തിയറ്റർ പീഡനം: ചങ്ങരംകുളം പൊലീസ് പ്രതിക്കൂട്ടിൽ

എ​ട​പ്പാ​ള്‍: തി​യ​റ്റ​റി​ല്‍ ബാ​ലി​ക പീ​ഡ​ന​ത്തി​നി​ര​യാ​യ കേ​സ് കൈ​കാ​ര്യം ചെ​യ്ത​തി​ല്‍ ച​ങ്ങ​രം​കു​ളം പൊ​ലീ​സി​ന് ഗു​രു​ത​ര​വീ​ഴ്ച.  പീ​ഡ​ന​ം സം​ബ​ന്ധി​ച്ച വി​വ​ര​ങ്ങ​ളും ​ദൃ​ശ്യ​ങ്ങ​ള​ട​ങ്ങി​യ പെ​ന്‍ഡ്രൈ​വും ചൈ​ല്‍ഡ് ലൈ​ന്‍ അ​ധി​കൃ​ത​ര്‍ ഏ​പ്രി​ല്‍ 25ന് ​തന്നെ ച​ങ്ങ​രം​കു​ളം സ്​​റ്റേ​ഷ​നി​ല്‍ ന​ല്‍കി​യി​രു​ന്നു. സം​ഭ​വ​സ്ഥ​ലം എവിടെയാണെന്ന് ചോദിച്ച് 26ന് തന്നെ സ്റ്റേഷനിൽ നിന്ന് ചൈൽഡ് ലൈൻ അധികൃതരെ  ബന്ധപ്പെട്ടു. എ​ട​പ്പാ​ളി​ലെ തി​യ​റ്റ​റാ​ണ് സം​ഭ​വ​സ്ഥ​ല​മെ​ന്ന മ​റു​പ​ടി ചൈ​ല്‍ഡ് ലൈ​ന്‍ അ​ധി​കൃ​ത​ര്‍ ന​ല്‍കി​യി​രു​ന്നു. 
എ​ന്നാ​ല്‍ പീ​ഡ​ന​ത്തി​നി​ര​യാ​യ കു​ട്ടി, പ്ര​തി, ഒ​പ്പ​മു​ള്ള സ്ത്രീ ​എ​ന്നി​വ​രെ സം​ബ​ന്ധി​ച്ച്​ വ്യ​ക്ത​മാ​യ വി​വ​ര​ങ്ങ​ളി​ല്ലാ​ത്ത​തി​നാ​ലാ​ണ്​ കേ​സ് ര​ജി​സ്​​റ്റ​ര്‍ ചെ​യ്യാ​ന്‍ വൈ​കി​യ​തെ​ന്നാ​ണ് ഇപ്പോൾ ച​ങ്ങ​രം​കു​ളം പൊ​ലീ​സിന്‍റെ വാദം. 

പ്ര​തി മൊ​യ്തീ​ന്‍കു​ട്ടി തി​യ​റ്റ​റി​ലെ​ത്തി​യ ബെ​ന്‍സ് കാ​റി​​​​െൻറ ന​മ്പ​ര്‍ ചൈ​ല്‍ഡ് ലൈ​ന്‍ അ​ധി​കൃ​ത​ര്‍ പൊ​ലീ​സി​ന് ന​ല്‍കി​യിരുന്നു. പീ​ഡ​ന​ദൃ​ശ്യ​ങ്ങ​ള്‍ മാധ്യമങ്ങളിലൂടെ പു​റ​ത്തു​വ​ന്ന ശ​നി​യാ​ഴ്ച ര​ണ്ട് മ​ണി​ക്കൂ​റി​ന​കം തന്നെ പൊലീസ് മൊ​യ്തീ​ന്‍കു​ട്ടി​യെ ക​സ്​​റ്റ​ഡി​യി​ലെ​ടു​ത്തിരുന്നു. ​ഇത് വ്യക്തമാക്കുന്നത് പൊലീസിന് വി​വ​ര​ങ്ങ​ൾ നേ​ര​േ​ത്ത അറിയാമായിരുന്നു എന്നാണ്.

ചൈൽഡ്​ലൈൻ അധികൃതരെ കുടുക്കാൻ​ ശ്രമമെന്ന്​ പരാതി 

മ​ല​പ്പു​റം: ബാ​ലി​ക പീ​ഡ​ന​ത്തി​നി​ര​യാ​യ സം​ഭ​വ​ത്തി​ൽ സി​നി​മ തി​​യ​റ്റ​ർ ഉ​ട​മ​യു​ടെ പ​രാ​തി​പ്ര​കാ​രം തു​ട​ർ​ന​ട​പ​ടി​ക​ളെ​ടു​ത്ത ചൈ​ൽ​ഡ്​ ലൈ​ൻ അ​ധി​കൃ​ത​രെ കു​ടു​ക്കാ​ൻ പൊ​ലീ​സ്​ ശ്ര​മി​ക്കു​ന്ന​താ​യി പ​രാ​തി. ദൃ​ശ്യ​ങ്ങ​ൾ പ്ര​ച​രി​പ്പി​ച്ചെ​ന്നും കൃ​ത്രി​മം കാ​ണി​ക്കാ​ൻ ശ്ര​മി​ച്ചെ​ന്നും ആ​രോ​പി​ച്ചാ​ണ്​ കേ​സെ​ടു​ക്കാ​ൻ നീ​ക്കം ന​ട​ക്കു​ന്ന​താ​യി ആ​രോ​പ​ണ​മു​യ​ർ​ന്ന​ത്. പൊ​ലീ​സ്​ കേ​സെ​ടു​ക്കാ​ൻ വൈ​കി​യ ന​ട​പ​ടി വി​വാ​ദ​മാ​യി​രി​ക്കെ​യാ​ണ്​ പൊ​ലീ​സ്​ ​ചൈ​ൽ​ഡ്​ ലൈ​നി​നെ​തി​രെ തി​രി​ഞ്ഞി​രി​ക്കു​ന്ന​ത്.