ഇരുമ്പുകമ്പി വൈദ്യുതി ലൈനിൽ തട്ടി; രണ്ടു പേർക്ക് പൊള്ളലേറ്റു, ഒരാളുടെ നില അതിഗുരുതരം

കോഴഞ്ചേരി: തടിയൂർ കോളഭാഗത്ത് റൂഫിങ്​ ജോലിക്കിടെ ഇരുമ്പ്​ കമ്പി വൈദ്യുതിലൈനിൽ തട്ടിയുണ്ടായ അപകടത്തിൽ രണ്ടുപേർക്ക് പൊള്ളലേറ്റു.

ഓതറ സ്വദേശി ഗോപേഷ് (45), തടിയൂർ കൈപ്പുഴശ്ശേരി ഷിജു (35) എന്നിവർക്കാണ് പൊള്ളലേറ്റത്. ഗോപേഷിന്‍റെ നില അതിഗുരുതരമാണ്.

ബുധനാഴ്ച വൈകീട്ട്​ അഞ്ചിനാണ് അപകടം. ഇരുവരെയും കോഴഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.