Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകെ.എം. മാണിക്കെതിരായ...

കെ.എം. മാണിക്കെതിരായ സുപ്രീംകോടതിയിലെ സർക്കാർ നിലപാട്​ പാർട്ടി ചർച്ച ചെയ്യും -എ. വിജയരാഘവൻ

text_fields
bookmark_border
Vijayaraghavan
cancel

തിരുവനന്തപുരം: മുൻ സംസ്ഥാന ധനമന്ത്രിയും കേരള കോൺഗ്രസിന്‍റെ അന്തരിച്ച നേതാവുമായ കെ.എം മാണി അഴിമതിക്കാരനായിരുന്നുവെന്ന സുപ്രീംകോടതിയിലെ സർക്കാർ അഭിഭാഷകന്‍റെ വാദം ഇന്ന്​ ചേരുന്ന സി.പി.എം സംസ്ഥാന സെക്രട്ടറിയേറ്റ്​ ചർച്ചചെയ്യുമെന്ന്​ പാർട്ടി സംസ്ഥാന ആക്​ടിങ്​ സെക്രട്ടറി എ. വിജയരാഘവൻ. യോഗത്തിന്​ ശേഷം ഇക്കാര്യത്തിൽ അഭിപ്രായം പറയാമെന്നും അദ്ദേഹം വ്യക്തമാക്കി. തിരുവനന്തപുരത്ത്​ മാധ്യമപ്രവർത്തകരോട്​ പ്രതികരിക്കുകയായിരുന്നു അദ്ദേഹം.

സുപ്രീംകോടതിയിലെ സർക്കാർ അഭിഭാഷകന്‍റെ നിലപാടിൽ കേരള കോൺ​ഗ്രസ്​ ജോസ്​ വിഭാഗം അതൃപ്​തി രേഖപ്പെടുത്തിയിരുന്നു. മുഖ്യമന്ത്രിയേയും ഇടതുമുന്നണി കൺവീനറേയും അവർ ഫോണിൽ ബന്ധപ്പെട്ട്​ പ്രതിഷേധം അറിയിച്ചതായി സൂചനയുണ്ട്​. അതുകൊണ്ടുതന്നെ ഇക്കാര്യത്തിൽ ഇടതുമുന്നണിക്കും സർക്കാറിനും നിലപാട്​ വ്യക്തമാക്കേണ്ടത്​ ആവശ്യമായി വന്നിരിക്കുകയാണ്​.

കേരള കോൺഗ്രസ്​ ജോസ്​ വിഭാഗം യു.ഡി.എഫ്​ വിട്ട്​ ഇടതു മുന്നണിയുടെ ഭാഗമായതോടുകൂടി കെ.എം. മാണിക്കെതിരായ മുൻ നിലപാടിൽ നിന്ന്​ ഇടതു മുന്നണി ചുവടുമാറ്റിയിരുന്നു. മാണി മരിച്ചതോടെ അദ്ദേഹത്തിനെതിരായ ചർച്ചകൾ പ്രസക്​തമല്ലെന്ന നിലപാടാണ്​ ഇടതുപക്ഷം സ്വീകരിച്ചിരുന്നത്​. അതിനിടെയാണ്​ മാണി അഴിമതിക്കാരനായിരുന്നുവെന്ന്​ ചൂണ്ടിക്കാട്ടി സുപ്രീംകോടതിയിൽ സർക്കാർ അഭിഭാഷകൻ സത്യവാങ്​മൂലം നൽകിയത്​.

നിയമസഭ കൈയാങ്കളി കേസിൽ എം.എൽ.എമാർക്കെതിരായ ക്രിമിനൽ കേസ്​ ഒഴിവാക്കി കിട്ടുന്നതിനുള്ള വാദത്തിനിടെയാണ്​ എൽ.ഡി.എഫ്​ ഘടകകക്ഷിയായ കേരള കോൺഗ്രസ്​ (എം) ന്‍റെ സമ്മുന്നത നേതാവ്​ കെ.എം. മാണി അഴിമതിക്കാരനായിരുന്നെന്ന്​ സർക്കാർ കോടതിയിൽ വാദിച്ചത്​.

മുൻ ധനമന്ത്രി കെ.എം മാണി അഴിമതിക്കാരനായിരുന്നുവെന്നും അദ്ദേഹത്തെ രക്ഷിക്കാൻ ശ്രമിച്ചതിനാലാണ്​ അക്രമമുണ്ടായതെന്നുമാണ്​ സംസ്​ഥാന സർക്കാറിന്​ വേണ്ടി ഹാജരായ അഡ്വ. രഞ്​ജിത്​ കുമാർ വാദിച്ചത്​. എന്നാൽ, ധനമന്ത്രിയുടെ സ്വഭാവം എന്തായിരുന്നാലും അന്നത്തെ പ്രതിപക്ഷ എം.എൽ.എമാരു​െട പെരുമാറ്റം പൊറുക്കാനാവാത്തതാണെന്ന്​ സുപ്രീംകോടതി ഇൗ വാദത്തോട്​ പ്രതികരിച്ചു.കേസ് പിൻവലിക്കണമോയെന്ന് സംസ്ഥാന സർക്കാരിന് തീരുമാനിക്കാനാകില്ലെന്നും കോടതി വ്യക്തമാക്കി.

നേരത്തെ കെ.എം മാണി യു.ഡി.എഫിന്‍റെ ഭാഗമായിരിക്കുന്ന സമയത്ത്​ അദ്ദേഹത്തിനെതിരായ പ്രതിഷേധമായാണ്​ നിയമസഭയിൽ അക്രമ സംഭവങ്ങൾ അരങ്ങേറിയത്​. എന്നാൽ, കെ.എം. മാണിയുടെ മരണ ശേഷം, അദ്ദേഹത്തിന്‍റെ കേരള കോൺഗ്രസ്​ എൽ.ഡി.എഫിലെത്തി. ഇപ്പോൾ കേരള കോൺഗ്രസ്​ മാണി വിഭാഗം എൽ.ഡി.എഫിന്‍റെ ഭാഗമാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:k.m maniA VijayaraghavanCPM
News Summary - The party will discuss the government's stand in the Supreme Court against K.M. Mani said Vijayaraghavan
Next Story