പൊലീസ്​ തന്ത്രപരമായി നീങ്ങി; കൊലക്കേസ്​ പ്രതി മണിക്കൂറുകൾക്കകം വലയിൽ

ചെ​റു​തോ​ണി: ഭാ​ര്യാ​മാ​താ​വി​നെ കൊ​ല​പ്പെ​ടു​ത്തി​യ ശേ​ഷം ക​ട​ന്നു​ക​ള​ഞ്ഞ പ്ര​തി​യെ നേ​രം വെ​ളു​ക്കും മു​മ്പേ പി​ടി​കൂ​ടാ​നാ​യ​ത്​ പൊ​ലീ​സി​ന്​ നേ​ട്ട​മാ​യി. വാ​ത്തി​ക്കു​ടി സ്വ​ദേ​ശി ആ​മ്പ​ക്കാ​ട്ട് ഭാ​സ്ക​ര​ന്റെ ഭാ​ര്യ രാ​ജ​മ്മ (58) കൊ​ല്ല​പ്പെ​ട്ട സം​ഭ​വ​ത്തി​ൽ മ​ക​ളു​ടെ ഭ​ർ​ത്താ​വ്​ പ​ണി​ക്ക​ൻ​കു​ടി കു​ന്നും​പു​റ​ത്ത്​ സു​ധീ​ഷി​നെ​ (33) ത​ന്ത്ര​പ​ര​മാ​യ നീ​ക്ക​ത്തി​ലൂ​ടെ​യാ​ണ്​ മ​ണി​ക്കൂ​റു​ക​ൾ​ക്ക​കം പൊ​ലീ​സ്​ വ​ല​യി​ലാ​ക്കി​യ​ത്.

ഇ​ടു​ക്കി ഡി​വൈ.​എ​സ്.​പി ബി​നു ശ്രീ​ധ​റി​ന്‍റെ മേ​ൽ​നോ​ട്ട​ത്തി​ൽ മു​രി​ക്കാ​ശ്ശേ​രി എ​സ്.​എ​ച്ച്.​ഒ എ​ൻ.​എ​സ്. റോ​യ്, എ​സ്.​ഐ സി.​ടി. ജി​ജി, എ.​എ​സ്.​ഐ ജോ​ർ​ജ്കു​ട്ടി, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ കെ.​ആ​ർ. അ​നീ​ഷ്‌, ശ്രീ​ജി​ത് ശ്രീ​കു​മാ​ർ, അ​നീ​ഷ് എ​സ്. മ​ന​യ​ത്ത്, മാ​ത്യു തോ​മ​സ് എ​ന്നി​വ​രു​ടെ നേ​തൃ​ത്വ​ത്തി​ൽ ശ​നി​യാ​ഴ്ച വൈ​കീ​ട്ട് അ​ഞ്ചി​ന്​​ ത​ന്നെ പ്ര​തി​യെ ക​സ്റ്റ​ഡി​യി​ലെ​ടു​ക്കാ​ൻ തി​ര​ച്ചി​ൽ ആ​രം​ഭി​ച്ചി​രു​ന്നു.

പ്ര​തി സ്വ​ന്തം വീ​ട്ടി​ലേ​ക്കാ​ണ് പോ​യ​തെ​ന്ന് സൂ​ച​ന കി​ട്ടി​യ​തോ​ടെ പൊ​ലീ​സ്​ പ​ണി​ക്ക​ൻ​കു​ടി​ക്ക്​ തി​രി​ച്ചു. ഇ​തി​നി​ടെ, പ്ര​തി ജി​ല്ല വി​ട്ടു​പോ​കാ​തി​രി​ക്കാ​നു​ള്ള മു​ൻ​ക​രു​ത​ലും​ സ്വീ​ക​രി​ച്ചി​രു​ന്നു. പൊ​ലീ​സ് എ​ത്തു​മ്പോ​ൾ സു​ധീ​ഷ്​ വ​സ്ത്ര​ങ്ങ​ളെ​ല്ലാം ബാ​ഗി​ലാ​ക്കി ക​ട​ക്കാ​നു​ള്ള ത​യാ​റെ​ടു​പ്പി​ലാ​യി​രു​ന്നു.

പൊ​ലീ​സ് സം​ഘ​ത്തെ ക​ണ്ട​പ്പോ​ൾ ഇ​യാ​ൾ താ​മ​സി​ക്കു​ന്ന തി​ങ്ക​ൾ​ക്കാ​ട്ടി​ലു​ള്ള വീ​ടി​ന്‍റെ പു​റ​കു​വ​ശ​ത്തെ വ​ഴി​യി​ലൂ​ടെ കാ​റ്റാ​ടി​പ്പാ​റ എ​ന്ന സ്ഥ​ല​ത്തെ ചെ​ങ്കു​ത്താ​യ പാ​റ​ക്കൂ​ട്ട​ങ്ങ​ൾ നി​റ​ഞ്ഞ സ്ഥ​ല​ത്ത് പോ​യി ഒ​ളി​ച്ചു. തു​ട​ർ​ന്ന്, പൊ​ലീ​സ് സം​ഘം നാ​ലു വ​ശ​ത്തു​നി​ന്നും വ​ള​ഞ്ഞ് സാ​ഹ​സി​ക​മാ​യി കീ​ഴ​ട​ക്കു​ക​യാ​യി​രു​ന്നു.