സിനിമാ തിയറ്റർ പീഡനം: കുട്ടിയുടെ അമ്മ അറസ്​റ്റിൽ; കുട്ടിയെ നിർഭയ ഹോമിലേക്ക് മാറ്റി

എടപ്പാൾ: സിനിമ തിയറ്ററിലെ പീഡനക്കേസിൽ ബാലികയുടെ അമ്മയെ അറസ്​റ്റ്​ ചെയ്​തു. അമ്മയുടെ അറിവോടെയാണ് കുട്ടി പീഡിപ്പിക്കപ്പെട്ടതെന്ന വിവരത്തെതുടര്‍ന്ന് ഇവരെ കസ്​റ്റഡിയിലെടുത്തിരുന്നു. ഞായറാഴ്ച വൈകീട്ട്​ പൊന്നാനി സ്​റ്റേഷനിലെത്തിച്ച്​, അന്വേഷണത്തിന് നേതൃത്വം നല്‍കുന്ന ജില്ല ക്രൈം റെക്കോഡ്​സ്​ ബ്യൂറോ ഡിവൈ.എസ്.പി ഷാജി വര്‍ഗീസ് ചോദ്യം ചെയ്തശേഷമാണ് അറസ്​റ്റ്​ രേഖപ്പെടുത്തിയത്. 

പോ​ക്​സോ നിയമപ്രകാരമാണ്​ കേസ്​​. കുട്ടിയെ പീഡിപ്പിച്ച തൃത്താല കാങ്കനകത്ത്​ മൊയ്​തീൻകുട്ടിയെ (60) ശനിയാഴ്ച രാത്രി അറസ്​റ്റ്​ ചെയ്തിരുന്നു. ചങ്ങരംകുളം പൊലീസി​​​​െൻറ പരിധിയിലുള്ള കേസായിരുന്നിട്ടും പ്രതികളെ പൊന്നാനി സ്​റ്റേഷനിലേക്കാണ് അന്വേഷണ സംഘമെത്തിച്ചത്. ചങ്ങരംകുളം എസ്.ഐ കെ.ജി. ബേബി സസ്പെന്‍ഷനിലാവുകയും സ്​റ്റേഷന് മുന്നില്‍ കടുത്ത പ്രതിഷേധമുയർന്നതിനാലുമാണ് പൊന്നാനിയിലേക്ക് മാറ്റിയത്. 

ഞായറാഴ്ച വൈകീട്ട്​ 6.45ഓടെയാണ് രണ്ട് പ്രതികളെയും മഞ്ചേരി പോക്​സോ കോടതിയിൽ ഹാജരാക്കാൻ കൊണ്ടുപോയത്. പ്രതികളെ കാണാന്‍ സ്​റ്റേഷന്‍ പരിസരത്ത് വലിയ ജനക്കൂട്ടമായിരുന്നു. ഏറെ പ്രയാസപ്പെട്ടാണ് സ്​റ്റേഷനില്‍ നിന്നിറക്കി വാഹനത്തില്‍ കയറ്റിയത്. ജനക്കൂട്ടം പ്രതികള്‍ക്കെതിരെ ശകാരവര്‍ഷം ചൊരിഞ്ഞു. 

അറസ്​റ്റിന് മുന്നോടിയായി പൊന്നാനി താലൂക്ക്​ ആശുപത്രിയിൽ വൈദ്യപരിശോധന നടത്തി. മാതാവിനെയും മൊയ്​തീൻകുട്ടിയെയും 14 ദിവസത്തേക്ക്​ റിമാൻഡ്​ ചെയ്​തു. വൈദ്യപരിശോധനക്ക് ശേഷം കുട്ടിയെ നിർഭയ റെസ്ക്യൂ ആൻഡ്​ ഹോമിലേക്ക് മാറ്റി. മജിസ്ട്രേറ്റ് കുട്ടിയുടെ മൊഴി രേഖപ്പെടുത്തിയിരുന്നു. എടപ്പാളിലെ ഒരു തിയറ്ററില്‍ ഏപ്രില്‍ 18ന് വൈകീട്ട്​ ആറിനുള്ള പ്രദര്‍ശനത്തിനിടയിലാണ് സ്ത്രീക്കൊപ്പമിരുന്ന മൊയ്​തീൻകുട്ടി പത്ത് വയസ്സ് തോന്നിക്കുന്ന ബാലികയെ പീഡിപ്പിച്ചത്. 

