തിയറ്ററിലെ പീഡനം: പൊലീസുകാർക്കെതിരെ നടപടി​ വേണം​ -മനുഷ്യാവകാശ കമീഷൻ

മലപ്പുറം: എടപ്പാളിലെ സിനിമ തിയറ്ററിൽ പെൺകുട്ടിയെ പീഡിപ്പിച്ച സംഭവത്തിൽ പരാതി നൽകിയിട്ടും കേസെടുക്കാത്ത പൊലീസ് ഉദ്യോഗസ്ഥർക്കെതിരെ നടപടി​ വേണമെന്ന്​ മനുഷ്യാവകാശ കമീഷൻ ആക്റ്റിങ്​ അധ്യക്ഷൻ പി. മോഹനദാസ് ഉത്തരവിട്ടു. ജില്ല പൊലീസ് മേധാവി നേരിട്ട് അന്വേഷിക്കണം. മൂന്നാഴ്ചക്കകം റിപ്പോർട്ട് സമർപ്പിക്കണം.

ചൈൽഡ്​ലൈൻ പ്രവർത്തകർ സി.സി.ടി.വി ദൃശ്യങ്ങൾക്കൊപ്പം രേഖാമൂലം പരാതി നൽകിയിട്ടും നടപടിയില്ലാത്തത്​ ഗൗരവതരമാണ്​. ദ്യശ്യമാധ്യമങ്ങൾ വാർത്ത പുറത്തുവിട്ടതി​​​​െൻറ അടിസ്ഥാനത്തിൽ രജിസ്​റ്റർ ചെയ്ത കേസിലാണ് നടപടി. ഡിവൈ.എസ്.പി ഉൾപ്പെടെയുള്ള ഉദ്യോഗസ്ഥർ പ്രതിയുടെ സ്വാധീനത്തിന് വഴങ്ങിയതായും ഉത്തരവിൽ പറയുന്നു.