വട്ടപ്പാറ പ്രധാന വളവിൽ ലോറി മറിഞ്ഞു

വളാഞ്ചേരി (മലപ്പുറം): ദേശീയപാത വട്ടപ്പാറ പ്രധാന വളവിൽ ലോറി മറിഞ്ഞു. രണ്ടു പേർക്ക് നിസാര പരിക്കേറ്റു. കർണാടകയിൽ നിന്നും പരിപ്പ് ലോഡുമായി എറണാകുളത്തേക്ക് പോവുകയായിരുന്ന ലോറി (KA 28 AA 0784) ആണ് മറിഞ്ഞത്.

പുലർച്ചെ 1.50 മണിയോടെ വട്ടപ്പാറ വളവിൽ 30 അടിതാഴേക്കാണ് ലോറി പതിച്ചത്. ബ്രേക്ക് പോയി നിരങ്ങി താഴേക്ക് പതിക്കുകയായിരുന്നു. ഫെബ്രുവരി അഞ്ചിന് ശേഷം വട്ടപ്പാറ വളവിൽ റിപ്പോർട്ട് ചെയ്യുന്ന ആദ്യത്തെ അപകടമാണിത്.