പുതിയ കേരളത്തിന്‍റെ ഉദയം -അതിദാരിദ്ര്യമുക്ത സംസ്ഥാനമായി പ്രഖ്യാപിച്ച് മുഖ്യമന്ത്രി

തിരുവനന്തപുരം: കേരളത്തെ അതിദാരിദ്ര്യമുക്ത സംസ്ഥാനമായി പ്രഖ്യാപിച്ചു. പുതിയ കേരളത്തിന്‍റെ ഉദയമാണിതെന്നും നമ്മുടെ സങ്കൽപത്തിലുള്ള നവകേരളത്തിന്‍റെ സാക്ഷാത്കാരത്തിലേക്കുള്ള ചവിട്ടുപടിയാണിതെന്നും തിരുവനന്തപുരത്ത് സംഘടിപ്പിച്ച അതിദാരിദ്ര്യമുക്ത സംസ്ഥാന പ്രഖ്യാപന ചടങ്ങിന്‍റെ ഉദ്ഘാടന പ്രസംഗത്തിൽ മുഖ്യമന്ത്രി പിണറായി വിജയൻ പറഞ്ഞു. നടൻ മമ്മൂട്ടി ചടങ്ങിൽ മുഖ്യാതിഥിയായി. എട്ടുമാസത്തിന് ശേഷമാണ് മമ്മൂട്ടി പൊതുചടങ്ങിൽ പങ്കെടുത്തത്.

അതിദാരിദ്ര്യമില്ലാത്ത നാടായി ലോകത്തിനു മുന്നിൽ നാം ഇന്ന് ആത്മാഭിമാനത്തോടെ തല ഉയർത്തി നിൽക്കുകയാണെന്ന് മുഖ്യമന്ത്രി പറഞ്ഞു. ഐക്യ കേരളമെന്ന സ്വപ്നം യാഥാർത്ഥ്യമായിട്ട് 69 വർഷം തികയുന്ന മഹത്തായ ദിനമാണ് ഇന്ന്. അതിദാരിദ്ര്യത്തെ നാടിന്റെ ആകെ സഹകരണത്തോടെയാണ് ചെറുത്തുതോൽപ്പിച്ചത്. 64,006 കുടുംബങ്ങളിൽ വിവിധ ഘട്ടങ്ങളിലായി 64,005 കുടുംബങ്ങൾ അതിദാരിദ്ര്യമുക്തമായിരുന്നു. എന്നാൽ, ഒരു കുടുംബമാണ് ബാക്കിയുണ്ടായിരുന്നത്. അതിന് സാങ്കേതിക പ്രശ്നമുണ്ടായിരുന്നു. ആ സാങ്കേതിക പ്രശ്നം പരിഹരിക്കുന്നതിനായി മന്ത്രിസഭയുടെ മുമ്പിൽ വന്നു. ആ പ്രശ്നവും പരിഹരിച്ചു. അതോടെ തയാറാക്കിയ വെബ്സൈറ്റിൽ ബാക്കിയുണ്ടായിരുന്ന അതിദാരിദ്രരുടെ പട്ടികയിൽ ഒന്ന് എന്ന സ്ഥാനത്ത് പൂജ്യം എന്നായി. ഞങ്ങളെല്ലാം കണ്ടുനിൽക്കെ 64,006 കുടുംബങ്ങളും അതിദാരിദ്ര്യമുക്തമായി -മുഖ്യമന്ത്രി പറഞ്ഞു.

