Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുറ്റത്തെ മണ്ണു...

മുറ്റത്തെ മണ്ണു നീക്കാൻ രണ്ടു കുടുംബങ്ങൾ കാത്തിരുന്നത്​ രണ്ടുവർഷം

text_fields
bookmark_border
മുറ്റത്തെ മണ്ണു നീക്കാൻ രണ്ടു കുടുംബങ്ങൾ കാത്തിരുന്നത്​ രണ്ടുവർഷം
cancel
camera_alt

പ്രതീകാത്മക ചിത്രം

കൊടിയത്തൂർ(കോഴിക്കോട്​): മഴയിൽ അടുത്തുള്ള മലയിൽനിന്ന് വീട്ടുമുറ്റത്തേക്ക് ഇടിഞ്ഞുവീണ മണ്ണ് നീക്കംചെയ്യാൻ വീട്ടുകാർക്ക് ഹൈകോടതി വരെ പോകേണ്ടിവന്നു. കോടതിയുടെ കനിവുനേടാൻ രണ്ടു വർഷത്തെ പ്രയത്നവും വേണ്ടിവന്നു. 2018 ജൂണിലാണ് കൊടിയത്തൂർ പഞ്ചായത്തിലെ പന്നിക്കോട് സ്വദേശികളായ സാദിഖലി കൊളക്കാടൻ, അപ്പുണ്ണി പരപ്പിൽ എന്നിവരുടെ വീട്ടുമുറ്റത്തേക്ക്​ അടുത്തുള്ള മല മഴയിൽ ഇടിഞ്ഞുവീണത്. മഴ തുടർന്നുകൊണ്ടിരുന്നതിനാൽ മണ്ണിടിച്ചിൽ ആവർത്തിക്കുമെന്ന് ഭയന്ന വീട്ടുകാർ ദുരന്തനിവാരണ അതോറിറ്റിയുടെയും ഫയർഫോഴ്സി െൻറയും മറ്റും സഹായം തേടി.

ഫയർഫോഴ്സാകട്ടെ, മണ്ണുമാന്തി യന്ത്രം ഉപയോഗിച്ച് പാറക്കല്ലുകളും മണ്ണുമടക്കം ഇടിച്ചിൽ ഭീഷണിയുള്ള ബാക്കി ഭാഗംകൂടി താഴേക്ക്​ ഇടിച്ചിട്ടു. അതോടെ വീട്ടിൽനിന്ന് മുറ്റത്തേക്കിറങ്ങണമെങ്കിൽ മണ്ണ് നീക്കംചെയ്യാതെ വയ്യെന്നായി. അതിനായാണ് ദുരന്തനിവാരണ സമിതി ജില്ല ചെയർമാൻ കൂടിയായ ജില്ല കലക്ടറെ സമീപിച്ചത്. അദ്ദേഹം അപേക്ഷ ജിയോളജിസ്​റ്റിന് കൈമാറി. ഇതോടെയാണ് രണ്ടു വീട്ടുകാരുടെ കഷ്​ടകാലമാരംഭിച്ചത്. ജിയോളജിസ്​റ്റി​െൻറ വരവുകാത്ത് ഏറെനാൾ. പിന്നീട് അദ്ദേഹത്തി​െൻറ ഹിതമറിയാനുള്ള കാത്തിരിപ്പ്. ഒടുവിൽ റിപ്പോർട്ട്​ വന്നു. മണ്ണിന് വില കിട്ടുമെന്നതിനാൽ 30,000 രൂപ റോയൽറ്റി അടക്കണം.

മഴയായാലും വെള്ളപ്പൊക്കമായാലും പ്രളയംതന്നെ ആയാലും ഇടിഞ്ഞുവീണ മണ്ണ് അവിടെനിന്ന് നീക്കംചെയ്യാൻ അനുമതി നൽകണമെങ്കിൽ റോയൽറ്റി വേണമെന്ന നിലപാടിൽ ജില്ല ജിയോളജിസ്​റ്റ്​ ഉറച്ചുനിന്നു. വീട്ടുകാർ റവന്യു മന്ത്രി അടക്കമുള്ളവരെ സമീപിച്ചു. സമീപിച്ചവരധികവും ജിയോളജിസ്​റ്റി​െൻറ ഉത്തരവിന് അനുകൂലമായതിനാലാണ് കേരള ഹൈകോടതിയിൽ അഭയം തേടിയത്. കോടതിയിൽനിന്ന്​ വീട്ടുകാർക്ക് അനുകൂല വിധി ഉണ്ടാവുകയും ചെയ്തു. കോടതി മണ്ണ് നീക്കാൻ ജില്ല കലക്ടറെയും തഹസിൽദാറെയും ചുമതലപ്പെടുത്തി. കോടതി ഉത്തരവ് നടപ്പാക്കുന്നതും കാത്തിരിപ്പാണ് ഈ വീട്ടുകാർ.

Show Full Article
TAGS:soil geology court order 
Next Story