വലിച്ചിഴച്ച് കൊണ്ടുപോയി മുഖത്ത് കല്ലു കൊണ്ടടിച്ചു; കൊണ്ടോട്ടിയിൽ വിദ്യാർഥിനി നേരിട്ടത് ക്രൂരപീഡനം

മ​ല​പ്പു​റം: കൊ​ണ്ടോ​ട്ടി​യി​ല്‍ കോ​ള​ജ് വി​ദ്യാ​ര്‍​ഥി​നി​ക്കു നേ​രെ ന​ട​ന്ന​ത് ക്രൂ​ര​മാ​യ പീ​ഡ​ന​ശ്രമമെന്ന് പൊലീസ്. തി​ങ്ക​ളാ​ഴ്ച ഉ​ച്ച​യ്ക്ക് കോ​ള​ജി​ലേ​ക്ക് പോ​കു​ക​യാ​യി​രു​ന്ന 21കാ​രി​യെ ആ​ളൊ​ഴി​ഞ്ഞ സ്ഥ​ല​ത്ത് കാ​ത്തു​നി​ന്ന​യാ​ൾ കീ​ഴ്പ്പെ​ടു​ത്തി വ​യ​ലി​ലെ വാ​ഴ​ത്തോ​ട്ട​ത്തി​ലേ​ക്കു വ​ലി​ച്ചി​ഴ​ച്ച് കൊ​ണ്ടു​പോ​വു​ക​യാ​യി​രു​ന്നു. വസ്ത്രങ്ങൾ വലിച്ചു കീറാൻ ശ്രമിച്ചു.

രക്ഷപ്പെടാൻ ശ്രമിച്ച പെ​ൺ​കു​ട്ടി​യെ ഇ​യാ​ൾ വീ​ണ്ടും ആ​ക്ര​മി​​ച്ചു. മു​ഖ​ത്തു ക​ല്ലു​കൊ​ണ്ടി​ടി​ച്ചു. പെ​ൺ​കു​ട്ടി എങ്ങനെയൊക്കെയോ തൊ​ട്ട​ടു​ത്ത വീ​ട്ടി​ലേ​ക്ക് ഓ​ടി​ക്ക​യ​റു​ക​യാ​യി​രു​ന്നു. ഇതോടെ ഇയാൾ രക്ഷപ്പെട്ടു.

പ്ര​തി​യെ​ന്ന് സം​ശ​യി​ക്കു​ന്ന ആ​ളു​ടെ ചെ​രി​പ്പ് സം​ഭ​വ​സ്ഥ​ല​ത്ത് നി​ന്ന് ല​ഭി​ച്ചതായി പൊലീസ് പറഞ്ഞു. പ്രതിയെ ഉടന്‍ പിടികൂടുമെന്ന് ജില്ലാ പൊലീസ് മേധാവി പറഞ്ഞു. അ​ന്വേ​ഷ​ണ​ത്തി​ന് പ്ര​ത്യേ​ക സം​ഘം രൂ​പീ​ക​രി​ച്ചു​വെ​ന്നും പ്ര​തി​യെ ഉ​ട​ൻ​ത​ന്നെ പി​ടി​കൂ​ടു​മെ​ന്ന് അ​ദ്ദേ​ഹം അ​റി​യി​ച്ചു. പ്രത്യേക അന്വേഷണ സംഘം രൂപീകരിച്ചിട്ടുണ്ട്. പ്രതി മലയാളിയെന്നാണ് സൂചനയെന്നും എസ്.പി പറഞ്ഞു. പരിസരത്തെ സി.സി.ടി.വി ക്യാമറ ദൃശ്യങ്ങൾ ഉൾപ്പെടെ ശേഖരിച്ചിട്ടുണ്ട്.

പൊ​ലീ​സ് നാ​യ കൊ​ട്ടൂ​ക്ക​ര ബ​സ് സ്റ്റോ​പ്പു​വ​രെ മ​ണം​പി​ടി​ച്ചു പോ​യി. പ്ര​തി ബ​സി​ൽ​ക്ക​യ​റി ര​ക്ഷ​പ്പെ​ട്ട​താ​യാ​ണ്‌ നി​ഗ​മ​നം. അതേസമയം, പരിക്കേറ്റ പെൺകുട്ടി കൊണ്ടോട്ടി താലൂക്ക് ആശുപത്രിയിലും പിന്നീട് മഞ്ചേരി മെഡിക്കൽ കോളജിലും ചികിൽസ തേടി.