ഓടിക്കൊണ്ടിരിക്കുന്ന കാറിന് തീപിടിച്ചു; ഡ്രൈവർ അത്ഭുതകരമായി രക്ഷപ്പെട്ടു -വിഡിയോ

വൈത്തിരി: വയനാട്ടിൽ ഓടിക്കൊണ്ടിരിക്കുന്നതിനിടെ കാറിന് തീപിടിച്ചു, ഡ്രൈവർ അത്ഭുതകരമായി രക്ഷപ്പെട്ടു. ചുണ്ടേൽ-മേപ്പാടി റോഡിൽ കോട്ടനാട് വെച്ചാണ് സംഭവം.

തിനപുരം സ്വദേശി ബീരാൻ ഹാജി ഓടിച്ചിരുന്ന നാനോ കാറിനാണ് ശനിയാഴ്ച വൈകീട്ട് 3.45ഓടെ തീപിടിച്ചത്. കൽപറ്റ അഗ്നിശമന സേന എത്തിയാണ് തീ അണച്ചത്. കാർ പൂർണമായി കത്തിനശിച്ചു.