അ​ട​ച്ചു​പൂ​ട്ടി​യ എൻജി. കോളജിൽ സാ​ങ്കേതിക സർവകലാശാല പഠന വിഭാഗങ്ങൾ തുടങ്ങുന്നു

തി​രു​വ​ന​ന്ത​പു​രം: കു​ട്ടി​ക​ളി​ല്ലാ​തെ അ​ട​ച്ചു​പൂ​ട്ടി​യ സ്വാ​ശ്ര​യ എ​ൻ​ജി​നീ​യ​റി​ങ്​ കോ​ള​ജി​ന്‍റെ കെ​ട്ടി​ടം ഉ​പ​യോ​ഗി​ച്ച്​ എ.​പി.​ജെ. അ​ബ്​​ദു​ൽ ക​ലാം സാ​​ങ്കേ​തി​ക സ​ർ​വ​ക​ലാ​ശാ​ല അ​ഞ്ച്​ പ​ഠ​ന വി​ഭാ​ഗ​ങ്ങ​ൾ ആ​രം​ഭി​ക്കു​ന്ന​ത്​ പ​രി​ഗ​ണ​ന​യി​ൽ. വി​ള​പ്പി​ൽ​ശാ​ല​യി​ൽ സ​ർ​വ​ക​ലാ​ശാ​ല​ക്കാ​യി ഏ​റ്റെ​ടു​ത്ത ഭൂ​മി​യി​ൽ​ കെ​ട്ടി​ടം പ​ണി പൂ​ർ​ത്തി​യാ​കാ​ൻ ര​ണ്ട്​ വ​ർ​ഷ​മെ​ങ്കി​ലും വേ​ണ്ടി​വ​രു​മെ​ന്ന ക​ണ​ക്കു​കൂ​ട്ട​ലി​ലാ​ണ്​ അ​തി​ന്​ മു​മ്പ്​ പ​ഠ​ന​വി​ഭാ​ഗ​ങ്ങ​ൾ ആ​രം​ഭി​ക്കാ​ൻ ന​ട​പ​ടി തു​ട​ങ്ങി​യ​ത്.

ഇ​തി​നാ​യി സ​ർ​വ​ക​ലാ​ശാ​ല പ്ര​ത്യേ​ക ക്വ​ട്ടേ​ഷ​ൻ ക്ഷ​ണി​ച്ചി​രു​ന്നു. അ​പേ​ക്ഷ​ക​രി​ൽ​നി​ന്ന്​ കു​റ​ഞ്ഞ തു​ക ആ​വ​ശ്യ​പ്പെ​ട്ട​ത്​ നെ​യ്യാ​റ്റി​ൻ​ക​ര​ക്ക്​ സ​മീ​പ​മു​ള്ള കോ​ള​ജാ​ണ്. ഇ​വ​രു​മാ​യി സ​ർ​വ​ക​ലാ​ശാ​ല അ​ധി​കൃ​ത​ർ പ്രാ​ഥ​മി​ക ച​ർ​ച്ച ന​ട​ത്തി. നാ​ല്​ വ​ർ​ഷ​ത്തോ​ളം മു​മ്പ്​ അ​ട​ച്ചു​പൂ​ട്ടി​യ​താ​ണ്​ പ​രി​ഗ​ണ​ന​യി​ലു​ള്ള കോ​ള​ജ്. അ​ഞ്ച്​ പ​ഠ​ന വി​ഭാ​ഗ​ങ്ങ​ൾ താ​ൽ​ക്കാ​ലി​ക കാ​മ്പ​സി​ൽ തു​ട​ങ്ങു​മെ​ങ്കി​ലും സ​ർ​വ​ക​ലാ​ശാ​ല ആ​സ്ഥാ​നം വി​ള​പ്പി​ൽ​ശാ​ല​യി​ലെ കെ​ട്ടി​ടം പൂ​ർ​ത്തി​യാ​കും​വ​രെ നി​ല​വി​ൽ പ്ര​വ​ർ​ത്തി​ക്കു​ന്ന തി​രു​വ​ന​ന്ത​പു​രം സി.​ഇ.​ടി കാ​മ്പ​സി​ൽ തു​ട​രും.

