മൂന്നാർ പാപ്പാത്തിച്ചോലയിൽ ജീപ്പ് മറിഞ്ഞു

മൂന്നാർ: സൂര്യനെല്ലിയിൽ വിനോദസഞ്ചാരികളെ ക്യാമ്പിൽ എത്തിച്ച് മടങ്ങിയ ജീപ്പ് മറിഞ്ഞു. മലപ്പുറത്തു നിന്ന്​ ട്രക്കിങ്ങിനു വന്ന ആറ് യുവാക്കളെ എത്തിച്ച ജീപ്പാണ് മറിഞ്ഞത്. ആർക്കും പരിക്കില്ല.

ശനിയാഴ്ച്ച വൈകീട്ട് സൂര്യനെല്ലിയിലെ പാപ്പാത്തിച്ചോലയിലാണ് സംഭവം. യുവാക്കളെ ക്യാമ്പ് സ്ഥലത്ത് എത്തിച്ചശേഷം ജീപ്പ് തിരിക്കുമ്പോൾ മണ്ണ് ഇളകിയതാണ് അപകടകാരണം. പത്തടിയോളം താഴേക്ക് പതിച്ചെങ്കിലും ഡ്രൈവർക്ക് പരിക്കില്ല.