അതിദാരിദ്ര്യമുക്ത കേരള പ്രഖ്യാപനത്തിനായി ഫണ്ട് വക മാറ്റൽ; ആളെക്കൂട്ടാൻ തദ്ദേശ സെക്രട്ടറിമാർക്ക് നോട്ടീസും

തിരുവനന്തപുരം: അതിദാരിദ്ര്യ മുക്ത കേരളം പ്രഖ്യാപനത്തിൽ ഫണ്ട് വക മാറ്റലും പരിപാടിക്ക് ആളെക്കൂട്ടാൻ തദ്ദേശ സെക്രട്ടറിമാർക്ക് നോട്ടീസും. പാവപ്പെട്ടവർക്ക് വീട് നിർമിക്കുന്നതിന് മാറ്റി വെച്ചിരുന്ന ഫണ്ടിൽ നിന്നാണ് പ്രഖ്യാപന സമ്മേളനം നടത്തുന്നത്. ഒന്നരക്കോടി രൂപയാണ് പരിപാടിക്ക് വേണ്ടി ചെലവാക്കുന്നത്. തിരുവനന്തപുരം ജില്ലയിലുള്ളവർക്കാണ് നോട്ടീസ് ലഭിച്ചത്.

ഇന്ന് പ്രത്യേക നിയമസഭാ സമ്മേളനം വിളിച്ച് മുഖ്യമന്ത്രി അതിദാരിദ്ര്യ മുക്ത കേരളം പ്രഖ്യാപനം സഭയിൽ നടത്തി. 28 മിനിട്ട്​ നീണ്ട പ്രസംഗത്തിൽ അതിദാരിദ്ര്യ മുക്​ത കേരളത്തിലേക്കുള്ള സംസ്ഥാനത്തിന്‍റെ പ്രയാണവും വഴിയടയാളങ്ങളും മുഖ്യമന്ത്രി അക്കമിട്ട്​ നിരത്തി. അതിദാരിദ്ര്യമുക്ത പദവി നിലനിർത്തുന്നതിന് ജാഗ്രത തുടരുമെന്നും മുക്തരായവർ ആരും അതിദാരിദ്ര്യത്തിലേക്ക് വീഴാതിരിക്കാൻ നടപടി സ്വീകരിക്കുമെന്നും മുഖ്യമന്ത്രി വ്യക്​തമാക്കി. അതിദാരിദ്ര്യം വീണ്ടും തലപൊക്കുന്നില്ലെന്ന് ഉറപ്പാക്കും. ഇതിനായി വിവിധ തല പ്രവര്‍ത്തന രൂപരേഖ തയാറാക്കിയിട്ടുണ്ട്. 1975ൽ ഏറ്റവും കൂടുതല്‍ പേർ ദാരിദ്ര്യരേഖക്ക് താഴെയുള്ള സംസ്ഥാനമായിരുന്നു കേരളം. അവിടെ നിന്നാണ് അതിദാരിദ്ര്യം നിർമാർജനം ചെയ്ത ആദ്യ ഇന്ത്യന്‍ സംസ്ഥാനമായത്. കേരളം പല ക്ഷേമ പ്രവര്‍ത്തനങ്ങളുടെയും പരീക്ഷണശാലയാണ്. അതിദാരിദ്ര്യ നിർമാർജനത്തിന്‍റെ കാര്യത്തിലും, പരീക്ഷണങ്ങള്‍ രാജ്യത്തെ ഇതര സംസ്ഥാനങ്ങള്‍ക്ക് പ്രയോജനപ്പെടുത്താന്‍ കഴിയും​. ഇത് അവസാനമല്ല, പുതിയ തുടക്കമാണെന്ന് മുഖ്യമന്ത്രി പറഞ്ഞു.

