സഭയിൽ മാസ്ക് ധരിക്കാത്ത എ.എൻ ഷംസീറിന് സ്പീക്കറുടെ വിമർശനം

തിരുവനന്തപുരം: നിസ്സാര കാര്യത്തിന്​ പോലും കോവിഡി​െൻറ പേരിൽ പൊലീസ്​ ജനങ്ങളെ പിഴിയുന്നതിനെക്കുറിച്ച്​ പരാതികൾ വ്യാപകമായിരിക്കെ നിയമസഭയിൽ ശരിയായി മാസ്​​ക്​​ ​േപാലും ധരിക്കാതെ എം.എൽ.എമാർ. തിങ്കളാഴ്​ച മാസ്​ക്​ ധരിക്കാത്തതിന്​ ഭരണപക്ഷത്തെ എ.എൻ. ഷംസീറിന്​ സ്​പീക്കർ എം.ബി. രാജേഷ്​ മുന്നറിയിപ്പും നൽകി.

തിങ്കളാഴ്​ച അടിയന്തരപ്രമേയ നോട്ടീസ്​ പരിഗണിക്കുന്നതിനിടെയായിരുന്നു സ്​പീക്കറുടെ ഇടപെടൽ. സഭാസമ്മേളനം തുടങ്ങിയ ശേഷം മാസ്​ക്​ ധരിക്കുന്നതിൽ സ്​പീക്കർ പലതവണ വീഴ്​ച ചൂണ്ടിക്കാണി​െച്ചങ്കിലും പൂർണ ഫലമുണ്ടായില്ല.

എ.എൻ. ഷംസീർ തീരെ മാസ്​ക്​ ഉപയോഗിക്കാറില്ലെന്ന്​ സ്​പീക്കർ സഭയിൽ പറഞ്ഞു. എല്ലാവർക്കും ഇത്​ ബാധകമാണ്​. പലരും താടിയിലാണ്​ മാസ്​ക്​ ഇടുന്നത്​. നിയമസഭാനടപടികൾ വെബ്​കാസ്​റ്റ്​ ചെയ്യുന്നുണ്ട്​. ഇത്​ ചാനലുകളിൽ വരും. ജനം കാണും. തെറ്റായ സന്ദേശം ഇത്​ നൽകുമെന്നും സ്​പീക്കർ പറഞ്ഞു.

സ്​പീക്കറുടെ ഇടപെടൽ വന്നതോടെ എല്ലാവരും മാസ്​ക്​ ശരിപ്പെടുത്തി. സഭയിൽ പല അംഗങ്ങളും മാസ്​ക്​ താഴ്​ത്താറുണ്ട്​. ചിലർ പ്രസംഗിക്കു​േമ്പാൾ മാസ്​ക്​ താഴ്​ത്തും. ശീതീകരിച്ച നിയമസഭ ഹാളിൽ എം.എൽ.എമാർക്ക്​ പുറമെ ഉദ്യോഗസ്ഥരും മാധ്യമപ്രവർത്തകരും ഉണ്ട്​. ഒരേസമയം 200 ഒാളം പേർ വരെ കാണും.

അതേസമയം നിയമസഭക്ക്​ പുറത്ത്​ മാസ്​ക്​ ധരിക്കാത്തതിന്​ പൊലീസ്​ നടപടി കടുപ്പിച്ചിരിക്കുകയാണ്​. സഭയിലുള്ള എം.എൽ.എമാർക്ക്​ പ്രശ്​നമൊന്നുമില്ല. ​മാസ്​ക്​ ധരിക്കാത്തതിന്​ ഞായറാഴ്​ച 13662 ​േകസുകളാണ്​ പൊലീസ്​ എടുത്തത്​. ശനിയാഴ്​ച 14593 കേസുകളും വെള്ളിയാഴ്​ച 14839 കേസുകളും വ്യാഴാഴ്​ച 15847 കേസുകളും മാസ്​ക്​ ധരിക്കാത്തതുമായി ബന്ധപ്പെട്ട്​ പൊലീസ്​ എടുത്തു. ഇൗ നാല്​ ദിവസം 58941 പേരിൽ നിന്ന്​ മാത്രം വാങ്ങിയ പിഴ 2.94 കോടി രൂപ വരും.