മുല്ലപ്പെരിയാർ അണക്കെട്ടിന്റെ സുരക്ഷ പുനഃപരിശോധിക്കും

ന്യൂ​ഡ​ല്‍ഹി: മു​ല്ല​പ്പെ​രി​യാ​ർ അ​ണ​ക്കെ​ട്ടി​ന്റെ സു​ര​ക്ഷ പു​നഃ​പ​രി​ശോ​ധി​ക്കാ​ൻ കേ​ന്ദ്ര ജ​ല​ശ​ക്തി മ​ന്ത്രാ​ല​യം തീ​രു​മാ​നി​ച്ചു. 2021ലെ ​അ​ണ​​ക്കെ​ട്ട് സു​ര​ക്ഷാ നി​യ​മ​ത്തി​ന്റെ അ​ടി​സ്ഥാ​ന​ത്തി​ൽ പു​തി​യ സു​ര​ക്ഷാ പ​രി​ശോ​ധ​ന​ക്കു​ള്ള പ​രി​ഗ​ണ​നാ വി​ഷ​യ​ങ്ങ​ൾ ത​യാ​റാ​ക്കു​മെ​ന്നും മ​ന്ത്രാ​ല​യം വ്യ​ക്ത​മാ​ക്കി. പ​ത്ത് വ​ർ​ഷം മു​മ്പു​ണ്ടാ​ക്കി​യ മു​ല്ല​പ്പെ​രി​യാ​ർ മേ​ൽ​നോ​ട്ട സ​മി​തി പി​രി​ച്ചു​വി​ട്ട് അ​ണ​ക്കെ​ട്ടി​ന്റെ സു​ര​ക്ഷാ​കാ​ര്യ​ങ്ങ​ൾ പ​രി​ശോ​ധി​ക്കാ​ൻ പു​തി​യ സ​മി​തി​യു​ണ്ടാ​ക്കി ഇ​ക്ക​ഴി​ഞ്ഞ ന​വം​ബ​ർ 21ന് ​പു​റ​ത്തി​റ​ക്കി​യ ‘ഓ​ഫി​സ് മെ​മോ​റാ​ണ്ട’​ത്തി​ലാ​ണ് മ​ന്ത്രാ​ല​യം തീ​രു​മാ​നം അ​റി​യി​ച്ച​ത്.

മു​ല്ല​പ്പെ​രി​യാ​ർ അ​ണ​ക്കെ​ട്ടി​ന്റെ സു​ര​ക്ഷാ​വി​ഷ​യ​ങ്ങ​ള്‍ ദേ​ശീ​യ അ​ണ​ക്കെ​ട്ട് സു​ര​ക്ഷാ അ​തോ​റി​റ്റി​ക്ക് കൈ​മാ​റാ​ൻ തീ​രു​മാ​നി​ച്ച​ശേ​ഷ​മാ​ണ് വി​ഷ​യ​ത്തി​ന്റെ പ്രാ​ധാ​ന്യം പ​രി​ഗ​ണി​ച്ച് അ​തോ​റി​റ്റി ചെ​യ​ർ​മാ​ൻ അ​ധ്യ​ക്ഷ​നാ​യി പു​തി​യ മേ​ൽ​നോ​ട്ട സ​മി​തി ത​ന്നെ​യു​ണ്ടാ​ക്കാ​ൻ തീ​രു​മാ​നി​ച്ച​തെ​ന്ന് മ​ന്ത്രാ​ല​യം വ്യ​ക്ത​മാ​ക്കി. പു​തി​യ മേ​ൽ​നോ​ട്ട സ​മി​തി​യു​മാ​യി സ​ഹ​ക​രി​ക്കാ​ൻ കേ​ര​ള​ത്തോ​ടും ത​മി​ഴ്നാ​ടി​നോ​ടും കേ​ന്ദ്രം ആ​വ​ശ്യ​പ്പെ​ട്ടു. ഏ​ഴം​ഗ മേ​ല്‍നോ​ട്ട സ​മി​തി​യി​ല്‍ കേ​ര​ള​ത്തി​ല്‍നി​ന്നും ത​മി​ഴ്‌​നാ​ട്ടി​ല്‍നി​ന്നു​മു​ള്ള അ​ഡീ​ഷ​ന​ല്‍ ചീ​ഫ് സെ​ക്ര​ട്ട​റി​മാ​രും ത​മി​ഴ്‌​നാ​ട്ടി​ലെ കാ​വേ​രി സെ​ല്ലി​ന്റെ ചെ​യ​ര്‍മാ​നും കേ​ര​ള​ത്തി​ന്റെ ഇ​റി​ഗേ​ഷ​ന്‍ വ​കു​പ്പ് ചെ​യ​ര്‍മാ​നും അം​ഗ​ങ്ങ​ളാ​യി​രി​ക്കും. ബം​ഗ​ളൂ​രു​വി​ലെ ഇ​ന്ത്യ​ന്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് സ​യ​ന്‍സി​ലെ സെ​ന്റ​ര്‍ ഫോ​ര്‍ എ​ക്‌​സ​ല​ന്‍സി​ൽ​നി​ന്ന് ഒ​രു വി​ദ​ഗ്ധ​നും സ​മി​തി​യി​ലു​ണ്ടാ​കും.

