ചോദ്യപേപ്പർ മോഷ്ടാവിനെ പിടികൂടാനായില്ല; പുനഃപരീക്ഷക്ക്​ ചെലവായ 38 ലക്ഷം അധ്യാപകരിൽനിന്ന്​ ഈടാക്കുന്നു

തി​രു​വ​ന​ന്ത​പു​രം: സ്കൂ​ളി​ൽ​നി​ന്ന്​ ചോ​ദ്യ​പേ​പ്പ​ർ പാ​ക്ക​റ്റു​ക​ൾ ക​വ​ർ​ന്ന​തു​കാ​ര​ണം പു​നഃ​പ​രീ​ക്ഷ ന​ട​ത്താ​ൻ ചെ​ല​വാ​യ 38 ല​ക്ഷം രൂ​പ അ​ധ്യാ​പ​ക​രി​ൽ​നി​ന്ന്​ ഈ​ടാ​ക്കാ​ൻ വി​ദ്യാ​ഭ്യാ​സ വ​കു​പ്പ്. മ​ല​പ്പു​റം കു​ഴി​മ​ണ്ണ ജി.​എ​ച്ച്.​എ​സ്.​എ​സി​ൽ​നി​ന്ന്​ 2020 ഡി​സം​ബ​റി​ൽ ഒ​ന്നാം വ​ർ​ഷ ഹ​യ​ർ​​സെ​ക്ക​ൻ​ഡ​റി സ​പ്ലി​മെ​ന്‍റ​റി/ ഇം​പ്രൂ​വ്​​മെ​ന്‍റ്​ പ​രീ​ക്ഷ​യു​ടെ ഇം​ഗ്ലീ​ഷ്, ഇ​ക്ക​ണോ​മി​ക്സ്, അ​ക്കൗ​ണ്ട​ൻ​സി വി​ത്ത്​ എ.​എ​ഫ്.​എ​സ്​ എ​ന്നി​വ​യു​ടെ പ​ത്ത്​ വീ​തം ചോ​ദ്യ​പേ​പ്പ​ർ പാ​ക്ക​റ്റു​ക​ളാ​ണ്​ മോ​ഷ​ണം പോ​യ​ത്.

സം​ഭ​വ​ത്തി​ൽ സ്കൂ​ൾ പ്രി​ൻ​സി​പ്പ​ൽ ഡി. ​ഗീ​ത, ഡെ​പ്യൂ​ട്ടി ചീ​ഫ്​ സൂ​പ്ര​ണ്ടു​മാ​രാ​യ ടി. ​മു​ഹ​മ്മ​ദ​ലി (ചു​ള്ളി​ക്കോ​ട്​ ജി.​എ​ച്ച്.​എ​സ്.​എ​സ്), കെ. ​മ​ഹ​റൂ​ഫ്​ അ​ലി (ഒ​ഴു​കൂ​ർ ക്ര​സ​ൻ​സ്​ എ​ച്ച്.​എ​സ്.​എ​സ്), നൈ​റ്റ്​ വാ​ച്ച്​​മാ​നാ​യ ടി. ​അ​ബ്​​ദു​സ്സ​മ​ദ്​ എ​ന്നി​വ​രെ സ​ർ​വി​സി​ൽ​നി​ന്ന്​ സ​സ്​​പെ​ൻ​ഡ്​ ചെ​യ്തി​രു​ന്നു.

ചോ​ദ്യ​പേ​പ്പ​ർ മോ​ഷ​ണം പോ​യ​തി​നെ​തു​ട​ർ​ന്ന്​ പ​രീ​ക്ഷ മാ​റ്റി​വെ​ക്കു​ക​യും പി​ന്നീ​ട്​ പു​നഃ​പ​രീ​ക്ഷ ന​ട​ത്തു​ക​യും ചെ​യ്തു. പു​നഃ​പ​രീ​ക്ഷ ന​ട​ത്താ​ൻ 38,30,772 രൂ​പ ചെ​ല​വാ​യെ​ന്നും ഇ​ത്​ ഉ​ത്ത​ര​വാ​ദി​ക​ളാ​യ നാ​ലു​പേ​രി​ൽ​നി​ന്ന്​ തി​രി​ച്ചു​പി​ടി​ക്കാ​നു​മാ​ണ്​ സ​ർ​ക്കാ​ർ നി​ർ​ദേ​ശം. ഇ​തു​സം​ബ​ന്ധി​ച്ച്​ അ​ന്വേ​ഷി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ ഹ​യ​ർ​സെ​ക്ക​ൻ​ഡ​റി ഫി​നാ​ൻ​സ്​ വി​ഭാ​ഗം സീ​നി​യ​ർ ഓ​ഫി​സ​റെ ചു​മ​ത​ല​പ്പെ​ടു​ത്തി പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ ഉ​ത്ത​ര​വി​ട്ടു. രാ​ത്രി ചോ​ദ്യ​പേ​പ്പ​ർ മോ​ഷ​ണം പോ​യ സം​ഭ​വ​ത്തി​ൽ പ​രീ​ക്ഷ ഡ്യൂ​ട്ടി​ക്ക്​ നി​യോ​ഗി​ക്ക​പ്പെ​ട്ട മ​റ്റ്​ ര​ണ്ട്​ സ്കൂ​ളി​ലെ അ​ധ്യാ​പ​ക​രി​ൽ​നി​ന്ന്​ ഉ​ൾ​പ്പെ​ടെ ന​ഷ്ട​പ​രി​ഹാ​രം ഈ​ടാ​ക്കു​ന്ന​തി​നെ​തി​രെ അ​ധ്യാ​പ​ക സം​ഘ​ട​ന​ക​ൾ രം​ഗ​ത്തു​വ​ന്നി​ട്ടു​ണ്ട്.

മോ​ഷ്ടാ​വി​നെ പി​ടി​ക്കു​ന്ന​തി​ൽ സ​ർ​ക്കാ​ർ സം​വി​ധാ​ന​ങ്ങ​ൾ പ​രാ​ജ​യ​പ്പെ​ട്ട​പ്പോ​ൾ ഉ​ത്ത​ര​വാ​ദി​ത്തം അ​ധ്യാ​പ​ക​രു​ടെ ത​ല​യി​ൽ വെ​ച്ചു​കെ​ട്ടു​ക​യാ​ണെ​ന്നും സം​ഘ​ട​ന​ക​ൾ പ​റ​യു​ന്നു. സം​സ്ഥാ​ന​ത്ത് ഇ​നി ഏ​തെ​ങ്കി​ലും ഓ​ഫി​സി​ൽ മോ​ഷ​ണം ന​ട​ന്നാ​ൽ ഓ​ഫി​സ് മേ​ധാ​വി​യോ വ​കു​പ്പ് മേ​ധാ​വി​യോ ന​ഷ്ടം നി​ക​ത്തേ​ണ്ടി​വ​രു​മോ എ​ന്ന്​ ബ​ന്ധ​പ്പെ​ട്ട​വ​ർ വ്യ​ക്ത​മാ​ക്ക​ണ​മെ​ന്ന്​ എ.​എ​ച്ച്.​എ​സ്.​ടി.​എ ജ​ന​റ​ൽ സെ​ക്ര​ട്ട​റി എ​സ്. മ​നോ​ജ് ആ​വ​ശ്യ​പ്പെ​ട്ടു.