നായ്ക്കൂട്ടം ആടുകളെയും കോഴികളെയും കടിച്ചുകൊന്നു

കായംകുളം: വീട്ടുകാർ ഇല്ലാതിരുന്ന സമയത്ത് അതിക്രമിച്ചു കടന്ന നായ്ക്കൂട്ടം ആടുകളെയും കോഴികളെയും കടിച്ചുകൊന്നു. കൃഷ്ണപുരം കാപ്പിൽ കിഴക്ക് കൊല്ലാകുറ്റി പടീറ്റതിൽ ഷൗക്കത്തിന്റെ വീട്ടിൽ ഞായറാഴ്ച വൈകീട്ട് മൂന്നിനാണ് സംഭവം. രണ്ട് ആടിനെയും 15ഓളം കോഴികളെയുമാണ് കടിച്ചുകൊന്നത്.

നൈലോൺ വലകൾ ചാടിക്കടന്നാണ് അക്രമണം നടത്തിയത്. ബഹളം കേട്ട് സമീപത്തെ പള്ളിയിൽ വന്നവർ എത്തിയപ്പോഴേക്കും നായ്ക്കൾ കടന്നുകളഞ്ഞു.