ദേ​ശീ​യ അ​ണ​ക്കെ​ട്ട് സു​ര​ക്ഷാ അ​തോ​റി​റ്റി (എ​ൻ.​ഡി.​എ​സ്.​എ) നി​ല​വി​ൽ വ​രു​ന്ന​തു​വ​രെ മേ​ൽ​നോ​ട്ട സ​മി​തി തു​ട​ര​ട്ടെ എ​ന്ന് 2022 ഏ​പ്രി​ൽ എ​ട്ടി​ന് പു​റ​പ്പെ​ടു​വി​ച്ച വി​ധി​യി​ൽ സു​പ്രീം​കോ​ട​തി വ്യ​ക്ത​മാ​ക്കി​യ​താ​ണെ​ന്ന് കേ​ന്ദ്ര ജ​ല​ശ​ക്തി മ​ന്ത്രാ​ല​യം ‘ഓ​ഫി​സ് മെ​മോ​റാ​ണ്ട’​ത്തി​ൽ ചൂ​ണ്ടി​ക്കാ​ട്ടി. തെ​ക്കു പ​ടി​ഞ്ഞാ​റ​ൻ കാ​ല​വ​ർ​ഷം അ​വ​സാ​നി​ക്കു​ന്ന സ​മ​യ​ത്ത് ക​ഴി​ഞ്ഞ​വ​ർ​ഷം ഒ​ക്ടോ​ബ​ർ ഒ​ന്നി​ന് പ്രാ​ബ​ല്യ​ത്തി​ൽ വ​രു​ന്ന​ത​ര​ത്തി​ൽ മേ​ൽ​നോ​ട്ട സ​മി​തി പി​രി​ച്ചു​വി​ട്ട് എ​ൻ.​ഡി.​എ​സ്.​എ​ക്ക് മേ​ൽ​നോ​ട്ട ചു​മ​ത​ല കൈ​മാ​റു​മെ​ന്ന് സു​പ്രീം​കോ​ട​തി​യെ ത​ങ്ങ​ൾ അ​റി​യി​ച്ച​തു​മാ​ണ്. അ​തു​കൊ​ണ്ടാ​ണ് 2024 ഒ​ക്ടോ​ബ​ർ ഒ​ന്നി​നു​ണ്ടാ​ക്കി​യ മേ​ൽ​നോ​ട്ട​സ​മി​തി പി​രി​ച്ചു​വി​​ടു​ന്ന​ത്.

സ​മി​തി പി​രി​ച്ചു​വി​ട്ട​ശേ​ഷം സു​പ്രീം​കോ​ട​തി​യെ അ​റി​യി​ച്ച​തു​പോ​ലെ മേ​ൽ​നോ​ട്ട സ​മി​തി​യു​ടെ ഉ​ത്ത​ര​വാ​ദി​ത്തം നി​ർ​വ​ഹി​ക്കേ​ണ്ട​ത് എ​ൻ.​ഡി.​എ​സ്.​എ ആ​ണെ​ന്നും എ​ന്നി​രു​ന്നാ​ലും മു​ല്ല​പ്പെ​രി​യാ​റി​ന്റെ സു​ര​ക്ഷാ പ്രാ​ധാ​ന്യം പ​രി​ഗ​ണി​ച്ച് ത​ങ്ങ​ൾ എ​ൻ.​ഡി.​എ​സ്.​എ ചെ​യ​ർ​മാ​നാ​യി പു​തി​യ മേ​ൽ​നോ​ട്ട​സ​മി​തി ത​ന്നെ​യു​ണ്ടാ​ക്കു​ക​യാ​ണെ​ന്നും ജ​ല​ശ​ക്തി മ​ന്ത്രാ​ല​യം തു​ട​ർ​ന്നു.

പു​തി​യ മേ​ൽ​നോ​ട്ട സ​മി​തി​ക്കു​ള്ള മാ​ർ​ഗ​നി​ർ​ദേ​ശ​ങ്ങ​ൾ

• മ​ഴ​ക്ക് മു​മ്പും മ​ഴ​ക്കാ​ല​ത്തും അ​ട​ക്കം സ​മ​യാ​സ​മ​യ​ങ്ങ​ളി​ൽ പ​രി​ശോ​ധ​ന ന​ട​ത്തും
• അ​ടി​യ​ന്ത​ര സാ​ഹ​ച​ര്യ​ത്തി​ൽ കേ​ര​ള​ത്തി​നും ത​മി​ഴ്നാ​ട്ടി​നും ഒ​രു​മി​ച്ചും ഏ​തെ​ങ്കി​ലു​മൊ​രു സം​സ്ഥാ​ന​ത്തി​ന് വേ​റി​ട്ടും നി​ർ​ദേ​ശം ന​ൽ​കു​ക​യും ഉ​ചി​ത​മാ​യ ന​ട​പ​ടി എ​ടു​ക്കു​ക​യും ചെ​യ്യും.
• മു​ല്ല​പ്പെ​രി​യാ​ർ അ​ണ​ക്കെ​ട്ടി​ന്റെ സു​ര​ക്ഷ​യു​ടെ പൂ​ർ​ണ ഉ​ത്ത​ര​വാ​ദി​ത്തം സ​മി​തി​ക്കാ​യി​രി​ക്കും.
• അ​ണ​ക്കെ​ട്ടി​ന്റെ സു​ര​ക്ഷ​യു​മാ​യി ബ​ന്ധ​പ്പെ​ട്ട എ​ല്ലാ വി​ഷ​യ​ങ്ങ​ളും സ​മി​തി തീ​രു​മാ​നി​ക്കും.
• സു​ര​ക്ഷ​യു​ടെ കാ​ര്യ​ത്തി​ൽ സ​മി​തി ന​ൽ​കു​ന്ന നി​ർ​ദേ​ശ​ങ്ങ​ൾ ന​ട​പ്പാ​ക്കാ​ൻ കേ​ര​ള​വും ത​മി​ഴ്നാ​ടും സ​ഹ​ക​രി​ക്ക​ണം.