പ​തി​ന​ഞ്ചാം നി​യ​മ​സ​ഭ​യു​ടെ ര​ണ്ടാം സ​മ്മേ​ള​നം പിരിഞ്ഞു

തി​രു​വ​ന​ന്ത​പു​രം: പ​തി​ന​ഞ്ചാം കേ​ര​ള നി​യ​മ​സ​ഭ​യു​ടെ ര​ണ്ടാം സ​മ്മേ​ള​നം അ​നി​ശ്​​ചി​ത​കാ​ല​ത്തേ​ക്ക്​ പി​രി​ഞ്ഞു. ആ​കെ 17 ദി​വ​സ​ങ്ങ​ളാ​ണ് സ​ഭ സ​മ്മേ​ളി​ച്ച​ത്. പ്ര​തി​പ​ക്ഷം മൂ​ന്ന്​ ദി​വ​സം സ​ഭാ​ന​ട​പ​ടി​ക​ൾ ബ​ഹി​ഷ്​​ക​രി​ക്കു​ക​യും ചെ​യ്​​തു.

സ​മ്മേ​ള​ന കാ​ല​യ​ള​വി​ല്‍ 14 അ​ടി​യ​ന്ത​ര​പ്ര​മേ​യ നോ​ട്ടീ​സു​ക​ള്‍ സ​ഭ​യു​ടെ പ​രി​ഗ​ണ​ന​ക്കെ​ത്തി. 29 ശ്ര​ദ്ധ​ക്ഷ​ണി​ക്ക​ല്‍ നോ​ട്ടീ​സു​ക​ളും 157 സ​ബ്മി​ഷ​നു​ക​ളും അ​വ​ത​രി​പ്പി​ച്ചു. 295 രേ​ഖ​ക​ള്‍ മ​ന്ത്രി​മാ​ര്‍ മേ​ശ​പ്പു​റ​ത്തു​െ​വ​ച്ചു. വി​വി​ധ സ​മി​തി​ക​ളു​ടെ 58 റി​പ്പോ​ര്‍ട്ടു​ക​ള്‍ സ​ഭ​യി​ല്‍ സ​മ​ര്‍പ്പി​ക്കു​ക​യും ചെ​യ്​​തു. കേ​ന്ദ്ര വൈ​ദ്യു​തി നി​യ​മ​ത്തി​നെ​തി​രെ സ​ഭ ഐ​ക​ക​ണ്ഠ്യേ​ന പ്ര​മേ​യം പാ​സാ​ക്കി.

2020ലെ ​കേ​ര​ള പൊ​ലീ​സ് ച​ട്ട​ങ്ങ​ള്‍ക്ക് നി​ർ​ദേ​ശി​ക്ക​പ്പെ​ട്ട ഏ​താ​നും ഭേ​ദ​ഗ​തി​ക​ളും പ​രി​ഗ​ണി​ച്ചു. ഇ​പ്പോ​ള്‍ നി​ല​നി​ല്‍ക്കു​ന്ന 44 ഓ​ര്‍ഡി​ന​ന്‍സു​ക​ള്‍ക്ക് പ​ക​ര​മു​ള്ള ബി​ല്ലു​ക​ളും മ​റ്റ്​ അ​ടി​യ​ന്ത​ര സ്വ​ഭാ​വ​മു​ള്ള ബി​ല്ലു​ക​ളും പ​രി​ഗ​ണി​ക്കു​ന്ന​തി​നാ​യി ഉ​ട​ന്‍ത​ന്നെ സ​ഭ സ​മ്മേ​ള​നം ചേ​രേ​ണ്ടി​വ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.