Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഒാർത്തഡോക്​സ്​ സഭാ...

ഒാർത്തഡോക്​സ്​ സഭാ പരമാധ്യക്ഷ തെരഞ്ഞെടുപ്പിന്​ സ്​റ്റേയില്ല; യാക്കോബായ വിഭാഗത്തിന്​ തിരിച്ചടി

text_fields
bookmark_border
Orthodox Sabha
cancel

ന്യൂഡൽഹി: ഒക്ടോബര്‍ 14ലെ മലങ്കര ഓർത്തഡോക്സ്‌ സഭ പരമാധ്യക്ഷ​െൻറ തെരഞ്ഞെടുപ്പ്​ സ്​റ്റേ ചെയ്യാനുള്ള നീക്കത്തിന്​ സുപ്രീംകോടതിയിൽ തിരിച്ചടി. യാക്കോബായ വിശ്വാസികളുടെ സ്​റ്റേ ആവശ്യം തള്ളിയ ജസ്​റ്റിസ് ഇന്ദിര ബാനർജി അധ്യക്ഷയായ ബെഞ്ച് ആരാധനാലയങ്ങളുടെ ഭരണം പിടിക്കാൻ വർഷങ്ങൾ നീണ്ട വ്യവഹാരങ്ങൾ നടക്കുന്നതിൽ അതൃപ്തി അറിയിച്ചു.

1934ലെ സഭാ ഭരണഘടന പ്രകാരമാണ് മലങ്കര ഓര്‍ത്തോഡോക്‌സ് സഭയുടെ കാതോലിക്കമാരെയും മെത്രാപോലീത്തമാരെയും തെരഞ്ഞെടുക്കേണ്ടതെന്ന്​ 2017ല്‍ പുറപ്പെടുവിച്ച വിധിയില്‍ വ്യക്തമാക്കിയിട്ടുണ്ടെന്നും അതിന്​ വിരുദ്ധമാണ്​ തെരഞ്ഞെടുപ്പ്​ എന്നുമായിരുന്നു സ്​റ്റേ ചെയ്യണമെന്ന് ആവശ്യപ്പെട്ട് അപേക്ഷ സമർപ്പിച്ച പോള്‍ വര്‍ഗീസ്, ജോണി ഇ.പി, കുഞ്ഞച്ചന്‍ എന്നിവരുടെ വാദം. എന്നാൽ, ഇവരുടെ ഹരജി തിങ്കളാഴ്​ചയാണ്​ കിട്ടിയതെന്നും സുപ്രീംകോടതി ഉത്തരവുകളുടെ അടി​സ്​ഥാനത്തിൽ തങ്ങൾക്ക്​ മറുപടി നൽകാൻ കൂടുതൽ സമയം വേണമെന്നും ഒാർത്തഡോക്​സ്​ വിഭാഗം അഭിഭാഷകർ ബോധിപ്പിച്ചു.

ഇൗ ആവശ്യം അംഗീകരിച്ച സുപ്രീംകോടതി എട്ടാഴ്​ചത്തേക്ക്​ അപേക്ഷ മാറ്റിവെച്ചതോടെ തെരഞ്ഞെടുപ്പ്​ തടസ്സപ്പെടുത്താനുള്ള നീക്കത്തിന്​ തിരിച്ചടിയേൽക്കുകയായിരുന്നു. അപേക്ഷ മാറ്റിവെക്കുകയാണെങ്കിൽ സ്​റ്റേ വേണമെന്ന്​ യാക്കോബായ വിഭാഗത്തി​െൻറ അഭിഭാഷകർ ആവശ്യപ്പെ​െട്ടങ്കിലും സുപ്രീംകോടതി അതും അനുവദിച്ചില്ല. ആരാധനാലയങ്ങളുടെ ഭരണം പിടിക്കാൻ വർഷങ്ങൾ നീണ്ട വ്യവഹാരങ്ങൾ നടക്കുകയാണെന്ന് ജസ്​റ്റിസ്​ ഇന്ദിര ബാനർജി അധ്യക്ഷയായ ബെഞ്ച് കുറ്റപ്പെടുത്തി.

ആരാധനാലയങ്ങൾ ആരാധനക്കുള്ള ഇടമാണെന്നും ബെഞ്ച്​ ഒാർമിപ്പിച്ചു. അപേക്ഷ, ഓർത്തഡോക്സ്-യാക്കോബായ സഭ വിശ്വാസികൾ സമർപ്പിച്ച കോടതിയലക്ഷ്യ ഹരജികൾക്കൊപ്പം പിന്നീട് പരിഗണിക്കാമെന്ന് സുപ്രീംകോടതി വ്യക്തമാക്കി. 1934ലെ മലങ്കര സഭ ഭരണഘടന പ്രകാരം പള്ളികൾ ഭരിക്കണമെന്ന സുപ്രീംകോടതിയുടെ അന്തിമവിധി നടപ്പാക്കുന്നതുമായി ബന്ധപ്പെട്ട് ഓർത്തഡോക്സ്- യാക്കോബായ സഭ വിശ്വാസികൾ സമർപ്പിച്ച കോടതിയലക്ഷ്യ ഹരജികൾക്കൊപ്പമേ തെരഞ്ഞെടുപ്പ്​ മാറ്റാനുള്ള അപേക്ഷയും ഇനി പരിഗണിക്കൂ.

Show Full Article
TAGS:Orthodox Sabha Yacoba sabha Supreme court 
News Summary - The Supreme court reject plea of Yacoba Church against The election of the Orthodox Church Supremo
Next Story