സം​സ്ഥാ​ന​ത്ത് യു.​എ​സ് മാ​തൃ​ക​യി​ൽ ദു​ര​ന്ത നി​വാ​ര​ണ സം​വി​ധാ​നം

ക​ൽ​പ​റ്റ: മു​ണ്ട​ക്കൈ ഉ​രു​ൾ​ദു​ര​ന്ത​ത്തി​ന്റെ പ​ശ്ചാ​ത്ത​ല​ത്തി​ൽ ദു​ര​ന്ത​ങ്ങ​ളെ നേ​രി​ടാ​നാ​യി കേ​ര​ള​ത്തി​ൽ ഐ.​ആ​ർ.​എ​സ് (ഇ​ൻ​സി​ഡ​ന്റ് റെ​സ്​​പോ​ൺ​സ് സി​സ്റ്റം) എ​ന്ന പേ​രി​ൽ പ്ര​ത്യേ​ക സം​വി​ധാ​നം വ​രു​ന്നു. കേ​ന്ദ്ര​സ​ർ​ക്കാ​ർ നി​ർ​ദേ​ശാ​നു​സ​ര​ണം രാ​ജ്യ​ത്ത് ആ​ദ്യ​മാ​യി റ​വ​ന്യൂ വ​കു​പ്പി​ന്റെ മു​ൻ​കൈ​യി​ൽ ഇ​തി​നാ​യു​ള്ള പ്ര​ത്യേ​ക​സം​ഘ​ത്തെ സ​ജ്ജ​മാ​ക്കു​ക​യാ​ണ്. നി​ല​വി​ൽ റ​വ​ന്യൂ, ഗ​താ​ഗ​തം, അ​ഗ്നി​ര​ക്ഷ​സേ​ന, പൊ​ലീ​സ്, ആ​രോ​ഗ്യം തു​ട​ങ്ങി​യ വ​കു​പ്പു​ക​ൾ ദു​ര​ന്ത​സ​മ​യ​ത്ത് ​സ്വ​ന്തം നി​ല​ക്ക് പ്ര​വ​ർ​ത്തി​ക്കു​ക​യാ​ണ് ചെ​യ്യു​ന്ന​ത്. 1970ൽ ​യു.​എ​സി​ലെ കാ​ലി​ഫോ​ർ​ണി​യ​യി​ലു​ണ്ടാ​യ വ​ൻ കാ​ട്ടു​തീ​യി​ൽ നി​ര​വ​ധി പേ​ർ മ​രി​ക്കു​ക​യും ഏ​ക്ക​ർ​ക​ണ​ക്കി​ന് ഭൂ​മി​യും നി​ര​വ​ധി വീ​ടു​ക​ളും ന​ശി​ക്കു​ക​യും ചെ​യ്തി​രു​ന്നു. ​

ദു​ര​ന്ത​ങ്ങ​ൾ നേ​രി​ടാ​ൻ കേ​ന്ദ്രീ​കൃ​ത സം​വി​ധാ​ന​മി​ല്ലാ​ത്ത​തി​ന്റെ പോ​രാ​യ്മ പ​രി​ഹ​രി​ക്കാ​നാ​യി പി​ന്നീ​ട് യു.​എ​സി​ൽ ഇ​ൻ​സി​ഡ​ന്റ് ക​മാ​ൻ​ഡ് സി​സ്റ്റം (ഐ.​സി.​എ​സ് ) രൂ​പ​വ​ത്ക​രി​ച്ചി​രു​ന്നു. നി​ല​വി​ൽ ഈ ​സം​വി​ധാ​ന​ത്തി​ന് കീ​ഴി​ലാ​ണ് അ​വ​ർ ദു​ര​ന്ത​ങ്ങ​ളെ നേ​രി​ടു​ന്ന​ത്. ഇ​തി​ന്റെ ചു​വ​ടു​പി​ടി​ച്ചാ​ണ് ഇ​ന്ത്യ​യി​ലും ഐ.​ആ​ർ.​എ​സ് ന​ട​പ്പാ​ക്കാ​ൻ തീ​രു​മാ​നി​ച്ച​ത്. എ​ന്നാ​ൽ കേ​ര​ള​ത്തി​ലാ​ണ് ആ​ദ്യ​മാ​യി ഇ​തി​നു​ള്ള പ്രാ​യോ​ഗി​ക ന​ട​പ​ടി​ക​ൾ പു​രോ​ഗ​മി​ക്കു​ന്ന​ത്. ദേ​ശീ​യ ദു​ര​ന്ത നി​വാ​ര​ണ അ​തോ​റി​റ്റി (എ​ൻ.​ഡി.​എം.​എ)​യു​ടെ മാ​ർ​ഗ​നി​ർ​ദേ​ശ​ത്തി​ന്റെ അ​ടി​സ്ഥാ​ന​ത്തി​ൽ 2005ലെ ​സം​സ്ഥാ​ന ദു​ര​ന്ത​നി​വാ​ര​ണ നി​യ​മ​പ്ര​കാ​ര​മാ​ണ് കേ​ര​ള​ത്തി​ൽ സം​വി​ധാ​നം വ​രു​ന്ന​ത്.