സാ​​ങ്കേ​തി​ക സ​ർ​വ​ക​ലാ​ശാ​ല 2014ൽ ​ആ​രം​ഭി​ച്ചെ​ങ്കി​ലും ഇ​തു​വ​രെ സ്വ​ന്തം പ​ഠ​ന​വി​ഭാ​ഗം ആ​രം​ഭി​ക്കാ​ൻ സാ​ധി​ച്ചി​ട്ടി​ല്ല. യു.​ജി.​സി റെ​ഗു​ലേ​ഷ​നി​ലെ 12 (ബി) ​വ്യ​വ​സ്ഥ പ്ര​കാ​ര​മു​ള്ള അം​ഗീ​കാ​രം സ​ർ​വ​ക​ലാ​ശാ​ല​ക്ക്​ ല​ഭി​ക്കാ​ൻ അ​ഞ്ച്​ പ​ഠ​ന​വി​ഭാ​ഗ​ങ്ങ​ളെ​ങ്കി​ലും ആ​രം​ഭി​ക്ക​ണം. യു.​ജി.​സി ​ധ​ന​സ​ഹാ​യം ല​ഭി​ക്കു​ന്ന​തി​ന്​ 12 (ബി) ​അം​ഗീ​കാ​രം അ​നി​വാ​ര്യ​മാ​ണ്. ഈ ​സാ​ഹ​ച​ര്യ​ത്തി​ലാ​ണ്​ താ​ൽ​ക്കാ​ലി​ക കാ​മ്പ​സി​ൽ അ​ഞ്ച്​ പ​ഠ​ന​വി​ഭാ​ഗ​ങ്ങ​ൾ തു​ട​ങ്ങു​ന്ന​ത്. ​

പ​ഠ​ന​വി​ഭാ​ഗ​ങ്ങ​ൾ ആ​രം​ഭി​ക്കു​ന്ന​തി​ന്‍റെ ഭാ​ഗ​മാ​യി എ​ൻ​ജി​നീ​യ​റി​ങ് മേ​ഖ​ല​യി​ലെ വി​ദ​ഗ്ധ​രു​മാ​യു​ള്ള ച​ർ​ച്ച​ക​ൾ​ സ​ർ​വ​ക​ലാ​ശാ​ല തു​ട​ങ്ങി. ഐ.​ഐ.​ടി, എ​ൻ.​ഐ.​ടി എ​ന്നി​വി​ട​ങ്ങ​ളി​ലെ പ​ഠ​ന-​ഗ​വേ​ഷ​ണ വി​ഭാ​ഗം മേ​ധാ​വി​ക​ൾ, വ്യ​വ​സാ​യ വി​ദ​ഗ്ധ​ർ, സി​ൻ​ഡി​ക്കേ​റ്റ് അം​ഗ​ങ്ങ​ൾ, അ​ക്കാ​ദ​മി​ക് കൗ​ൺ​സി​ൽ, ബോ​ർ​ഡ് ഓ​ഫ് സ്റ്റ​ഡീ​സ് അം​ഗ​ങ്ങ​ൾ എ​ന്നി​വ​ർ ആ​ശ​യ​ങ്ങ​ൾ അ​വ​ത​രി​പ്പി​ച്ചു.

കു​സാ​റ്റ് മു​ൻ വൈ​സ് ചാ​ൻ​സ​ല​ർ ഡോ. ​ഗം​ഗ​ൻ പ്ര​താ​പ്, ഡി​ജി​റ്റ​ൽ സ​ർ​വ​ക​ലാ​ശാ​ല ഡീ​ൻ ഡോ. ​എ.​പി. ജെ​യിം​സ്, നെ​സ്റ്റ്​​ ഡി​ജി​റ്റ​ൽ ക​മ്പ​നി വൈ​സ് പ്ര​സി​ഡ​ന്‍റ്​ ഫ്രാ​ങ്ക്‌​ളി​ൻ ജോ​ർ​ജ്, കാ​ലി​ക്ക​റ്റ് എ​ൻ.​ഐ.​ടി​യി​ലെ ഗ​വേ​ഷ​ക വി​ദ​ഗ്ധ​രാ​യ ഡോ. ​റി​ജി​ൽ രാം​ച​ന്ദ്, ഡോ. ​സു​ധീ​ഷ് എ​ൻ. ജോ​ർ​ജ്, വൂ​റ്റ്സ് ടെ​ക്നോ​ള​ജീ​സ് എം.​ഡി ഷാ​ജി എം. ​സ്ക​റി​യ, വൈ​സ് ചാ​ൻ​സ​ല​ർ ഡോ. ​രാ​ജ​ശ്രീ എം.​എ​സ്, പ്രൊ ​വൈ​സ് ചാ​ൻ​സ​ല​ർ ഡോ. ​എ​സ്. അ​യൂ​ബ് തു​ട​ങ്ങി​യ​വ​ർ പ​ങ്കെ​ടു​ത്തു.