സർക്കാറിന്‍റെ വാദം തട്ടിപ്പാണെന്ന് ആരോപിച്ച് പ്രതിപക്ഷം സഭാ സമ്മേളനം ബഹിഷ്കരിച്ചു. ഭ​ക്ഷ​ണം, പാ​ര്‍പ്പി​ടം, ആ​രോ​ഗ്യം, വ​രു​മാ​നം എ​ന്നി​വ ഇ​ല്ലാ​ത്ത​വ​രെ​യാ​ണ് അ​തി​ദ​രി​ദ്ര​രാ​യി ക​ണ​ക്കാ​ക്കു​ന്ന​ത്. ഇ​ങ്ങ​നെ​യു​ള്ള ല​ക്ഷ​ക്ക​ണ​ക്കി​ന് പേ​ര്‍ കേ​ര​ള​ത്തി​ലു​ണ്ടാ​യി​രി​ക്കെ ചി​ല​രെ മാ​ത്രം ഉ​ള്‍പ്പെ​ടു​ത്തി​യാ​ണ്​ പ​ട്ടി​ക​യു​ണ്ടാ​ക്കി​യ​തെന്നാണ് പ്രതിപക്ഷ നേതാവ് വി.ഡി സതീശൻ ആരോപിച്ചു. തട്ടിപ്പാരോപണങ്ങൾ പ്രതിപക്ഷത്തിന്‍റെ ശീലമാണെന്നാണ് മുഖ്യമന്ത്രി പ്രതികരിച്ചത്.

അ​തി​ദാ​രി​ദ്ര്യ മു​ക്​​തം: വ​ഴി​ക​ൾ ഇ​ങ്ങ​നെ

ഗു​ണ​ഭോ​ക്താ​ക്ക​ളെ ക​ണ്ടെ​ത്ത​ൽ: ത​ദ്ദേ​ശ വ​കു​പ്പി​ന്റെ ആ​ഭി​മു​ഖ്യ​ത്തി​ൽ ‘കി​ല’ യു​ടെ നേ​തൃ​ത്വ​ത്തി​ൽ നി​യ​മ​സ​ഭാം​ഗ​ങ്ങ​ൾ, ത​ദ്ദേ​ശ പ്ര​തി​നി​ധി​ക​ൾ, കു​ടും​ബ​ശ്രീ പ്ര​വ​ർ​ത്ത​ക​ർ, സ​ന്ന​ദ്ധ പ്ര​വ​ർ​ത്ത​ക​ർ, ഉ​ദ്യോ​ഗ​സ്ഥ​ർ എ​ന്നി​വ​ർ ഉ​ൾ​പ്പെ​ട്ട സ​മി​തി​ക​ളാ​ണ് അ​തി​ദ​രി​ദ്ര​രെ ക​ണ്ടെ​ത്തി​യ​ത്.

