ടെ ന​ട​ന്ന് സ്വ​ദേ​ശ​ത്തേ​ക്ക് മ​ട​ങ്ങി​യ ഒ​മ്പ​ത്​ ത​മി​ഴ്​ തൊ​ഴി​ലാ​ളി​ക​ൾ കാ​ട്ടു​തീ​യി​ല​ക​പ്പെ​ട്ടു. ഇ​വ​രി​ൽ ര​ണ്ടു​പേ​ർ മ​രി​ച്ചു.

തേ​നി ജി​ല്ല​യി​ലെ ബോ​ഡി​നാ​യ്ക്ക​ന്നൂ​ർ രാ​സിം​ഗാ​പു​രം ഉ​ച്ച​ല​ത്ത് മ​ല​യി​ലാ​ണ് ദു​ര​ന്ത​മു​ണ്ടാ​യ​ത്. ബോ​ഡി​നാ​യ്ക്ക​ന്നൂ​ർ സ്വ​ദേ​ശി​ക​ളാ​യ ജ​യ​ശ്രീ, കൃ​തി​ക എ​ന്നി​വ​രാ​ണ് മ​രി​ച്ച​ത്. ഇ​വ​ർ​ക്കൊ​പ്പം ഉ​ണ്ടാ​യി​രു​ന്ന വി​ജ​യ​മ​ണി, മ​ഹേ​ഷ്, വ​ജ്ര​മ​ണി, യോ​ഗേ​ഷ്, ഒ​ണ്ടി​വീ​ര​ൻ, മ​ഞ്ജു, ആ​ന​ന്ദ് എ​ന്നി​വ​ർ​ക്കാ​യി പൊ​ലീ​സും അ​ഗ്​​നി​ര​ക്ഷാ​സേ​ന വ​നം അ​ധി​കൃ​ത​രും ​വ​ന​ത്തി​ൽ തി​ര​ച്ചി​ൽ തു​ട​രു​ക​യാ​ണ്.

ഇ​ടു​ക്കി ജി​ല്ല​യി​ലെ പേ​ത്തൊ​ട്ടി​യി​ൽ ഏ​ല​ത്തോ​ട്ടം മേ​ഖ​ല​യി​ൽ ജോ​ലി ക​ഴി​ഞ്ഞ് മ​ട​ങ്ങി​യ തൊ​ഴി​ലാ​ളി​ക​ളാ​ണ് അ​പ​ക​ട​ത്തി​ൽ​പെ​ട്ട​ത്. ബോ​ഡി​മെ​ട്ട് വ​ഴി വാ​ഹ​ന​ഗ​താ​ഗ​തം നി​ല​ച്ച​തോ​ടെ​ തൊ​ഴി​ലാ​ളി​ക​ൾ കാ​ട്ടി​നു​ള്ളി​ലെ എ​ളു​പ്പ പാ​ത വ​ഴി ബോ​ഡി​നാ​യ്ക്ക​ന്നൂ​രി​ലേ​ക്ക് പോ​കു​ന്ന​തി​നി​ടെ​യാ​ണ് കാ​റ്റി​ൽ കാ​ട്ടു​തീ ആ​ളി​പ്പ​ട​ർ​ന്ന് അ​പ​ക​ട​മു​ണ്ടാ​യ​ത്.