എത്ര പറഞ്ഞിട്ടും അനധികൃത ബോർഡുകൾക്കും കൊടികൾക്കും കുറവില്ലെന്ന് ഹൈകോടതി

കൊ​ച്ചി: എ​ത്ര പ​റ​ഞ്ഞി​ട്ടും പാ​ത​യോ​ര​ങ്ങ​ളി​ലെ അ​ന​ധി​കൃ​ത ബോ​ർ​ഡു​ക​ൾ​ക്കും കൊ​ടി​ക​ൾ​ക്കും കു​റ​വി​ല്ലെ​ന്ന് ഹൈ​കോ​ട​തി. ന​വ കേ​ര​ള​ത്തി​ന് ആ​വ​ശ്യ​മി​ല്ലാ​ത്ത​താ​ണ്​ ഇ​ത്ര​യ​ധി​കം കൊ​ടി​ക​ളും ബോ​ർ​ഡു​ക​ളും മ​റ്റും. എ​ന്തി​നാ​ണ് ഇ​ങ്ങ​നെ ബോ​ർ​ഡ്​ വെ​ക്കു​ന്ന​ത്. ​തെ​ര​ഞ്ഞെ​ടു​പ്പ് വ​ന്നാ​ൽ നാ​ട്ടി​ൽ പ​ത്ത് ബോ​ർ​ഡു​ക​ൾ അ​ധി​കം​വ​രും. മ​റ്റ് സം​സ്ഥാ​ന​ങ്ങ​ളി​ലൊ​ന്നും ഇ​ങ്ങ​നെ​യി​ല്ല. സ്വ​ന്തം മു​ഖം കാ​ണാ​നു​ള്ള താ​ൽ​പ​ര്യം മാ​ത്ര​മാ​ണി​തി​നു​പി​ന്നി​ൽ.

നി​ല​വി​ൽ ചി​ല സം​ഘ​ട​ന ഭാ​ര​വാ​ഹി​ക​ളു​ടെ ചി​ത്ര​ങ്ങ​ളാ​ണ് റോ​ഡി​ൽ മു​ഴു​വ​ൻ. എ​ല്ലാ​വ​രും ചി​രി​ച്ച് നി​ൽ​ക്കു​ക​യാ​ണ്. ഈ ​ബോ​ർ​ഡു​ക​ൾ​ക്ക്​ എ​ന്താ​ണ് പി​ഴ ഈ​ടാ​ക്കാ​ത്ത​തെ​ന്നും ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ ചോ​ദി​ച്ചു. പാ​ത​യോ​ര​ങ്ങ​ളി​ലെ അ​ന​ധി​കൃ​ത ബോ​ർ​ഡു​ക​ളും കൊ​ടി​ക​ളും നീ​ക്കം​ചെ​യ്യ​ണ​മെ​ന്ന ഹ​ര​ജി​ക​ളാ​ണ്​ കോ​ട​തി പ​രി​ഗ​ണി​ക്കു​ന്ന​ത്.

എ​ല്ലാ റോ​ഡു​ക​ളി​ലൂ​ടെ​യും താ​ൻ പോ​കു​ന്നു​ണ്ട്. ചി​ല​യി​ട​ത്തൊ​ക്കെ കൊ​ടി അ​ഴി​ച്ചു​മാ​റ്റി​യാ​ലും ക​മ്പ് അ​ങ്ങ​നെ​ത്ത​ന്നെ നി​ൽ​ക്കു​ന്ന അ​വ​സ്ഥ​യു​ണ്ട്. സ​ർ​ക്കാ​ർ ഏ​ജ​ൻ​സി​ക​ൾ​ത​ന്നെ നി​യ​മം ലം​ഘി​ക്കു​ക​യാ​ണ്.

അ​ന​ധി​കൃ​ത ബോ​ർ​ഡു​ക​ളും മ​റ്റും സം​ബ​ന്ധി​ച്ച എ​ത്ര കേ​സി​ൽ ന​ട​പ​ടി സ്വീ​ക​രി​ച്ചെ​ന്നും എ​ത്ര രൂ​പ പി​ഴ​യാ​യി ഈ​ടാ​ക്കി​യെ​ന്നും അ​റി​യി​ക്കാ​ൻ നി​ർ​ദേ​ശി​ച്ച കോ​ട​തി, ഇ​തി​നെ​തി​രെ ന​ട​പ​ടി സ്വീ​ക​രി​ക്കാ​ൻ ചു​മ​ത​ല​പ്പെ​ടു​ത്തി​യ ക​മ്മി​റ്റി​യി​ലെ അം​ഗ​ങ്ങ​ളെ വി​ളി​ച്ചു​വ​രു​ത്തേ​ണ്ടി​വ​രു​മെ​ന്ന മു​ന്ന​റി​യി​പ്പും​ ന​ൽ​കി. അ​ടു​ത്ത​യാ​ഴ്ച ഹ​ര​ജി വീ​ണ്ടും പ​രി​ഗ​ണി​ക്കും.