സംസ്​ഥാനത്ത്​ സ്​ഥിതി ഗൗരവതരം, കർശന നിയന്ത്രണങ്ങൾ വേണ്ടിവരും -മുഖ്യമന്ത്രി

തിരുവനന്തപുരം: കോവിഡ് കേസുകൾ​ ക്രമാതീതമായി വർധിക്കുന്നതിനാൽ ഗൗരവതരമായ സ്​ഥിതിയാണ്​ സംസ്​ഥാനത്ത്​ രൂപപ്പെടുന്നതെന്ന്​ മുഖ്യമന്ത്രി പിണറായി വിജയൻ​. കർക്കശമായ നിയന്ത്രണങ്ങൾ ഏർപ്പെടുത്തേണ്ടി വരും. ശനി, ഞായർ ദിവസങ്ങളിൽ ലോക്​ഡൗണിന്​ സമാനമായ നിയന്ത്രണങ്ങളാണ്​ ഉണ്ടാവുക. അതിനുശേഷം ഏതെല്ലാം നിയന്ത്രണങ്ങൾ വേ​ണമെന്ന്​ തിങ്കളാഴ്ച ചേരുന്ന സർവകക്ഷി യോഗത്തിൽ തീരുമാനിക്കും.

പ്രധാനമന്ത്രിയുമായി വെള്ളിയാഴ്ച രാവിലെ നടന്ന വിഡിയോ കോൺഫറൻസിൽ കേരളത്തിന്‍റെ കോവിഡ്​ പ്രതിരോധ പ്രവർത്തനങ്ങളും ആവശ്യങ്ങളും അവതരിപ്പിച്ചു. പരമാവധി ആളുകൾക്ക്​ വാക്​സിനേഷൻ നൽകി പ്രതിരോധശക്​തി വർധിപ്പിക്കുകയാണ്​ മികച്ച പ്രതിരോധമെന്ന്​ സംസ്​ഥാനം മനസ്സിലാക്കുന്നു. മേയ്​ ഒന്ന്​ മുതൽ 18 വയസ്സിന്​​ മുകളില്ലുവർക്ക്​ വാക്​സിൻ നൽകാനുള്ള തീരുമാനത്തെ കേരളം സ്വാഗതം ചെയ്യുന്നു. വിവിധ പ്രായക്കാർക്ക്​ വിവിധ സമയങ്ങളിലാകും വാക്​സിൻ നൽകുക.

എന്നാൽ, താങ്ങാവുന്ന വിലക്ക്​ വാക്​സിൻ ലഭിക്കാത്തതിന്‍റെ ആശങ്ക യോഗത്തിൽ പ്രധാനമന്ത്രിയെ അറിയിച്ചു. കൂടുതൽ വാക്​സിൻ സൗജന്യമായി നൽകണം. 400 രൂപക്ക്​ വാക്​സിൻ വാങ്ങാൻ നിലവിലെ കണക്കനുസരിച്ച്​ 1300 കോടി രൂപ ചെലവ്​ വരും. ഇത്​ സംസ്​ഥാനത്തിനുമേൽ അധിക ബാധ്യത അടിച്ചേൽപ്പിക്കുമെന്നും പ്രധാനമന്ത്രിയെ ധരിപ്പിച്ചു.

ആളുകൾ അനാവശ്യമായി പുറത്തിറങ്ങാതിരിക്കാൻ പ്രധാന ജംഗ്​ഷനുകളിലും ആളുകൾ കൂടുന്നയിടത്തും പൊലീസ്​ അനൗൺസ്​മെന്‍റ്​ നടത്തുന്നുണ്ട്​. വ്യാപാര സ്​ഥാപനങ്ങളിലും മാർക്കറ്റുകളിലും തിരക്കൊഴിവാക്കാൻ നടപടി സ്വീകരിച്ചു. സ്​ഥാപനങ്ങളിൽ പകുതി പേർ മാത്രമേ പാടുള്ളൂവെന്നും മുഖ്യമന്ത്രി പറഞ്ഞു.

