ന്യായാധിപരും കൈകൊടുക്കും; ഈ നിയമ കലാലയത്തിന്‍റെ സ്വന്തം സുബ്ബണ്ണന്

കൊ​ച്ചി: ക​ണ്ട​മാ​ത്ര​യി​ൽ വാ​ഹ​നം നി​ർ​ത്തി ഹൈ​കോ​ട​തി​യി​ലെ ന്യാ​യാ​ധി​പ​ർ​പോ​ലും കു​ശ​ലം ചോ​ദി​ക്കും, ത​മാ​ശ​പ​റ​യും. തോ​ള​ത്തു​ത​ട്ടി ആ​ശ്വ​സി​പ്പി​ക്കും. കോ​ട്ടും സ്യൂ​ട്ടു​മ​ണി​ഞ്ഞ വി.​ഐ.​പി​ക​ൾ​ക്ക്​​ മു​ന്നി​ൽ നി​റ​ചി​രി​യോ​ടെ അ​യാ​ൾ നി​ൽ​ക്കും. ​ക​ണ്ണി​ൽ നോ​ക്കി​യാ​ല​റി​യാം. വ​ർ​ഷ​ങ്ങ​ൾ നീ​ണ്ട സൗ​ഹൃ​ദ​ത്തി​ന്‍റെ പ​ങ്കു​​വെ​പ്പ്. പാ​ഠം പ​ഠി​പ്പി​ച്ച അ​ധ്യാ​പ​ക​രോ​ളം ബ​ഹു​മാ​ന​മാ​ണ്​ ​വി.​ഐ.​പി​ക​ൾ​ക്കെ​ല്ലാം അ​യാ​ളോ​ട്. നി​യ​മ​പ​ഠ​ന കാ​ല​ത്ത്​ മ​തി​വ​രു​വോ​ളം സ്​​നേ​ഹ​ത്തി​ന്‍റെ ചാ​യ പ​ക​ർ​ന്ന അ​വ​രു​ടെ സു​ബ്ബ​ണ്ണ​നാ​ണ​ത്.

എ​റ​ണാ​കു​ളം ഗ​വ. ലോ ​കോ​ള​ജി​ൽ എ​ന്നും സൈ​ക്കി​ളി​ലെ​ത്തി ചാ​യ വി​ൽ​പ​ന ന​ട​ത്തു​ന്ന​യാ​ളാ​ണ്​ 58കാ​ര​നാ​യ സു​ബ്ബ​യ്യ​ൻ. ഇ​ന്നും ഇ​ന്ന​ലെ​യു​മൊ​ന്നും തു​ട​ങ്ങി​യ​ത​ല്ല ​ജോ​ലി. ​14 ാം വ​യ​സ്സി​ൽ ത​ന്നെ​ക്കാ​ൾ വ​ലി​യ സൈ​ക്കി​ളി​ൽ ചാ​യ​പ്പാ​ത്ര​മേ​ന്തി ഈ ​കാ​മ്പ​സി​ലെ​ത്തി​യ​താ​ണ്​. അ​ന്നു മു​ത​ൽ ഇ​ന്നു​വ​രെ കാ​മ്പ​സി​ന്‍റെ സ്വ​ന്തം ചാ​യ​ക്കാ​ര​നാ​ണ്​ സു​ബ്ബ​യ്യ. വി​ദ്യാ​ർ​ഥി​ക​ളാ​യും അ​ധ്യാ​പ​ക​രാ​യും പ​ല​രും വ​ന്നു​പോ​യി​ട്ടും പാ​സ്​ ഔ​ട്ടും ട്രാ​ൻ​സ്ഫ​റും റി​ട്ട​യ​ർ​മെ​ന്‍റു​മൊ​ന്നു​മി​ല്ലാ​തെ സു​ബ്ബ​യ്യ മാ​ത്രം ഇ​വി​ടെ ബാ​ക്കി.

ക​ഴി​ഞ്ഞ നാ​ല​ര പ​തി​റ്റാ​ണ്ടി​നി​ടെ കാ​മ്പ​സി​ൽ വി​ദ്യാ​ർ​ഥി​ക​ളാ​യെ​ത്തി​യ​വ​രാ​രും സു​ബ്ബ​ണ്ണ​ന്‍റെ ചാ​യ കു​ടി​ക്കാ​തെ ക​ട​ന്നു​പോ​യി​ട്ടി​ല്ല. അ​ഭി​ഭാ​ഷ​ക​രാ​യി തു​ട​രു​ന്ന​വ​രും നീ​തി​പീ​ഠ​ത്തി​ലെ​ത്തി​യ​വ​രു​മാ​യ പൂ​ർ​വ വി​ദ്യാ​ർ​ഥി​ക​ൾ​ക്ക്​ പ്രി​യ​ങ്ക​ര​നാ​ണ്​.. ഇ​വി​ടെ പൂ​ർ​വ വി​ദ്യാ​ർ​ഥി​ക​ളാ​യി​രു​ന്ന 50ലേ​റെ ഹൈ​കോ​ട​തി ജ​ഡ്ജി​മാ​രെ​ങ്കി​ലും ത​ന്‍റെ പ​രി​ച​യ​ത്തി​ലു​ണ്ടെ​ന്നും കോ​ള​ജി​ൽ​ പ​രി​പാ​ടി​ക​ൾ​ക്കെ​ത്തു​മ്പോ​ഴോ മ​റ്റെ​വി​ടെ​യെ​ങ്കി​ലും വെ​ച്ച്​ കാ​ണു​മ്പോ​ഴോ പ​രി​ച​യം പു​തു​ക്കാ​റു​ണ്ടാ​യി​രു​ന്നെ​ന്നും സു​ബ്ബ​യ്യ പ​റ​യു​ന്നു.