ചൈൽഡ്​ലൈൻ അധികൃതരെ കുടുക്കാൻ​ ശ്രമമെന്ന്​ പരാതി
മലപ്പുറം: ബാലിക പീഡനത്തിനിരയായ സംഭവത്തിൽ സിനിമ തി​യറ്റർ ഉടമയുടെ പരാതിപ്രകാരം തുടർനടപടികളെടുത്ത ചൈൽഡ്​ ലൈൻ അധികൃതരെ കുടുക്കാൻ പൊലീസ്​ ശ്രമിക്കുന്നതായി പരാതി. ദൃശ്യങ്ങൾ പ്രചരിപ്പിച്ചെന്നും കൃത്രിമം കാണിക്കാൻ ശ്രമിച്ചെന്നും ആരോപിച്ചാണ്​ കേസെടുക്കാൻ നീക്കം നടക്കുന്നതായി ആരോപണമുയർന്നത്​. പൊലീസ്​ കേസെടുക്കാൻ വൈകിയ നടപടി വിവാദമായിരിക്കെയാണ്​ പൊലീസ്​ ​ചൈൽഡ്​ ലൈനിനെതിരെ തിരിഞ്ഞിരിക്കുന്നത്​. 

എം.എൽ.എയും സി.പി.എം നേതാവും നിയമ നടപടിക്ക്
പട്ടാമ്പി: എടപ്പാളിലെ തിയറ്റർ പീഡന൦ സാമൂഹിക മാധ്യമങ്ങളിലൂടെ രാഷ്​ട്രീയ പകപോക്കലിന്​ ഉപയോഗിക്കുന്നവർക്കെതിരെ മുഹമ്മദ് മുഹ്‌സിൻ എം.എൽ.എയും സി.പി.എം പട്ടാമ്പി ലോക്കൽ കമ്മിറ്റി അംഗവും ട്രേഡ് യൂനിയൻ നേതാവുമായ പി.പി. മൊയ്തീൻകുട്ടിയും നിയമ നടപടിക്ക്. സാമൂഹിക മാധ്യമങ്ങളിലെ അപകീർത്തി ​പ്രചാരണത്തിനെതിരെ മൊയ്തീൻകുട്ടി പട്ടാമ്പി പൊലീസിൽ പരാതി നൽകി. 

ഇദ്ദേഹത്തി​​​​െൻറ ഫേസ്​ബുക്ക്​ പേജ്​ ഉപയോഗിച്ച്​, പ്രതി സി.പി.എം നേതാവായതിനാലാണ് കേസെടുക്കാതിരുന്നതെന്നായിരുന്നു സാമൂഹിക മാധ്യമങ്ങളിലെ പ്രചാരണം. നിയമസഭ തെരഞ്ഞെടുപ്പ് വേളയിൽ ഇദ്ദേഹം മുഹമ്മദ് മുഹ്‌സിൻ എം.എൽ.എക്കൊപ്പം നിൽക്കുന്ന ഫ്ലക്സ് ബോർഡ്​ ചേർത്തുള്ള അപകീർത്തി കമൻറുകളും ഫേസ്ബുക്കിലുണ്ട്. സമൂഹമാധ്യമത്തിലൂടെ ‘സംഘികളും മുസ്​ലിംലീഗി​​​​െൻറ ഒാൺലൈൻ ചാവേറുകളും നടത്തുന്ന കുപ്രചാരണങ്ങൾക്കെതിരെ’ നിയമ നടപടി സ്വീകരിക്കുമെന്ന്​ മുഹമ്മദ് മുഹ്‌സിൻ എം.എൽ.എ ഫേസ്ബുക്കിൽ കുറിച്ചു.