Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപൊലീസ്​ ചോദ്യം ചെയ്യാൻ ...

പൊലീസ്​ ചോദ്യം ചെയ്യാൻ വിളിപ്പിച്ച യുവാവ്​ എലിവിഷം അകത്തുചെന്ന നിലയിൽ ആശുപത്രിയിൽ

text_fields
bookmark_border
wayanad police
cancel

മാനന്തവാടി: പനമരം താഴെ നെല്ലിയമ്പം കാവടത്ത് വൃദ്ധ ദമ്പതികള്‍ കൊല്ലപ്പെട്ട സംഭവത്തില്‍ അന്വേഷണ സംഘം ചോദ്യം ചെയ്യാന്‍ സ്‌റ്റേഷനിലേക്ക് വിളിപ്പിച്ച യുവാവിനെ എലിവിഷം അകത്തുചെന്ന നിലയില്‍ കണ്ടെത്തിയത്​. കൊലപാതകം നടന്ന വീടിന് സമീപത്തെ കുറുമകോളനിയിലെ അര്‍ജ്ജുന്‍ (24) നെയാണ് എലിവിഷം അകത്ത്​ ചെന്ന നിലയിൽ ആശുപത്രിയിൽ പ്രവേശിപ്പിച്ചത്​. ആദ്യം മാനന്തവാടി മെഡിക്കല്‍ കോളേജിലും തുടര്‍ന്ന് മേപ്പാടി സ്വകാര്യ ആശുപത്രിയിലും ഇയാളെ പ്രവേശിപ്പിക്കുകയായിരുന്നു.

പൊലീസ്​ ചോദ്യം ചെയ്യലിനിടെ യുവാവ് സ്‌റ്റേഷനില്‍ വെച്ച് കയ്യില്‍ കരുതിയിരുന്ന എലിവിഷം കഴിച്ചതായാണ് സൂചന. കൊലപാതകത്തില്‍ യുവാവിന് പങ്കുണ്ടോ എന്നതിനെ കുറിച്ച്​ പൊലീസിന്‍റെ ഭാഗത്ത് നിന്നും ഔദ്യോഗിക പ്രതികരണം പുറത്ത്​ വന്നിട്ടില്ല. ജൂണ്‍ 10ന് രാത്രിയിലാണ് റിട്ട. അധ്യാപകന്‍ പത്മാലയത്തില്‍ കേശവന്‍ മാസ്റ്ററും (72) ഭാര്യ പത്മാവതിയും (68) കുത്തേറ്റ് മരിച്ചത്.

തുടർന്ന്​ മാനന്തവാടി ഡി.വൈ.എസ്.പി. എ.പി.ചന്ദ്രന്‍റെ നേതൃത്വത്തില്‍ പ്രത്യേക സംഘം കേസിൽ അന്വേഷണം ആരംഭിച്ചിരുന്നു. പ്രദേശത്തെ നിരവധിയാളുകളെ കേസുമായി ബന്ധപ്പെട്ട്​ ഇതിനകം ചോദ്യം ചെയ്തിരുന്നു. ഇതിന്‍റെ തുടര്‍ച്ചയായാണ് അര്‍ജുനേയും ചോദ്യം ചെയ്യാന്‍ വിളിപ്പിച്ചത്.

Show Full Article
TAGS:suicide attempt 
News Summary - The young man, who was called in for questioning by police, was hospitalised after ingesting rat poison
Next Story