Begin typing your search above and press return to search.
exit_to_app
exit_to_app
auto rickshaw
cancel
camera_alt

representative image

Homechevron_rightNewschevron_rightKeralachevron_rightഓട്ടോയിൽ...

ഓട്ടോയിൽ ഡ്രൈവർക്കൊപ്പം ഇരുന്ന് യാത്ര ചെയ്യുന്നവർക്ക് ഇൻഷുറൻസ് പരിരക്ഷയില്ലെന്ന് ഹൈകോടതി

text_fields
bookmark_border

കൊച്ചി: ഡ്രൈവർക്കൊപ്പം ഒാട്ടോറിക്ഷയുടെ മുൻസീറ്റിലിരുന്ന്​ സഞ്ചരിക്കുന്ന യാത്രക്കാരന്​ അപകടമുണ്ടായാൽ ഇൻഷ​ുറൻസ് പരിരക്ഷക്ക്​ അർഹതയു​ണ്ടാവില്ലെന്ന്​ ഹൈകോടതി. ഗുഡ്സ് ഒാട്ടോറിക്ഷയിൽ ഡ്രൈവറുടെ സീറ്റ്​ പങ്കിട്ട് യാത്രചെയ്യുന്നതിനിടെ അപകടത്തിൽ പരിക്കേറ്റ മംഗലാപുരം സ്വദേശി ഭീമക്ക്​ നഷ്​ട​പരിഹാരം നൽകണമെന്ന മോട്ടോർ ആക്സിഡൻറ്​ ക്ലെയിം ട്രൈബ്യൂണലി​െൻറ ഉത്തരവിനെതിരെ ഇൻഷുറൻസ് കമ്പനി നൽകിയ ഹരജിയിലാണ്​ ജസ്​റ്റിസ് എ. ബദറുദ്ദീ​െൻറ ഉത്തരവ്​.

കാസർകോട് സ്വദേശി ബൈജുമോൻ ഗുഡ്സ് ഒാട്ടോയിൽ നിർമാണ സാമഗ്രികളുമായി പോകുമ്പോൾ 2008 ജനുവരി 23ന് ഉച്ചക്ക​ുണ്ടായ അപകടത്തിലാണ്​ ഒപ്പംകയറിയ ഭീമക്ക്​ അപകടമുണ്ടായത്​. 1.50 ലക്ഷം രൂപ നഷ്​ടപരിഹാരം ആവശ്യപ്പെട്ട് ഭീമ നൽകിയ ഹരജി അനുവദിച്ച ട്രൈബ്യൂണൽ വിധിക്കെതിരെ ഇൻഷുറൻസ്​ കമ്പനി ഹൈകോടതിയെ സമീപിക്കുകയായിരുന്നു.

ഡ്രൈവറുടെ സീറ്റിൽ അനധികൃതമായി ഇരുന്ന്​ യാത്ര ചെയ്ത വ്യക്തിക്ക് ഇൻഷുറൻസ് പരിരക്ഷ ലഭിക്കില്ലെന്ന കമ്പനിയുടെ വാദം കോടതി അനുവദിച്ചു. നഷ്‌ടപരിഹാരം നൽകാനുള്ള ബാധ്യത ഒാട്ടോ ഡ്രൈവറും ഉടമയുമായ ബൈജുമോനാണെന്നും കോടതി വ്യക്തമാക്കി.

Show Full Article
TAGS:insurance 
News Summary - The High Court has ruled that there is no insurance cover for those traveling in an auto with a driver
Next Story