You are here

രണ്ടത്താണിയിൽ കവർച്ചക്ക് ശേഷം തുണിക്കടക്ക് തീയിട്ടു; ലക്ഷങ്ങളുടെ നഷ്ടം

08:15 AM
08/11/2019
randathani-textile-theft

കാടാമ്പുഴ: ദേശീയപാത കടന്നു പോകുന്ന രണ്ടത്താണിയിൽ തുണിക്കടക്ക് തീപിടിച്ചു. ഇരുനിലകളിലായി പ്രവർത്തിക്കുന്ന മലേഷ്യ ടെക്സ്റ്റയിൽസിന്‍റെ താഴെ ഭാഗം പൂർണ്ണമായും കത്തി നശിച്ചത്. വെള്ളിയാഴ്ച പുലർച്ചെ മൂന്നു മണിക്കാണ് സംഭവം. 

ഷോപ്പിന്‍റെ ചുമർ കുത്തിപ്പൊളിച്ച നിലയിലാണ്. കവർച്ചക്ക് ശേഷം തീയിട്ടതാണെന്നാണ് സൂചന. കടയിലെ നിരീക്ഷണ കാമറ സംവിധാനങ്ങളെല്ലാം കത്തി ചാമ്പലായി.

രണ്ടത്താണി സ്വദേശിയായ മൂർക്കത്ത് സലാമിന്‍റേതാണ് സ്ഥാപനം. തിരൂർ നിന്നും രണ്ട് അഗ്നിശമനസേന യൂണിറ്റ് എത്തിയാണ് തീ നിയന്ത്രണ വിധേയമാക്കിയത്. ലക്ഷങ്ങളുടെ നഷ്ടമാണ് സംഭവിച്ചിരിക്കുന്നത്. കാടാമ്പുഴ പൊലീസ് അന്വേഷണമാരംഭിച്ചു.

Loading...
COMMENTS