ക​ല​ക്ട​റു​ടെ​യും ദു​ര​ന്ത​നി​വാ​ര​ണ ഡെ​പ്യൂ​ട്ടി ക​ല​ക്ട​റു​ടെ​യും നേ​തൃ​ത്വ​ത്തി​ൽ ഏ​റ്റ​വും താ​ഴെ ത​ട്ടി​ലേ​ക്ക് കൂ​ടി​യു​ള്ള ശൃം​ഖ​ല​യാ​യാ​ണ് ഐ.​ആ​ർ.​എ​സ് പ്ര​വ​ർ​ത്തി​ക്കു​ക. എ.​ഡി.​എം, ഇ​ൻ​ഫ​ർ​മേ​ഷ​ൻ ഓ​ഫി​സ​ർ, ലെ​യ്സ​ൺ ഓ​ഫി​സ​ർ, സേ​ഫ്റ്റി ഓ​ഫി​സ​ർ എ​ന്നി​വ​രാ​ണ് ജി​ല്ല​യി​ലെ നേ​തൃ​നി​ര. ഇ​തി​നു​കീ​ഴി​ൽ ഓ​പ​റേ​ഷ​ൻ​സ് സെ​ക്ഷ​ൻ, പ്ലാ​നി​ങ് സെ​ക്ഷ​ൻ, ലോ​ജി​സ്റ്റി​ക്സ് സെ​ക്ഷ​ൻ എ​ന്നി​വ​യു​മു​ണ്ടാ​കും.

ആ​ദ്യ​പ​ടി​യാ​യി പൊ​തു​ജ​ന​ങ്ങ​ൾ​ക്കും വി​വി​ധ വ​കു​പ്പു​ക​ൾ​ക്കും ദു​ര​ന്ത​വു​മാ​യി ബ​ന്ധ​പ്പെ​ട്ട പ​രി​ശീ​ല​നം ന​ൽ​കാ​നാ​യു​ള്ള പ​രി​ശീ​ല​ക​രു​ടെ സം​ഘ​മാ​ണ് രൂ​പ​വ​ത്ക​രി​ക്കു​ന്ന​ത്. ഇ​തി​നാ​യി എ​ല്ലാ ജി​ല്ല​ക​ളി​ൽ നി​ന്നു​മു​ള്ള 46 റ​വ​ന്യൂ ഉ​ദ്യോ​ഗ​സ്ഥ​ർ​ക്ക് ഒ​ക്ടോ​ബ​ർ ഏ​ഴി​ന് വ​കു​പ്പി​ന് കീ​ഴി​ലു​ള്ള പ​രി​ശീ​ല​ന സ്ഥാ​പ​ന​മാ​യ ഇ​ൻ​സ്റ്റി​റ്റ്യൂ​ട്ട് ഓ​ഫ് ലാ​ൻ​ഡ് ആ​ൻ​ഡ് ഡി​സാ​സ്റ്റ​ർ മാ​നേ​ജ്മെ​ന്റി​ൽ (ഐ.​എ​ൽ.​ഡി.​എം) വി​വി​ധ പ​രീ​ക്ഷ​ക​ൾ ന​ട​ത്തി. ഇ​തി​ൽ നി​ന്ന് 14 പേ​രെ​യാ​ണ് തി​ര​ഞ്ഞെ​ടു​ത്ത​ത്. ഇ​വ​ർ​ക്കാ​യി ഒ​ക്ടോ​ബ​ർ 13 മു​ത​ൽ 17 വ​രെ പ്ര​ത്യേ​ക പ​രി​ശീ​ല​ന​വും ന​ൽ​കി. ഐ.​എ​ൽ.​ഡി.​എം എ​ക്സി​ക്യൂ​ട്ടി​വ് ഡ​യ​റ​ക്ട​ർ അ​നു എ​സ്. നാ​യ​രാ​ണ് നേ​തൃ​ത്വം ന​ൽ​കു​ന്ന​ത്.

ഐ.ആർ സിസ്റ്റം പ്രവർത്തിക്കുക ഇങ്ങനെ

സംസ്ഥാനതലത്തിലും ജില്ല തലത്തിലും ഐ.ആർ സിസ്റ്റം വരും. സംസ്ഥാനതലത്തിൽ ചീഫ് സെക്രട്ടറിയും ജില്ല തലത്തിൽ കലക്ടർമാരുമായിരിക്കും തലവൻമാർ. എല്ലാ വകുപ്പുകളും ഉൾകൊള്ളുന്ന ഐ.ആർ സിസ്റ്റത്തിന് കീഴിൽ ഐ.ആർ.ടീം (ഐ.ആർ.ടി) സജ്ജമാകും.

ദുരന്തസമയത്തുള്ള തന്ത്രപരമായ പ്രവർത്തനങ്ങൾ ഓപ്പറേഷൻസ് വിഭാഗം തയാറാക്കും. വിവരങ്ങൾ ശേഖരിക്കുകയും ആവശ്യാനുസരണം പദ്ധതികൾ തയാറാക്കുകയും ആസൂത്രണ വിഭാഗത്തിന്റെ ചുമതലയാണ്. ലോജിസ്റ്റിക്സ് വിഭാഗം വിഭവങ്ങളുടെ ലഭ്യത ഉറപ്പുവരുത്തും. സ്ഥിരം സംവിധാനമായി ഐ.ആർ.ടികൾ എപ്പോഴുമുണ്ടാകും. ദുരന്തം നടന്നുകഴിഞ്ഞാൽ ഉടൻ തന്നെ കൃത്യമായ ആസൂത്രണത്തോടെ താഴെ തട്ടിൽ വരെ ഏകോപനത്തോടെ പ്രവർത്തിക്കാൻ ഇതിലൂടെ സാധിക്കും.