ബൈക്കിന്​ പിന്നിലിരുന്ന യാത്രക്കാരന് ഹൃദയാഘാതം; റോഡിൽ​ തെറിച്ചു വീണു, യുവാവ് ഗുരുതരാവസ്ഥയിൽ

കട്ടപ്പന: ബൈക്കിന്​ പിന്നിലിരുന്ന യാത്രക്കാരൻ ഹൃദയാഘാതത്തെ തുടർന്ന്​ റോഡിലേക്ക് തെറിച്ചുവീണ്​ ഗുരുതരാവസ്ഥയിൽ. കോട്ടയം സ്വദേശി അജോമോനാണ്​ (34) വീണ്​ പരിക്കേറ്റത്.

ചൊവ്വാഴ്ച രാവിലെ അടിമാലി-കുമളി ദേശീയപാതയിൽ വെള്ളയാംകുടി ജങ്​ഷന് സമീപമായിരുന്നു​ അപകടം​. സുഹൃത്തിന്‍റെ പിന്നിലിരുന്ന അജോ മോന്​ ബൈക്ക് ഓടിക്കൊണ്ടിരിക്കെയാണ്​ ഹൃദയാഘാതമുണ്ടായത്​.

അപകടം കണ്ട് എത്തിയവർ ഉടൻ​ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു. നില ഗുരുതരമായതിനാൽ തീവ്രപരിചരണ വിഭാഗത്തിലേക്ക്​ മാറ്റി. കട്ടപ്പനയിലെ സ്വകാര്യ സ്ഥാപനത്തിലെ ജീവനക്കാരനാണ് അജോമോൻ.