• മാ​ന​ദ​ണ്ഡ​ങ്ങ​ൾ: ആ​ഹാ​രം, ആ​രോ​ഗ്യം, വാ​സ​സ്ഥ​ലം, വ​രു​മാ​നം എ​ന്നി​വ​യാ​ണ് അ​തി​ദ​രി​ദ്ര​രെ നി​ർ​ണ​യി​ക്കാ​നു​ള്ള പ്ര​ധാ​ന ഘ​ട​ക​ങ്ങ​ളാ​ക്കി​യ​ത്.
• അ​തി​ദ​രി​ദ്ര​ർ: 1,032 ത​ദ്ദേ​ശ​സ്ഥാ​പ​ന​ങ്ങ​ളി​ലെ 64,006 കു​ടും​ബ​ങ്ങ​ളി​ലെ 1,03,099 പേ​രെ​യാ​ണ് അ​തി​ദ​രി​ദ്ര​രാ​യി ക​ണ്ടെ​ത്തി​യ​ത്.
• ചെ​ല​വ്: അ​തി​ദാ​രി​ദ്ര്യ നി​ർ​മാ​ർ​ജ​ന​ത്തി​നാ​യി സം​സ്ഥാ​ന സ​ർ​ക്കാ​ർ 1,000 കോ​ടി​യി​ല​ധി​കം രൂ​പ ചെ​ല​വ​ഴി​ച്ചു.
• രേ​ഖ​ക​ളും സേ​വ​ന​ങ്ങ​ളും: അ​ടി​സ്ഥാ​ന രേ​ഖ​ക​ളി​ല്ലാ​ത്ത 21,263 പേ​ർ​ക്ക് റേ​ഷ​ൻ കാ​ർ​ഡ്, ആ​ധാ​ർ കാ​ർ​ഡ്, ആ​രോ​ഗ്യ ഇ​ൻ​ഷു​റ​ൻ​സ്, ബാ​ങ്ക്​ അ​കൗ​ണ്ട്​ തു​ട​ങ്ങി​യ​വ ല​ഭ്യ​മാ​ക്കി. 5,132 കു​ടും​ബ​ങ്ങ​ള്‍ക്ക് റേ​ഷ​ന്‍ കാ​ര്‍ഡ് ന​ൽ​കി. 5,583 കു​ട്ടി​ക​ള്‍ക്ക് വി​ദ്യാ​ഭ്യാ​സ യാ​ത്ര സൗ​ജ​ന്യ​മാ​ക്കി. 331 കു​ട്ടി​ക​ള്‍ക്ക് സ്കോ​ള​ര്‍ഷി​പ്പ് ല​ഭ്യ​മാ​ക്കി.
• ഭ​ക്ഷ​ണം ഉ​റ​പ്പാ​ക്ക​ൽ: 20,648 അ​തി​ദ​രി​ദ്ര കു​ടും​ബ​ങ്ങ​ൾ​ക്ക് മൂ​ന്ന് നേ​ര​വും ഭ​ക്ഷ​ണം ഉ​റ​പ്പാ​ക്കി. 331 കു​ടും​ബ​ങ്ങ​ള്‍ക്ക് വൈ​ദ്യു​തി ക​ണ​ക്ഷ​ന്‍ ന​ൽ​കി. 428 ഏ​കാം​ഗ കു​ടും​ബ​ങ്ങ​ളെ സു​ര​ക്ഷി​ത സ്ഥ​ല​ങ്ങ​ളി​ലേ​ക്ക് മാ​റ്റി. 520 കു​ടും​ബ​ങ്ങ​ളെ മാ​റ്റി​പ്പാ​ര്‍പ്പി​ച്ചു.
• വ​രു​മാ​നം ഉ​പ​ജീ​വ​നം: 4,394 കു​ടും​ബ​ങ്ങ​ള്‍ക്ക് സ്വ​യം വ​രു​മാ​നം നേ​ടാ​നു​ള്ള സ​ഹാ​യം ന​ല്‍കി. കു​ടും​ബ​ശ്രീ മു​ഖേ​ന ‘ഉ​ജ്ജീ​വ​നം’ പ​ദ്ധ​തി​യി​ലൂ​ടെ 3,822 പേ​ര്‍ക്ക് പ​രി​ശീ​ല​ന​വും ധ​ന​സ​ഹാ​യ​വും. 35,041 കു​ടും​ബ​ങ്ങ​ളെ തൊ​ഴി​ലു​റ​പ്പ് പ​ദ്ധ​തി​യു​ടെ ഭാ​ഗ​മാ​ക്കി. ഇ​തി​നു പു​റ​മെ 228 പേ​ര്‍ക്ക് ജീ​വ​നോ​പാ​ധി​ക​ളും ന​ല്‍കി.
• ഭ​വ​ന പ​ദ്ധ​തി​ക​ൾ: 4,677 കു​ടും​ബ​ങ്ങ​ൾ​ക്ക് ലൈ​ഫ് മി​ഷ​ൻ മു​ഖേ​ന വീ​ട് നി​ർ​മാ​ണം പൂ​ർ​ത്തി​യാ​ക്കി. 2,713 കു​ടും​ബ​ങ്ങ​ൾ​ക്ക് ഭൂ​മി​യും ഭ​വ​ന​നി​ർ​മാ​ണ സ​ഹാ​യ​വും ന​ൽ​കി. വീ​ട് പു​ന​രു​ദ്ധാ​ര​ണ​ത്തി​ന് ഒ​രു ല​ക്ഷം എ​ന്ന പ​രി​ധി മാ​റ്റി. അ​തി​ദ​രി​ദ്ര കു​ടും​ബ​ങ്ങ​ൾ​ക്ക് ര​ണ്ട് ല​ക്ഷം രൂ​പ വ​രെ അ​നു​വ​ദി​ച്ചു.