ന്യൂനപക്ഷ ക്ഷേമവകുപ്പ്​ ചെലവിട്ടത്​ 14 ശതമാനം ഫണ്ട് മാത്രം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ന്യൂ​ന​പ​ക്ഷ ക്ഷേ​മ​വ​കു​പ്പി​ന്​ വ​ക​യി​രു​ത്തി​യ ബ​ജ​റ്റ്​ വി​ഹി​ത​ത്തി​ൽ ഇ​തു​വ​രെ വി​നി​യോ​ഗി​ച്ച​ത്​ 14.2 ശ​ത​മാ​നം. ഒ​ന്ന​ര മാ​സ​ത്തോ​ളം മാ​ത്രം ബാ​ക്കി​നി​ൽ​ക്കെ​യാ​ണ്​ ഫ​ണ്ട്​ വി​നി​യോ​ഗ​ത്തി​ൽ ന്യൂ​ന​പ​ക്ഷ വ​കു​പ്പ്​ പി​റ​കി​ൽ നി​ൽ​ക്കു​ന്ന​ത്. 2023-24 ബ​ജ​റ്റി​ൽ ന്യൂ​ന​പ​ക്ഷ ക്ഷേ​മ വ​കു​പ്പി​നാ​യി വ​ക​യി​രു​ത്തി​യ​ത്​ 76.1 കോ​ടി രൂ​പ​യാ​ണ്. ഇ​തി​ൽ 10.79 കോ​ടി രൂ​പ​യാ​ണ്​ ഇ​തു​വ​രെ ചെ​ല​വ​ഴി​ച്ച​തെ​ന്ന്​ നി​യ​മ​സ​ഭ​യി​ൽ പി. ​ഉ​ബൈ​ദു​ല്ല​യു​​ടെ ചോ​ദ്യ​ത്തി​ന്​ മ​ന്ത്രി വി. ​അ​ബ്​​ദു​റ​ഹ്​​മാ​ൻ ന​ൽ​കി​യ മ​റു​പ​ടി​യി​ൽ പ​റ​യു​ന്നു.

പ​ല പ​ദ്ധ​തി​ക​ൾ​ക്കു​മാ​യി വ​ക​യി​രു​ത്തി​യ​തി​ൽ ഒ​രു രൂ​പ പോ​ലും ചെ​ല​വ​ഴി​ച്ചി​ട്ടി​ല്ല. ഐ.​ടി.​സി ഫീ ​റീ ഇം​ബേ​ഴ്​​സ്​​മെ​ന്‍റ്​ സ്കീം (4.82 ​കോ​ടി), ന്യൂ​ന​പ​ക്ഷ കേ​​ന്ദ്രീ​കൃ​ത ​പ്ര​ദേ​ശ​ങ്ങ​ളി​ലെ കു​ടി​വെ​ള്ള പ​ദ്ധ​തി (ഒ​രു കോ​ടി), മൈ​നോ​റി​റ്റി റി​സ​ർ​ച്​ ഇ​ൻ​സ്റ്റി​റ്റ്യൂ​ട്ട്​ (10 ല​ക്ഷം), പ്ര​ധാ​ന​മ​ന്ത്രി ജ​ൻ​വി​കാ​സ്​ കാ​ര്യ​ക്രം (കേ​ന്ദ്ര-​സം​സ്ഥാ​ന വി​ഹി​തം ചേ​ർ​ത്ത്​ 40 കോ​ടി), ഓ​ഫി​സ്​ ആ​ധു​നി​കീ​ക​ര​ണം (ഒ​രു​കോ​ടി) എ​ന്നി​വ​ക്കാ​യി നീ​ക്കി​വെ​ച്ച തു​ക​യി​ൽ​നി​ന്നാ​ണ്​ ഒ​രു രൂ​പ പോ​ലും ചെ​ല​വ​ഴി​ക്കാ​ത്ത​ത്. ഇ​തി​ൽ ഐ.​ടി.​സി ഫീ ​റീ ഇം​ബേ​ഴ്സ്​​മെ​ന്‍റ്​ സ്കീ​മി​നാ​യി ഏ​താ​നും ദി​വ​സം മു​മ്പാ​ണ്​ അ​പേ​ക്ഷ ക്ഷ​ണി​ച്ച​ത്.

