കോവിഡ്​: കേരളത്തിന്​ മൂന്നാഴ്ച നിർണായകമെന്ന്​ ആരോഗ്യവകുപ്പ്​

തിരുവനന്തപുരം: കോവിഡിന്‍റെ രണ്ടാം വ്യാപനം രൂക്ഷമാകുന്നതിനിടെ മുന്നറിയിപ്പുമായി ആരോഗ്യ വകുപ്പ്​. അടുത്ത മൂന്നാഴ്ച സംസ്ഥാനത്തിന്​ നിർണായകമാണെന്ന്​ അധികൃതർ അറിയിച്ചു. കോവിഡ്​ പരിശോധനകളുടെ എണ്ണം വർധിപ്പിക്കും. തെരഞ്ഞെടുപ്പായതിനാൽ എല്ലാവരും പുറത്തിറങ്ങി. വരും ദിവസങ്ങളിൽ കൂടുതൽ ജാഗ്രത പുലർത്തണമെന്നും ആരോഗ്യവകുപ്പ്​ നിർദേശിച്ചു.

അതേസമയം, കേരളത്തിന്‍റെ കോവിഡ്​ പ്രോ​ട്ടോകോളിൽ മാറ്റം വരുത്തിയിട്ടില്ലെന്ന്​ ചീഫ്​ സെക്രട്ടറിയും വ്യക്​തമാക്കി. അന്യ സംസ്ഥാനങ്ങളിൽ നിന്ന്​ വരുന്നവർക്ക്​ ഒരാഴ്ചത്തെ ക്വാറന്‍റീൻ നിർബന്ധമാണ്​. ഏഴ്​ ദിവസത്തിനകം മടങ്ങുന്നവരാണെങ്കിൽ ക്വാറന്‍റീൻ ഇല്ലെന്നും ചീഫ്​ സെക്രട്ടറി അറിയിച്ചു.

രാജ്യത്ത്​ കോവിഡ്​ വ്യാപിച്ചതോടെ കേരളവും നിയന്ത്രണങ്ങൾ കർശനമാക്കിയിരുന്നു. മാസ്​കും ധരിക്കുന്നുണ്ടോ​യെന്നും സാമൂഹിക അകലം പാലിക്കുന്നുണ്ടോയെന്നും ഉറപ്പാക്കാൻ പൊലീസിന്​ നിർദേശം നൽകിയിരുന്നു.