നാളെയും മറ്റെന്നാളും വീട്ടിൽ തന്നെ നിൽക്കുന്ന രീതി എല്ലാവരും അംഗീകരിക്കണം. അനാവശ്യ യാത്രകളും പരിപാടികളും അനുവദനീയമല്ല. നേരത്തെ നിശ്ചയിച്ച വിവാഹങ്ങൾ നടത്താം. ഹാളിനുള്ളിൽ 75 പേരും തുറസ്സായ സ്​ഥലങ്ങളിൽ 150 പേരും മാത്രമേ പാടുള്ളൂ.

മരണാനന്തര ചടങ്ങുകൾക്ക്​ പരമാവധി 50 പേർക്ക്​ പ​ങ്കെടുക്കാം. വിവാഹത്തിൽ പ​ങ്കെടുക്കുന്നവർ തിരിച്ചറിയിൽ കാർഡും ക്ഷണക്കത്തും കൈയിൽ കരുതണം. ദീർഘദൂര യാത്രകൾ പരമാവധി ഒഴിവാക്കണം. അതേസമയം വിവാഹം, മരണം, അടുത്ത ബന്ധുവിന്‍റെ രോഗീ സന്ദർശനം, മരുന്ന്​, ഭക്ഷണം എന്നിവക്കായി യാത്ര ചെയ്യാൻ​ അനുവാദമുണ്ട്​. എന്നാൽ, സ്വന്തമായി തയാറാക്കിയ സത്യപ്രസ്​താവന കൈയിൽ കരുതണം. ഇതിന്​ പ്രത്യേക മാതൃകയൊന്നുമില്ല.

ശനി, ഞായർ ദിവസങ്ങളിൽ ഹോട്ടലുകൾക്ക്​ ഹോം ഡെലിവറി നടത്താം. അവശ്യസർവിസുകളും ഈ ദിവസങ്ങളിൽ പ്രവർത്തിക്കും. വീടുകളിൽ മത്സ്യമെത്തിക്കുന്നതിന്​ വിലക്കില്ല. എന്നാൽ, കച്ചവടക്കാരൻ മാസ്​ക്​ ധരിച്ചിരിക്കുന്നുവെന്ന്​ ഉറപ്പാക്കണം.

ശനിയാഴ്ച ഹയർസെക്കൻഡറി പരീക്ഷ മുൻ നിശ്ചയപ്രകാരം നടക്കും. പരീക്ഷ കേന്ദ്രങ്ങളിൽ കുട്ടികളെ എത്തിക്കുന്ന രക്ഷിതാക്കൾ കൂട്ടംകൂടി നിൽക്കാതെ പെ​ട്ടെന്ന്​ മടങ്ങണമെന്നും മുഖ്യമന്ത്രി പറഞ്ഞു.