കൂ​ടു​ത​ൽ തു​ക വി​നി​യോ​ഗി​ച്ച​ത്​ പ്ര​ഫ. ജോ​സ​ഫ്​ മു​ണ്ട​ശ്ശേ​രി സ്​​കോ​ള​ർ​ഷി​പ്​/ സി​വി​ൽ സ​ർ​വി​സ്​ സ്​​കോ​ള​ർ​ഷി​പ്​/ വി​ദേ​ശ പ​ഠ​ന​ത്തി​നു​ള്ള സ്​​കോ​ള​ർ​ഷി​പ്​ എ​ന്നി​വ​ക്കാ​യാ​ണ്. ബ​ജ​റ്റി​ൽ 6.52 കോ​ടി നീ​ക്കി​വെ​ച്ച​തി​ൽ 4.72 കോ​ടി രൂ​പ (72.4 ശ​ത​മാ​നം) ചെ​ല​വി​ട്ടു. മ​ദ​ർ തെ​രേ​സ സ്​​കോ​ള​ർ​ഷി​പ്പി​നാ​യി നീ​ക്കി​വെ​ച്ച 68 ല​ക്ഷം രൂ​പ​യി​ൽ 66.75 ല​ക്ഷം രൂ​പ​യും (98.2 ശ​ത​മാ​നം) ചെ​ല​വ​ഴി​ച്ചു. എ.​പി.​​ജെ. അ​ബ്​​ദു​ൽ ക​ലാം സ്​​കോ​ള​ർ​ഷി​പ്പി​ന്​ 82 ല​ക്ഷം രൂ​പ വ​ക​യി​രു​ത്തി​യ​തി​ൽ 69.93 ല​ക്ഷം രൂ​പ​യും (85.3 ശ​ത​മാ​നം), ക​രി​യ​ർ ഗൈ​ഡ​ൻ​സ്​ പ​രി​ശീ​ല​ന പ​രി​പാ​ടി​ക്കാ​യു​ള്ള 1.2 കോ​ടി​യി​ൽ 25 ല​ക്ഷ​വും (21 ശ​ത​മാ​നം), വി​വാ​ഹ പൂ​ർ​വ കൗ​ൺ​സ​ലി​ങ്ങി​നു​ള്ള 90 ല​ക്ഷം രൂ​പ​യി​ൽ 25 ല​ക്ഷ​വും (28 ശ​ത​മാ​നം), ഇ​മ്പി​ച്ചി ബാ​വ ഭ​വ​ന/ പു​ന​രു​ദ്ധാ​ര​ണ പ​ദ്ധ​തി​ക്കു​ള്ള അ​ഞ്ചു​ കോ​ടി​യി​ൽ 1.45 കോ​ടി​യും (29 ശ​ത​മാ​നം), ന്യൂ​ന​പ​ക്ഷ ധ​ന​കാ​ര്യ വി​ക​സ​ന കോ​ർ​പ​റേ​ഷ​ൻ ഷെ​യ​ർ കാ​പി​റ്റ​ലി​നാ​യു​ള്ള 13 കോ​ടി​യി​ൽ 2.6 കോ​ടി​യും (20 ശ​ത​മാ​നം) ആ​ണ്​ വി​നി​യോ​ഗി​ച്ച​ത്.

വി​ഹി​തം ന​ഷ്ട​പ്പെ​ടു​ത്താ​തെ വി​നി​യോ​ഗി​ക്കു​ന്ന​തി​നു​ള്ള ന​ട​പ​ടി സ്വീ​ക​രി​ച്ചി​ട്ടു​ണ്ടെ​ന്ന്​ മ​ന്ത്രി​യു​ടെ മ​റു​പ​ടി​യി​ൽ പ​റ​യു​ന്നു​ണ്ടെ​ങ്കി​ലും പ​ല പ​ദ്ധ​തി​ക​ളു​ടെ​യും വി​നി​യോ​ഗം പൂ​ജ്യം ശ​ത​മാ​ന​മാ​ണ്. സി.​എ/​സി.​എം.​എ സ്​​കോ​ള​ർ​ഷി​പ്, സി​വി​ൽ സ​ർ​വി​സ്​ സ്​​കോ​ള​ർ​ഷി​പ്, സി.​എ​ച്ച്. മു​ഹ​മ്മ​ദ്​​കോ​യ സ്​​കോ​ള​ർ​ഷി​പ്​ എ​ന്നി​വ​ക്ക്​ ഇ​നി​യും അ​പേ​ക്ഷ ക്ഷ​ണി​ച്ചി​ട്ടി​ല്ല. മ​റ്റെ​ല്ലാ സ്​​കോ​ള​ർ​ഷി​പ്പു​ക​ൾ​ക്കും അ​പേ​ക്ഷ ക്ഷ​ണി​ക്കു​ക​യും നാ​ലെ​ണ്ണ​ത്തി​ന്‍റെ വി​ത​ര​ണം പൂ​ർ​ത്തി​യാ​ക്കു​ക​യും ചെ​യ്തി​ട്ടു​ണ്ട്. കേ​ന്ദ്രാ​വി​ഷ്കൃ​ത പ​ദ്ധ​തി​ക്കാ​യി ബ​ജ​റ്റി​ൽ 40കോ​ടി വ​ക​യി​രു​ത്തി​യി​ട്ടു​ണ്ടെ​ങ്കി​ലും തു​ക ഇ​തു​വ​രെ അ​നു​വ​ദി​ച്ചി​ട്ടി​ല്ലെ​ന്നും മ​റു​പ​ടി​യി​ൽ പ​റ​യു​ന്നു.