തെരുവുനായ കുറുകെ ചാടി; സൈക്കിളിൽനിന്ന് വീണ് പരിക്കേറ്റയാൾ മരിച്ചു

മാവേലിക്കര: തെരുവുനായ കുറുകെ ചാടിയതിനെ തുടർന്ന് സൈക്കിളിൽനിന്ന് വീണ് പരിക്കേറ്റയാൾ മരിച്ചു. മറ്റം വടക്ക് പുളിമൂട്ടിൽ തറയിൽ എൻ. മുരളീധരനാണ് (64) വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്.

സെപ്റ്റംബർ 15ന് വൈകീട്ട് വലിയ പെരുമ്പുഴ പാലത്തിന് സമീപമായിരുന്നു അപകടം. പാൽ വാങ്ങാൻ സൈക്കിളിൽ കടയിലേക്ക് പോകുന്നതിനിടെ തെരുവ് നായ കുറുകെ ചാടുകയായിരുന്നു. സൈക്കിളിൽനിന്ന് വീണ മുരളീധരന്‍റെ തലക്കും മുഖത്തും പരിക്കേറ്റിരുന്നു.