എ​റ​ണാ​കു​ളം ലോ ​കോ​ള​ജി​ൽ ന​ട​ന്ന ബി​രു​ദ​ദാ​ന ച​ട​ങ്ങി​ൽ വി​ശി​ഷ്​​ടാ​തി​ഥി​ക​ളാ​യെ​ത്തി​യ ജ​ഡ്ജി​മാ​രി​ൽ പ​ല​രും സു​ബ്ബ​യ്യ​നെ ക​ണ്ട്​ സൗ​ഹൃ​ദം പു​തു​ക്കി​യാ​ണ്​ മ​ട​ങ്ങി​യ​ത്. ഇ​പ്പോ​ഴ​ത്തെ പ്രി​ൻ​സി​പ്പ​ൽ ബി​ന്ദു ന​മ്പ്യാ​രും സു​ബ്ബ​യ്യ​യു​ടെ ചാ​യ നു​ക​ർ​ന്ന പൂ​ർ​വ വി​ദ്യാ​ർ​ഥി​യാ​ണ്.ത​മി​​ഴ്​​നാ​ട്​ തൂ​ത്തു​ക്കു​ടി സ്വ​ദേ​ശി​യാ​യ സു​ബ്ബ​യ്യ​ൻ കേ​ര​ള​ത്തി​ൽ കൂ​ലി​പ്പ​ണി​ക്കാ​ര​നാ​യി​രു​ന്ന അ​ച്ഛ​നെ സ​ഹാ​യി​ക്കാ​നാ​ണ്​ ചെ​റു​പ്രാ​യ​ത്തി​ലേ ​കൊ​ച്ചി​യി​ലെ​ത്തി​യ​ത്. ഇ​തി​നി​ടെ മാ​താ​പി​താ​ക്ക​ൾ മ​രി​ച്ചു. ഇ​പ്പോ​ൾ ഭാ​ര്യ​ക്കും ര​ണ്ട്​ ആ​ൺ​മ​ക്ക​ൾ​ക്കു​മൊ​പ്പം പ​ച്ചാ​ള​ത്താ​ണ്​ താ​മ​സം. ഗു​രു​ത​ര​രോ​ഗം ബാ​ധി​ച്ച്​ ഭാ​ര്യ കി​ട​പ്പി​ലാ​യ​തോ​ടെ​യാ​ണ്​​ താ​ൻ ചാ​യ പ​ക​ർ​ന്ന പൂ​ർ​വ വി​ദ്യാ​ർ​ഥി​ക​ളു​ടെ സ​ഹാ​യ മ​ന​സ്ക​ത​യും സ്​​നേ​ഹ​വും ശ​രി​ക്കും തി​രി​ച്ച​റി​ഞ്ഞ​തെ​ന്ന്​​ സു​ബ്ബ​യ്യ​ൻ പ​റ​യു​ന്നു.

ജ​ഡ്ജി​മാ​ര​ട​ക്കം പൂ​ർ​വ വി​ദ്യാ​ർ​ഥി​ക​ളും നി​ല​വി​ലെ വി​ദ്യാ​ർ​ഥി​ക​ളും വ​ലി​യ സ​ഹാ​യ​മാ​ണ്​ ന​ൽ​കി​യ​ത്. വി​ദേ​ശ​ത്തു​നി​ന്ന്​ പോ​ലും പ​ണം അ​യ​ച്ചു​ത​ന്ന​വ​രു​ണ്ട്. പ​ഠി​ക്കു​ന്ന കാ​ല​ത്ത്​ ചാ​യ കു​ടി​ച്ച്​ ക​ടം പ​റ​ഞ്ഞ്​ പോ​യ​വ​ർ ക​ണ​ക്കി​ല്ലാ​തെ​യാ​ണ്​ ഇ​പ്പോ​ൾ സ​ഹാ​യി​ക്കു​ന്ന​തെ​ന്ന്​ പ​റ​ഞ്ഞ​പ്പോ​ൾ സു​ബ്ബ​യ്യ​യു​ടെ മു​ഖ​ത്ത്​ നി​റ​ചി​രി.