● ശനി, ഞായർ ദിവസങ്ങളിൽ അ​വ​ശ്യ സ​ര്‍വി​സ്​ മാ​ത്രം
●എ​ല്ലാ​വ​രും വീ​ട്ടി​ൽ ത​ന്നെ ഇ​രി​ക്ക​ണം
●അ​നാ​വ​ശ്യ യാ​ത്ര​ക​ളും പ​രി​പാ​ടി​ക​ളും അ​നു​വ​ദി​ക്കി​ല്ല
●നേ​ര​ത്തേ നി​ശ്ച​യി​ച്ച വി​വാ​ഹ​ങ്ങ​ള്‍ ന​ട​ത്താം
●ഹാ​ളി​നു​ള്ളി​ല്‍ പ​ര​മാ​വ​ധി 75 പേ​ര്‍ക്കും തു​റ​സ്സാ​യ സ്ഥ​ല​ങ്ങ​ളി​ല്‍ 150 പേ​ര്‍ക്കും മാ​ത്ര​മാ​യി​രി​ക്കും പ്ര​വേ​ശ​നം
●മ​ര​ണാ​ന​ന്ത​ര ച​ട​ങ്ങു​ക​ള്‍ക്ക് പ​ര​മാ​വ​ധി 50 പേ​ര്‍ക്ക് പ​ങ്കെ​ടു​ക്കാം. ആ​കെ പ​ങ്കെ​ടു​ക്കാ​വു​ന്ന​വ​രു​ടെ എ​ണ്ണ​മാ​ണി​ത്.
●ദീ​ര്‍ഘ​ദൂ​ര യാ​ത്ര പൊ​തു​വെ ഒ​ഴി​വാ​ക്ക​ണം
●ബാ​റു​ക​ളും ബെ​വ്കോ ഔ​ട്ട്‍ലെ​റ്റു​ക​ളും തു​റ​ക്കി​ല്ല.
●വി​വാ​ഹം, മ​ര​ണം മു​ത​ലാ​യ ച​ട​ങ്ങു​ക​ൾ, ഏ​റ്റ​വും അ​ടു​ത്ത ബ​ന്ധു​വാ​യ രോ​ഗി​യെ സ​ന്ദ​ര്‍ശി​ക്ക​ൽ, മ​രു​ന്ന്, ഭ​ക്ഷ​ണം എ​ന്നി​വ​ക്കാ​യി യാ​ത്ര ചെ​യ്യാം. ഇ​തി​ന്​ സ്വ​ന്ത​മാ​യി ത​യാ​റാ​ക്കി​യ സ​ത്യ​പ്ര​സ്താ​വ​ന കൈ​യി​ല്‍ ക​രു​ത​ണം. പ്ര​ത്യേ​ക മാ​തൃ​ക ഇ​ല്ല.
●ട്രെ​യി​ൻ, വി​മാ​ന സ​ര്‍വി​സു​ക​ള്‍ പ​തി​വു​പോ​ലെ ഉ​ണ്ടാ​യി​രി​ക്കും. പൊ​ലീ​സ് പ​രി​ശോ​ധ​ന സ​മ​യ​ത്ത് ടി​ക്ക​റ്റ് അ​ഥ​വാ ബോ​ര്‍ഡി​ങ് പാ​സും തി​രി​ച്ച​റി​യ​ല്‍ കാ​ര്‍ഡും കാ​ണി​ക്ക​ണം
●ഹോ​ട്ട​ലു​ക​ള്‍ക്കും റ​സ്​​റ്റാ​റ​ൻ​റു​ക​ൾ​ക്കും ഹോം ​ഡെ​ലി​വ​റി ന​ട​ത്താം
●ച​ര​ക്ക്, പൊ​തു​ഗ​താ​ഗ​ത​ത്തി​ന്​ നി​യ​ന്ത്ര​ണ​മി​ല്ലെ​ങ്കി​ലും സാ​ഹ​ച​ര്യം നോ​ക്കി​യാ​കും സ​ർ​വി​സ്​
●വ​ള​രെ അ​ത്യാ​വ​ശ്യ​ഘ​ട്ട​ങ്ങ​ളി​ല്‍ ഹോ​ട്ട​ലു​ക​ളി​ല്‍ പോ​യി ഭ​ക്ഷ​ണം വാ​ങ്ങാം. ഇ​തി​ന്​ സ​ത്യ​പ്ര​സ്താ​വ​ന ​ൈക​യി​ല്‍ ക​രു​ത​ണം
●ടെ​ലി​കോം, ഐ.​ടി, ആ​ശു​പ​ത്രി​ക​ൾ, മാ​ധ്യ​മ​സ്ഥാ​പ​ന​ങ്ങ​ള്‍, പാ​ൽ, പ​ത്ര​വി​ത​ര​ണം, ജ​ല​വി​ത​ര​ണം, വൈ​ദ്യു​തി എ​ന്നി​വ​യു​മാ​യി ബ​ന്ധ​പ്പെ​ട്ട സ്ഥാ​പ​ന​ങ്ങ​ൾ ഈ ​ദി​വ​സ​ങ്ങ​ളി​ല്‍ പ്ര​വ​ര്‍ത്തി​ക്കും
●വാ​ക്​​സി​ൻ വി​ത​ര​ണം പ​തി​വു​പോ​ലെ ന​ട​ക്കും
●വീ​ടു​ക​ളി​ല്‍ മ​ത്സ്യം എ​ത്തി​ച്ച് വി​ല്‍പ​ന ന​ട​ത്തു​ന്ന​തി​ന് ത​ട​സ്സ​മി​ല്ല. എ​ന്നാ​ല്‍, വി​ല്‍പ​ന​ക്കാ​ര്‍ മാ​സ്ക് ധ​രി​ക്കു​ന്ന​ത് ഉ​ള്‍പ്പെ​ടെ കോ​വി​ഡ് നി​യ​ന്ത്ര​ണ​ങ്ങ​ള്‍ ക​ര്‍ശ​ന​മാ​യി പാ​ലി​ക്ക​ണം.